Fridreich von gots gnaden Romisch(er) kunig zuallenzeiten
merer des Reichs Herczog ze Osterreich und ze Steir etc(etera)
Erbarn weisen besunderlieben Als sich yecz un(ser) getrewer lieber p(ro)cop von Rabenstain un(ser) Rat
in un(ser) botschaft hinauf gen Behem fugen wirdet Begern wir an ew mit vleiss so er
desselben seins gewerbs zu ew kumbt und ew anlangen wirdet Das ir im dan etleich
der ewern zuschikhet die mit im ain tail wegs reitten damit er dester sicher furbas
komen mug Daran tut ir uns sunder gut gevallen Geben zu der Newnstat am
phincztag vor dem Sontag Judica in der vasten Anno d(omi)ni etc(etera) lmo Un(ser)s Reichs
im Zehenten Jare