Vacante per obitum Admodum R(evere)ndi quondam Patritij Lehmann Præpositura Monasterij Sternbergæ Ordinis Canonicorum Regularium
S. Augustini, cuius Visitatio ad Nos tanquam Ordinarium, & Visitatorem pertinere dignoscitur, Reverendi, Venerabiles, et Religiosi prædicti Cœnobij Sternbergensis Professi, Cupientes eidem Monasterio vacanti, de alio Præpo=
sito providere, nè diuturniore ejus vacatione Monasterium ipsum damna aliqua, & jacturas pateretur, juxta Ordinis Sui Statuta, post præfixum à Nobis tanquam Ordinario Electionis diem ad præfatum solemnem actum
in præsentia Commissariorum Nostrorum, Domini Francisci Ferdinandi Comitis ab Oed, Cathedralis N(ost)ræ Olomucensis Præpositi, Archidiaconi Brunensis, Collegiatæ Ecclesiæ ad S. Crucem Wratislaviæ Scholastici, & Consisto=
rij N(ost)ri Assessoris, nec non Josephi Pfaffenzeller, Consiliarij N(ost)ri, & pariter Assessoris Consistorialis, Decani Ruralis, & Parochi Schnabelinensis, per Nos specialiter ad præsidendum eidem actui deputatorum, per formam Scruti=
nij processerunt, et tandem pluralitate votorum, Venerabilem, & Religiosum Fratrem Patritium Meixner, ejusdem Ordinis, et Monasterij Professum prout ex Instrumento Nobis desuper exhibito latiùs patet concorditer elegerunt,
Eumq(ue) Electum Nobis, uti loci Ordinario & Visitatori unà cum Electionis Processu præsentârunt, demissè orantes, ut illum tanquàm legitimè ab ipsis Jus eligendi habentibus, Electum ad præfatam Præposituram Sternbergensem in=
stituere, investire, ac confirmare benignè dignaremur. Nos itaq(ue) Electionis dictæ processu inspecto, & post accuratam discussionem animadvertentes, prædictos Confratres conscientiosè, et legitimè in actu eo processisse,
nihilq(ue) pro futuro ejusdem Monasterij bono Canonicè obstare, quo minùs electa Persona supra nominata confirmari per Nos possit, ac debeat, æquis, et honestis prædictorum Conventûs Sternbergensis Fratrum petitionibus benignè
inclinati, tantò promptiùs ad Confirmationem Electi præstandam ferimur, quantò certiorem in spem venimus, illum non solùm Vocationi Suæ Regulari, congruâ vitæ honestate, pro Subjectorum exemplo, & ædificatione abundè respon=
surum verùm etiam Rem familiarem, bonaq(ue) temporalia prædicti Monasterij fideliter ac diligenter prout bonum dispensatorem decet, administraturum, & curaturum esse: Quemadmodum præmissorum intuitu præsentium tenore ple=
num jus administrandi, plenèq(ue) tam in Spiritualibus, quàm temporalibus regendi, prædictum Monasterium, & Bona ipsius universa recepta priùs ab Illo Fidei Catholicæ professione, & Corporali Juramento supra Sancta DEI Evangelia,
juxtà infrà scriptam Formulam Eidem concedentes, in Præpositum supra dicti Monasterij Sternbergensis in DEI TER OPTIMI MAXIMI Nomine, authoritate N(ost)râ Ordinariâ, & tanquam Visitator eundem Electum instituimus, investi=
mus, & confirmamus, utq(ue) illi non secùs ac Vero Præposito à Fratribus Monasterij præfati, omnibusq(ue) subditis debita reverentia, obedientia, ac Subjectio præstetur, volumus, et seriò injungimus. Committentes Ad(modu)m R(evere)ndo in Christo Nobis di=
lecto Alexandro Maximiliano Krbosch ad Omnes Sanctos Olomucij Præposito, ut præfatum Fratrem Patritium Meixner utpotè à Nobis legitimè confirmatum, in realem, actualem, & Corporalem dictæ Præposituræ Sternbergensis possessionem
inducat, faciatq(ue) illi de Fructibus, et proventibus ejusdem universis, locis, et temporibus opportunis responderi. Formula autem Juramenti est talis: Ego Patritius Meixner Electus Præpositus Sternbergensis, Vobis Eminentissimo, et
Celsissimo Principi ac Domino, D(omi)no Wolffgango S. R. E. Tituli S. Marcelli Presbytero Cardinali de Schrattenbach, Protectori Germaniæ, Episcopo Olomucensi, Duci, S. R. I. Principi, Regiæq(ue) Capellæ Boëmiæ Comiti, nec non Sac(ræ) Cæsareæ, Regiæq(ue)
Cathol(icæ) M(ajesta)tis actuali arcanorum Consiliario, & Vestris Successoribus Canonicè intrantibus, veram, ac debitam reverentiam, et obedientiam Sanctè spondeo, promittens Regulam, et Statuta Ordinis mei pro posse meo, quàm diligentissimè me semper
observaturum, non ero in Consilio vel facto contra Vestram Personam, neq(ue) Ecclesiam Olomucensem, et Consilia quæ Vobis, et Eidem Ecclesiæ contraria, fideliter Vobis revelabo, Consilium V(est)rum nemini pandam, auxilium licitum Vobis contra eos, qui
aliquid iniqui contra Vos, Ecclesiamq(ue) Vobis commissam attentaverint Salvo Ordine meo in his, quæ ad justam ipsius defensionem spectant præstabo, et exhibebo, Villas, et possessiones Monasterij mei non vendam, non oppignorabo, non distraham,
nec alio quovis titulo abalienabo, nisi in casibus à jure permissis, et concessis, debitò tamen in Canonibus præscripto modo, quin potiùs neglecta restaurare, et alienata pro virili recuperare adnitar, et studebo. Sic me DEUS adjuvet, et hæc Sancta
Ejus Evangelia. In quorum omnium supradictorum fidem, et robur, hasce Manu N(ost)râ subscriptas Sigillo N(ost)ræ Cancellariæ majori communiri fecimus. Datæ in Civitate Regia Brunensi die Decimâ Octavâ Mensis Februarij Anno Domini
Wolfgangus de Schrattenbach Ep(iscopu)s Millesimo, Septingentesimo, Vigesimo Sexto.