Research catalogue

Explore the charters

Search simply first. Refine only when the research question requires it.

1411_VII_11

CZ-MZA > E08 > 1411_VII_11

Source: MonasteriumAI palaeographyAI interpretation
Page 1 / 2
1411_VII_11, page 1
View
Transcriptiongemini-3.1-pro-preview
Ich Jan genant Puklicz von Czetkolicz vnd ich fraw Endka syne eliche hawssfrawe myt alln vnsern
erbn Bekenne wir vnd thun kunt offenlich alln din dy diezn brieff zehn horn ad(er) lezn daz
wir myt wolbedochte mute vnde myt gutn willn vnd myt rate vns(er) frunde auch myt kraft
dys vns(er) briefes vorkawft habn vnser gut daz wir zu Pripalaw gehabt habn
zu dorffe vnde auch zu felde dem Erwirdygn in gote vatir dem Apte vnd dem ganczn Con=
vent zu Sazaz in aller der weyse alz wirs gehabt vnde besessn habn vnde gar myt aller gancz
herrschaft vns dor ynne nichtz vsgenom(m)e Vnde dorzu wir yn den brieff den wir vo(n) dem Edln
Brcenky vo(n) Tyzenbark habn vnde vo(n) syne(n) porgn den gebn wir yn vnde habn yn den gebn myt vns(er)m
gutn willn nach des selbign briefes lawte sy sich mugn haltn zu alle(m) dem rechtn vnde zu sulcher
herrschaft alz vns das ist vs(er)schrybn nichtz vsgenom(m)e Vnde ap yn keyns dorynne abgynge daz sy
des gewaldyk syn myt dem selbn briefe zu gewynnen gancz vnde gar volku(m)mlich alz wir selb(er)
Dez zu merer kraft vnde gancze sichirheyt zo habe(n) wir obgnan(n)t Jan Puklicz frawe Endka
syne eliche hawssfrawe vnse Ingsigel myt gut(n) vns(er)n gewissn an diezn brieff gehangn Vnde habn
auch gebetn dy Erbstygn vnde namhaftigen Edle Jan Tass von Tassow Czenky vo(n) Budss=
kow Jan Razumk von Prossicz dy weyl hawptman zu Nawsedlicz Wylhelm Ryss vo(n) Posaticz
daz sy nebn vns ire Ingsigel zu eym warn geczugnyss all(er) obgeschrybn dynge an dyzn brieff
habn gehangn ane alle yren schadn Der gegebn ist nach xpi geburt virczenhundert jar dar
nach in dem Eylfftn jare des Sancztages sa(n)c(t)e Margrethe

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.