Fridreich von gotes gnaden Römischer künig zu allen zeiten
mer des Reichs Herczog ze Osterreich vnd ze Steyr (et)c(etera)

Ersam weise vnd besunderlieben. Als ir vns yecz geschriben vnd verkündet habt wie ew Töm(a)s vom
Roz abgesagt hab vnd begert daz wir das vnderkömen solten (et)c(etera). Das haben wir wol vernomen.
Vnd lassen ew wissen daz vns solich sein handlung vast missuellet vnd da wir demselben vom
Roz yecz schreiben vnd ernstlich emphelhen daz er ew an ewr handlung vnbekümert lasse als
Ir das in der abschrift hie jnn beslossen wol vernemen werdet vnd hoffen er werd demselben vnsern
gescheft also nach komen Darnach wisset ew zörichten. Geben zu der Newnstat an Samstag
sant Elspeten tag. Anno domini (et)c(etera) quadragesimo vnsers Reichs im ersten Jare