Notum perspicuumq(ue) sit Omnib(us) & Singulis quorum interest, Quod Anno Millesimo, Sexcentesimo, Septuagesimo tertio, die decima nona Men
sis Aprilis, Postquam Reverendissimus Dominus Augustinus Karassek Ordinis S(ancti) Augustini Canonicorum Regularium Congregationis Lateranensis Sanc
torum &c(etera) Omnes Sanctos Olomucij Praepositus, Decanus, & Capitulum, aedificium sui Monasterij, muro Cartusiae Olomucensis contiguum, in majus suum
emolumentum, potioremq(ue) usum convertere, & attollere intenderent, eumq(ue) in finem illius muri, suum Monasterium, & Cartusiam Olomucensem ad Orientem
segregantis, necessariam haberent exaltationem, Reverendissimum Dominum Dionysium Juray Cartusiae Olomucensis Vallis Josaphat Priorem, & Conventum,
quorum medius ille, inter se, & illos murus, proprius esse dignoscitur, vicinis precibus saluta(ss)ent, atq(ue) ut inaedificatio muro suo, ejusdemq(ue) exaltatio ad
proportionem derivandi per semitectum stillicidij, ejusq(ue) in sui Mon(aste)rij canalem, seu tectum conciliandum de(s)luxum illis faveretur, requisivissent.
Quorum petitioni & in(s)tanti(a)e Rev(erendissi)mus D(omi)nus Dionysius Juray Prior, & Conventus praelibatae Cartusiae Olomucensis, non contrariari, sed pari vicinitate obviare
volentes, supradicto Rev(erendissi)mo D(omi)no Augustino Karassek, Decano & Capitulo Mon(aste)rij Omnium Sanctorum, vicinis suis, nunc, & futuris eorum Successorib(us),
ejusdem instituti, antedicti transversalis ad Orientem muri exaltationem, eidemq(ue) ad petitam pro(s)chivissim(a)e defluenda(m) pluvia(m) proportionem, proprijs
sui Mon(aste)rij sumptibus inaedificationem, sex pedes in altum, & unum pedem in latum, concedunt, favent, annuuntq(ue) per praesentes, ita tamen & non aliter,
ut per hanc inaedificationem, & exaltationem, nullum a Mon(aste)rio Omnium Sanctorum, Rev(erendissi)mo D(omi)no Praeposito, Decano & Capitulo moderno, & Successoribus, Cartu
siae Olomucensi, nunc & in futurum, tum quoad proprietatem saepedicti muri, tum alias quocu(m)q(ue) fiat aut oriatur praejudicium. Sed Rev(erendissi)mus D(omi)nus Prae
positus modernus, Decanus, & Capitulum Successoresq(ue), sicut jam exaltationem suis sumptibus faciunt & inaedificant, ita & deinceps hanc muro nunc inaedifica
tam sex pedum portionem, non solum ita, & in statu suo, suis pariter sumptibus tamquam emolumentum suum conservare tenebuntur, sed & quod si suc
cessive ex eadem exaltatione, & superinaedificatione, aut hoc aedificio, aliquod mali fortuna, infra vel in medio ex gravitate, aut qualicunq(ue) onere, detrimentum fi
eri dignosceretur, de hoc Rev(erendissi)mus D(omi)nus Praepositus modernus, Decanus, & Capitulum, Successoresq(ue), Rev(erendissi)mum D(omi)num Priorem & Conventum Cartusiae Olomucen
sis indemnes servare, & proprijs sumptibus huic casui occurrere, (sine ullo tamen, ut praedictum est, juris aut dominij praejudicio) & restaurare obligatur,
neq(ue) etiam moderno Rev(erendissi)mo D(omi)no Praeposito, Decano, & Capitulo, aut futuris Successoribus, pluries memorati Monasterij Omnium Sanctorum, muru(m) hunc
ullis gravare oneribus, altiusq(ue) unquam, in saepesato muro inaedificare liceat, aut quomodolibet eundem alijs vel amplioribus immittendis trabibus, tecto,
aut quaq(ue) mole aggravare, ne inde quodquam detrimentum vel ruina imminere, aut oriri possit, concessum habeatur, sed Corona, ut jam muro imposita est,
omnem ejus ulteriorem arceat, & modernam terminet altitudinem. Quae ut nunc ab imo usq(ue) in eam coronam in universum viginti septem pedes continet,
ita nusquam plures capiat, nec capere possit, aut debeat. In horum omnium, ut praescribitur, ita invicem transactorum, syncere observandorum, atq(ue) ab
utraq(ue) parte, suisq(ue) Successoribus adimplendorum, fidem, robur, & valorem, compactato huic, & concessioni, ac obligationi, sigilla propria, Capituli, & Conventus
appressa, manusq(ue) propriae subscriptae sunt nomina, Die, Anno, ut supra.

F. Antonius Jublinsky Decanus m(anu) p(ropria)
F. Micha(el) Pusch Senior m(anu) p(ropria)
F. Patri(cius) Podlansky m(anu) p(ropria)
Capitulum

F. Dionysius Juray
Prior m(anu) p(ropria)

F. Franciscus
F. Mathias Jahoda
totius Conventus