Ich Peter der Pifster vnd ich Elspet sein hawsfraw vnd alle vnser Erbn Wir verjechen vnd tvn kvnd alln den den brief lesend
oder horen lesen die nv lebent vnd hernach kvnftig sind daz wir mit gvtem willn mit wolbedachtem mvt vnd mit gesamter hannd
ze der zeit da wir es wol getvn mochten vnd mit vnsern frewntleichen hannd des erbn Andrs des hewperser die zeit Richter ze
Weidingspvn verkawft habn vnserm rechtn chawfsatz daz wir nv tvn vnd tvn mit gesamter hannd gethan habn Vns haws gelegn
ze Nvstorff zenechst hannsen haws des hewmsr davan von dem egn(anten) vnnsm haws alle Jar dient dem weisen Andren Eibenpergr
funfzig wienner phennig halb an sand Jorgen tag vnd halb an sand michele tag vnd nicht mer ze rechtem grvntdienst dasselbe
haws habn wir recht vnd redleich verkawft vnd gebn mit alln den nvtzen vnd rechtn alz wir es vnn swedenleich in grvntrechts
Jaren herpracht habn vnd alz es mit alterherkomen ist Vmb Sibenczehen phvnt wienner phennig die wir gancz vnd gar vnsch
vnd gewert sein dem erbern mann Ortolfen dem wagkramer vnd seiner hawsfrawn Frawn kathrein vnd ir paider Erbn furbas le=
digleich vnd vnschvldig zehabn vnd alln iren frvmen damite ze schaffen verkawffen versetzen vnd gebn wem si welln an alln
infal Vnd sein avch wir obgenan(n)t(er) Peter der Pifster vnd ich Elspet sein hawsfraw vnd alle vnser Erbn vnschaidenlich des
vorgn(anten) haws des egn(anten) Ortolfs des wagkramer vnd seiner hawsfrawn Frawn kathrein vnd ir paider Erbn recht gewern vnd
schirm fur alle ansprach alz grvntrechts recht ist vnd des lannndrecht ze Osterr(eich) Wer aber daz in furbas an demselbn haws icht
chriegs oder ansprach anfechtvng von wem daz wer mit recht Swas si des schaden nemend daz svllen wir In alles ausrichtn vnd
widertvn an alln iren schadn vnd svllen avch si daz habn avf vns vnner schaidenleich vnd avf allm vnsm gvt daz wir
habn in dem lannd ze Osterr(eich) swa es habn von sein lebentig oder tot Vnd daz der kauf furbas also stet vnd vnge=
brochen beleib Vnd wanne wir vnsere Insgile nicht habn darvmb so gebn wir In den brief ze ainem warn vrkvnd des kauf
versigelt mit des obgn(anten) grvnt^?^ R(i)cht(er) Andres des hewperser vnd mit des erbn manns micheln Seyfrids des Geselczen von
Nvstorff die wir des vleizzig ^?^ en das si der sach gewgen sind mit iren anhangenden Insgiln denselben Geselczen an schadn
Vnd verjechen avch wir mit vnsern trewn an stener vnder iren Insgiln alles daz stetezehabn vnd zelassn daz vor an dem brief geschribn
stet der brief ist gebn ze Nvstorff nach Cristi gepvrd drewczehenhvndert Jar darnach in dem fvnf vndnewnczigsten Jare an Sand
Erharts tag