Jodocus dei gracia Marchio et dominus Morauie Notum facimus tenore presencium vniuersis
Quod nos considerantes et certitudinaliter informati qualiter Aaron Judeus de Tedycz mediam
villam Krzize et totum illud quicquid ad eiusdem ville medietatem pertinet Jure terre iuste et
realiter obtinuit Supplicans nobis idem Judeus vt eandem medietatem ville predicte cum suis
pertinenciis Budyslawe de Krziz Johanni dicto Smetana et Margarethe conthorali Budys
gracijs de Twossaw vendere possit de nostro consensu speciali Nos igitur ad preces tam
Judei predicti quam illorum qui emerunt ab eodem Animo deliberato ac de certa nostra
sciencia nostrum dedimus consensum et tenore presencium damus vt supradicti Budyslawa
Johannes dictus Smetana et Margaretha antedicta bona cum suis pertinenciis ab ipso
Judeo pro Quinquaginta marcis grossorum emere et eo Jure prout idem Judeus eadem ob
tinuit comparare potuerunt presencium sub nostro appenso Sigillo testimonio literarum Datum
Olomucz Anno domini Millesimo Trecentesimo Octogesimo Nono feria Sexta proxima
ante festum sancte Trinitatis