W(ir) Albrecht von gotes gnaden Herczog ze Osterreich ze Steir ze Kernden vnd ze Krain Markgraf ze Mähr(e)n
vnd Graue ze Tirol (et)c(etera) Embieten vns(er)n lieben getrewen P(re)uschen dem Toggm(a)y(e)r vns(er)m haubtmann ~dem~ Burgermaist(er)
vnd dem Rate zu Znoym Vns(er) gnad vnd alles gut Vns hat Nachim der Jud ze Znoym an stat seinsalbs vnd and(er) Jud(e)n
ze Znoym furbracht wie meniger des B(ro)bst von sant Poltenperg vnd and(er) herren holden denselben vns(er)n Juden
haben gelten sullen ee wenn Si sich gen Schattaw hinder den von Retaw haben gezogen vnd mainen nu die gnaden
die wir desselben von Retaw lewtten ze Schattaw haben getan gen den eygenanten vns(er)n Juden von solher ir(er) alter gelt
schuld wegen die Si In vor habent schuldig beleiben die weil Si dennoch vnder and(er)n herren gesessen sind zugeniessen
Das vns vnpilleich dunkhet Emphelhen wir ew ernstleich vnd wellen daz Ir ew auf solich holden vnd lewt daselbs
ze Schattaw von al(t)er geltschuld wegen die Si vns(er)n Juden ze Znoym vor habent gelten sullen ee wenn Si sich hinder den
von Retaw gen Schattaw gezogen habent zaigen daz Ir In gen den vnd auch vmb and(er) ir geltschuld wo man In die schul
dig ist hilfleich vnd furderlaich seit damit Si der bezalt vnd aufgericht werden Daran tut Ir vns(er)n willen Geben
ze Brunn an Suntag nach sant Mathens tag Anno domini (et)c(etera) Tricesimosexto

Ad m(andatum) d(omini) p(ro)p(rium)