Fridrich von gotes gnaden Romischer künig zuallen z
eiten merer des Richs Herczog zu Osterreich zc

Lieben besundern. Als Ir vns aber geschriben habt, das haben wir wol vernomen. Vnd was
ew von dem Krenberger vnd andir geschicht, das ist wider vnsern willen, als wir ew vormals
auch wol geschriben hab(e)n, wann wir ewr wegn gen vnsern vettern künig Lasslan mal erteilen,
so hat es bißher doch nit gesein mügn, vnd darumb so seyen wir yeczund allhie mit vnsern Reten,
solh sach in ain and(er) gestalt zuseczn, als wir auch hoffen es geschech, darInne wellet geduld hab(e)n,
vnd sunderlich mit fleiss daran sein, daz der tag mit den merherischen herrn fur sich gee, wann
wiewol sy vns auch geschriben, sy sein des willig, yedoch p(ri)ft des noch kein tag noch stat, die
gelegen wär, gesaczt, vnd so der tag fur sich gieng, hoffen wir, daz vil solher vnrate p(er)ley hingelegt
werden, darczu wir gut furdrn vnd helffn welln. Gebn zu wienn an mantag nach sand Anthonien
tag, vnser Richs im fünfftn Jare.

Ad mandatu(m) d(omini) Reg(is) d(e)
co(n)sil(io) Ja(cobus) secret(arius)