1591_VI_08
CZ-KAVB > VYBRO > 1591_VI_08
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Wier Georg Abbte zue Hohenfuerth Wolffgangus Aprill
Prior vnd d(er) gannz Conuent daselbs, Bekhennen offentlich mit disem brieff, dz wir vnserm
vnderthen vnd lieben getreuen Hannsen Dibel Burger vnd Priester im Markht Hohenfuerth
ein verkhaufft hauss Morgen halbschaidt so zwischen Merten Mötels, Hannsen Aumayr, vnd Cassparn
Zinßers, Reutern, gelegen, aus dem Todtenfal in Erbrechtzeit geben haben, Also dz er Dibel
sein Eliche hausfraw Jrer baid Erben, vnd nachkhomen, nun hinfüro zue ewigen zeiten, deß
freij Erblech als andere Jre aigen gründe geniessen, innhaben, vnd gebrauchen, Ja selbs
auch Verseczen, Verkauffen, vnd ob sy bey gesundem leib od(er) am todtenbeth Jren nechsten freünd
od(er) wem sy wöllen Verkhüren, lassen, vnd geben khünnen, sollen vnd mögen, Vngehindert
Von vns vnd vnsern Nachkhomen in allweg. Dan er Dibel sich mit vns vmb das Erblech
vnd zue beseczüng halben, daran wir vns benüegen, Erbarlich Verglichen vnd zue rechter weill
bar giß vnd brieffs. Von solchem Hauß aber, sol er vns alle khünfftige Jare
auf S: Georgen tag, gleichfals zue S: Gallj, in d(er) forderung dreyßig khain groschen
(dan ist siben khain pfenning gerechnet) züraichen, vnd zügeben schuldig sein. Des
zue warem vrkhund haben wir vnsere, d(es) Abbten vnd Conuents baider aignen
Innsigill an disen brieff anhangen lassen. Geben Hohenfuerth den Achten
monatstag Junij, Jm Ein Tausent, funffhundert Ein vnd neünzigisten Jare nach
Christi geburth.
Prior vnd d(er) gannz Conuent daselbs, Bekhennen offentlich mit disem brieff, dz wir vnserm
vnderthen vnd lieben getreuen Hannsen Dibel Burger vnd Priester im Markht Hohenfuerth
ein verkhaufft hauss Morgen halbschaidt so zwischen Merten Mötels, Hannsen Aumayr, vnd Cassparn
Zinßers, Reutern, gelegen, aus dem Todtenfal in Erbrechtzeit geben haben, Also dz er Dibel
sein Eliche hausfraw Jrer baid Erben, vnd nachkhomen, nun hinfüro zue ewigen zeiten, deß
freij Erblech als andere Jre aigen gründe geniessen, innhaben, vnd gebrauchen, Ja selbs
auch Verseczen, Verkauffen, vnd ob sy bey gesundem leib od(er) am todtenbeth Jren nechsten freünd
od(er) wem sy wöllen Verkhüren, lassen, vnd geben khünnen, sollen vnd mögen, Vngehindert
Von vns vnd vnsern Nachkhomen in allweg. Dan er Dibel sich mit vns vmb das Erblech
vnd zue beseczüng halben, daran wir vns benüegen, Erbarlich Verglichen vnd zue rechter weill
bar giß vnd brieffs. Von solchem Hauß aber, sol er vns alle khünfftige Jare
auf S: Georgen tag, gleichfals zue S: Gallj, in d(er) forderung dreyßig khain groschen
(dan ist siben khain pfenning gerechnet) züraichen, vnd zügeben schuldig sein. Des
zue warem vrkhund haben wir vnsere, d(es) Abbten vnd Conuents baider aignen
Innsigill an disen brieff anhangen lassen. Geben Hohenfuerth den Achten
monatstag Junij, Jm Ein Tausent, funffhundert Ein vnd neünzigisten Jare nach
Christi geburth.