CLEMENS PP(A)PA XI
AD FVTVRAM REI MEMORIAM. Omnium saluti paterna charitate intenti, sacra interdum loca sp(irit)ualibus indulgentiarum muneribus decoramus, ut inde fidelium defunctorum animae D(omi)ni
N(ost)ri Jesu X(pist)i eiusque S(anct)orum suffragia meritorum consequi et illis adiutae ex Purgatorii poenis ad aeternam salutem per Dei misericordiam perduci valeant. Volentes igitur Ecclesiam S(anct)orum Joannis Bapt(ist)ae et Wenceslai Martyris a Monachis Ordinis
S. Benedicti dependentem Loci Ostromaczitz Olomucen(sis) Dioecesis perinde ac illius Altare Confraternitatis sub invocatione S. Barbarae simili ad praesens privilegio minime decoratum hoc speciali dono illustrare, de omnipotentis Dei misericordia,
ac BB. Petri, et Pauli Ap(osto)lorum eius auct(oritat)e confisi, ut quandocumque Sacerdos aliquis saecularis, vel Regularis Missam defunctorum in die commonis defunctorum, et festis diebus intra illius octavam, ac in una feria cuiuslibet hebdomadae
per Ordinarium designanda, pro anima cuiuscumque Confratris, et Consororis dictae Confraternitatis, quae Deo in charitate coniuncta ab hac luce migraverit, ad dictum Altare celebrabit, anima ipsa de thesauro Ecclesiae per modum
suffragii indulgentiam consequatur, ita ut eiusdem D(omi)ni N(ost)ri Jesu X(pist)i, ac B(ea)tae Virginis Mariae, Sanctorumque omnium meritis sibi suffragantibus a Purgatorii poenis liberetur, concedimus, et indulgemus. In contrarium facientibus non obstantibus
quibuscumque. Praesentibus ad Septennium dumtaxat valituris. Dat(um) Romae apud S. Mariam Maiorem sub Annulo Piscatoris die xxi. Aprilis MDCCXVIII. Pontificatus N(ost)ri Anno Decimo octavo