NOS D(OMINUS) ASCANIUS VARESIUS PATAVINUS
CONGREGATIONIS CANONICORUM REGULARIUM LATERANENSIUM
ABBAS GENERALIS
Ill(ustrissi)mo, & R(everendissi)mo D(omino) D(omino) ALEXANDRO MAXIMILIANO KRBOSCH Canonicorum Regularium
Congregationis Lateranensis S(ancti) Augustini Olomucii ad Omnes Sanctos in Moravia, nec non Landskronæ in
Bohemia Infulato Præposito, nec non eorundem Collegiorum Illustribus Religiosissimisque Capitulis, quæ nunc
sunt, eruntque, DEO dante in posterum, salutem.
Quanquam indifferenter bonum sit sui diffusivum, & sine acceptione Personarum, bona, quæ divinitus Nobis collata sunt, quibuscumque ex Charitatis impulsu, & Religionis in-
stituto, impartiri debeamus; cum maximè eorundem bonorum in conspectu Omnipotentis Dei, justi rectique dispensatores probari toto corde aveamus: nihilominus abun-
dantius viscera charitatis nostræ in eos optamus effundere, qui Congregationi Nostræ amoris vinculo addicti, eandem Congregationem etiam peculiari studio prosequuntur, &
siunt dilectionis prærogativa digniores. Idcirco cum Vestrum in Congregationem Nostram Lateranensem devotionis affectum, & quod pluris est, univocum vivendi inter
Nos & Vos institutum & Apostolicam merendi rationem, atque profitendi summopere probemus. Vos Venerabiles Viros Ill(ustrissi)mum & R(everendissi)mum D(ominum) Alexandrum Maximilianum Krbosch Olo-
mucii ad Omnes Sanctos in Moravia, & Landskronæ in Bohemia Infulatum Præpositum, cæterosque Prælatos in perpetuum successuros, atque singulos & omnes prædictorum Collegioru(m)
Canonicos de præsenti viventes, ac in temporum successione futuros, in partem sortis Nostræ, & in Communionem Congregationis Lateranensis, unitatemque, authoritate Summorum
Pontificum, & insuper Capituli Nostri Generalis qua fungimur, iterum advocamus, recipimus, & advocatos receptosque tales vigore præsentium expressè declaramus, & perhumaniter amplectimur.
Vobis præterea, pro Vestrum apud Deum ampliori profectu, & majori meritorum proventu Leges, Constitutionesque olim à Prædecessoribus Nostris concessas, quas in hodiernam usque diem religiosa obser-
vantia retinetis, Vobis, inquam, amplissimè confirmamus. Vigore autem hujusce Unionis, Societatis, & omnimodæ unitatis volumus Vos omnes prænominatum Præpositum & Canonicos præsentes &
futuros, iisdem Indulgentiis, Indultis, Privilegiis, Concessionibus, Juribus, & Exemptionibus, tam in spiritualibus, quam in Temporalibus gaudere, uti, & potiri eadem adamusfim forma, qua
Canonici Regulares S(ancti) Augustini Congregationis Lateranensis, qui intra Italiam degunt, concedentibus Summis Pontificibus, aliisque, pleno jure gaudent, utuntur, & potiuntur. Ut verò
Vos Nobis, & Nos Vobis intimius adhærere et uniri quilibet futuris temporibus dignoscat & intelligat, hanc unicam conditionem injungimus, ut quotiescumque nova inter Vos occurrat Præ-
sulis electio, Nos & Successores Nostros de electo ex Vobis & à Vobis Præposito, certiores per litteras faciatis; ita quidem ut coalescat magis ac magis mutua Nostrum necessitudo, & disca-
mus Concanonicos Nostros Præpositos nominatim vocare, spiritualia alere commercia, Consilia Consiliis permutare, & quandocumque aliquid humanitus contingat, certâ precum Nostra-
rum directione ipsisimet Præpositis parentare possumus. Præterea Vos quantum in D(omi)no possumus, hortamur, ut singulo quoque Triennio in solemni die Assumptionis B(eatæ) V(irginis) Mariæ u-
nam Missam cantetis pro incremento atque felicitate Congregationis Nostræ Lateranensis, de qua Vos sicut Nos membra estis, & eritis. Quibus omnibus nil aliud addendum credimus,
quam plenissimam Orationum, Missarum, Divinorum Officiorum, Jejuniorum, Peregrinationum, cæterorumque Spiritualium bonorum omnium, quæ per Nostras utriusque Sexus Reli-
giosas Personas præsentes & futuras ubique terrarum dignabitur Summus & Clementissimus Deus operari, extensionem, participationemque Vobis impertiri, prout uberi animo
& luculenter impertimur. Collegia itaque Vestra de gremio Congregationis Nostræ Lateranensis declaramus, declarata & adnotata esse volumus, servatâ tamen, & in posterum servan-
dâ Vestrarum Canoniarum laudabili consuetudine. In quorum fidem. Datum Patavii in Canon(ic)a Nostra S(ancti) Ioannis in Viridario, die 12. Maii MDCCXXVIII.
D(ominus) Ascanius Varesius Abbas Gen(era)lis
D(ominus) Angelus M(ari)a Barzotti Abb(as) Secret(arius) Gen(era)lis