CAROLVS DEI GRATIA EPISCOPVS OLOMVCENSIS DVX
S. R. I. Princeps Regiæ Capellæ Boemiæ et de Lichtenstein Comes. Vniuersis et singulis, quorum interest, salutem in Domino
sempiternam. Vacante per obitum Adm(odum) R(everen)di quondam Bernardi Greiciger Præpositura M(onaste)rij ad O(mne)s Sanctos Olomucij Ordinis Canon(icorum) Regul(arium) S. Augustini, cuius visitatio Nobis tanquam Ordinario legitimè pertinere dignoscitur, Adm(odum) R(everen)di V(enerabi)li-
les et Religiosi prædicti Ord(in)is in hoc Marchionatu præpositi, cum suis fratribus, nec non eiusdem ignotij Professi, cupientes eidem M(onaste)rio vacanti, de alio Præposito providere, ne diuturniore eius vacatione Monasterium ipsum, damna aliqua
incurrat, pariter, iuxta Ord(in)is sui statuta, post præfixum à Nobis tanquam Ordinario electioni diem ad præfatum solennem actum, in præsentia Commissariorum N(ost)rorum Domini Joannis Petri Petrucij in spiritualibus Generalis Vicarij et Officia-
lis Nostri, nec non Christophori Fischer Consistorij Nostri Assessoris per Nos specialiter ad præsidendum eidem actui deputatorum, per formam scrutinii processerunt, et tandem pluribus ex senioribus votis V(enerabi)lem et Religiosum fratrem Augustinum Georgium
Karasek eiusdem Ordinis et M(onaste)rij professum (prout ex instrumento electionis Nobis exhibito latius patet) concorditer elegerunt, eumq(ue) Electum Nobis ut(i) loci Ordinario et Visitatori, vnà cum electionis processu per literas præsentârunt, demissè
orantes, ut illum tanquam legitimè ab omnibus ius eligendi habentibus electum ad præfatam Præposituram Omnium Sanctorum instituere, inuestire ac confirmare benignè dignaremur. Nos itaq(ue) electionis huius processu inspecto, et post accuratam
discussionem animadverso, prædictos fratres conscientiosè et legitimè in actu eo processisse, nihilq(ue) per eos iure eiusdem M(onaste)rij bono canonicè obstare, quo minus electa persona supra nominata confirmari per Nos possit ac debeat, æquis ac honestis prædictorum Co(n)-
uentus Olomucensis fratrum petitionibus benignè inclinati, dictæq(ue) præposituræ ad confirmationem electi præstandam ferimur, quantò certiorem in spem venimus, illum non solum vocationi suæ Regularj congruâ vitæ honestate pro subiectorum exemplo
et ædificatione abundè responsurum, verum etiam rem familiarem bonaq(ue) temporalia prædicti M(onaste)rij fideliter ac diligenter, prout bonum dispensatorem decet, administraturum ac curaturum esse. quemadmodum præmissorum intuitu,
præsentium tenore plenum ius administrandi, pleneq(ue) tam in spiritualibus, quàm temporalibus regendi prædictum M(onaste)rium et bona ipsius vniuersa præcepta prius ab illo fidej Catholicæ professione et corporali Juramento
super sancta D(e)i Euangelia iuxta infra scriptam formulam (eidem concedentes) in Præpositum supradicti M(onaste)rij ad omnes Sanctos in D(e)o ter Opt(imo) Max(imo) nomine, authoritate N(ost)ra Ordinaria, et tanquam visitator eundem
Electum instituimus, inuestimus ac confirmamus, utq(ue) illi non secus ac vero Præposito à fratribus M(onaste)rij præfati omnibusq(ue) subditis debita reuerentia, obedientia ac subiectio præstetur volumus, et seriò iniungimus,
committentes Adm(odum) R(everen)do in Christo Nobis dilecto Joanni Francisco Kreisel Sternbergensi Præposito, vt præfatum Augustinum Georgium Karasek à Nobis legitimè confirmatum, in realem, actualem
et corporalem dictæ Præposituræ ad OO. S(anct)os Olomucij possessionem inducat, faciatq(ue) illi de fructibus et prouentibus eiusdem vniuersis, locis et temporibus opportunis responderj; forma verò
Juramenti sequitur et est talis. Ego Augustinus Georgius Karasek electus Præpositus M(onaste)rij ad Oo. S(anct)os Olomucij Vobis Reu(erendissi)mo et Cels(issi)mo Principi ac D(omi)no D(omi)no Carolo
Ep(iscop)o Olomucensi Duci, S. R. I. Principi, Regiæ Capellæ Boemiæ et de Lichtenstein Comiti, et Vestris successoribus canonicè intrantibus veram ac debitam obedientiam et reuerentiam sanctè spondeo, pro-
mittens regulam ac statuta Ordinis mei pro posse meo quàm diligentissimè semper me obseruaturum, non ero in consilio vel facto contra vestram personam neq(ue) Eccl(esi)am Olom(ucensem) et consilia quæ vobis et eidem Eccl(esi)æ
contraria fideliter Vobis reuelabo, consilium V(est)rum neminj pandam: auxilium vobis contra qualemcunq(ue) hominem quippiam tentatem contra Vos Eccl(esi)amq(ue) Vobis commissam (saluo ordine meo in his
quæ ad iustam ipsius defensionem spectant) præstabo et exhibebo: villas et possessiones M(onaste)rij mei non vendam, non oppignorabo, non distraham, nec alio quouis titulo alienabo, nisi in casibus à jure per-
missis et concessis, debito tamen in canonibus præscripto modo, quin potius neglecta instaurare, et alienata pro virili recuperare adnitar et studebo, sic me DEVS adiuuet et hæc sancta eius Euangelia.
In quorum omnium supradictorum fidem et robur hasce literas Nostra subscriptas Sigillo Nostro maiori communiri fecimus. Datæ in Ciuitate Nostra Cremsiriensi Decima Octaua Maij Anno
M. DC. LXX.
C. N. Mimmerl