Nos Wsseborius et Vlricus fratres de Namyestz promissores principales et Nos Artlebus de Starechowicz Smilo de Lestny
Eze Machnyk de Drahotuss Wylhelmus de Koberzicz et Jesco de Crawychory vna cum ipsis et pro ipsis copromissores Notum
facimus tenore presencium vniuersis Quod hereditatem nostram in Wyssewicz decem et Nouem laneos inclusa aratura curia
agris pratis piscinis Jure patronatus ecclesie ibidem omnibusque subsidiis iuribus Juribus vtilitatibus prouentibus obuencionibus
et pertinenciis vniuersis seu totum quicquid ibidem habuimus nichil penitus nobis aut iuris heredibus in eisdem bonis Juris
reseruantes vendidimus et tenore presencium vendimus Reuerendissimo in Christo patri et domino domino Alberto de Sternberch
Episcopo Luthomislensi et Nobili Petro de Sternberch suo nepoti pro Trecentis et Septuaginta marcis grossorum pragensium minus
media marca morauici pagamenti et fatemur nos ab eis iamdictas pecunias plenarie percepisse et a iure dicte hereditatis ac bo
norum eorundem vniuersorum abdicare et descendimus Eandem quoque hereditatem et bona huiusmodi eidem domino episcopo ac Nepoti
suo predicto disbrigare et liberare nos omnes in solidum et manu iuncta et indiuisa promittimus a quibuslibet hominum et a quibus
libet impedimentis Jure terre et per consuetudinem in proximo generali colloquio ipsam hereditatem eis ad terre tabulas in po
nere et dotalicium domine hedwigis vxoris ipsius Wsseborij quod in ipsa hereditate habet dmosat de ipsis terre tabulis exponere
et deleri procurare ac ab ea disbrigare secundum quod Jus terre existit Quod si non fecerimus aut facere neglexerimus quouismodo
extunc obstagium debitum et consuetum in Ciuitate Olomucensi in hospicio nobis per eos deputato mox cum moniti fue
rimus quilibet cum vno famulo et duobus equis cum aliis in ipsum tenebimur subintrare et abinde non exire donec
ipsam hereditatem disbrigauerimus et dotem huiusmodi deleri non procurauerimus ac eis intabulauerimus hereditatem eandem et
quousque de omnibus dampnis per eos exinde perceptis ipsis eisdem plenarie fuerit satisfactum In cuius rei testimonium
Sigilla nostra presentibus sunt appensa Dat Olomucz Anno domini Millesimo Trecentesimo Sexagesimo Septimo fe
ria Sexta infra Octauas Penthcosten