Research catalogue

Explore the charters

Search simply first. Refine only when the research question requires it.

1426_III_05

CZ-MZA > E08 > 1426_III_05

Source: MonasteriumAI palaeographyAI interpretation
Page 1 / 2
1426_III_05, page 1
View
Transcriptiongemini-3.1-pro-preview
In gots namen Amen Wir pruder Johannes Apt Jacobus prior Stephan(us) kelner vnd der gancze
conuenth des closters genant der prunn vnser liben frawen zcw Ougers Bekennen offenleich mit
disem kegenwortigen priff allen di yn sehen ader werden horen lezen das wir mit wolpedochtem
mut durch nucz wille vnsers closters vnser wasser das do rint aus der tey hinter Srilivicz
mit rechtem kauff verkawft haben den erbern lewten zcw Srilwicz gesessen Jurgen genant des
olers zwn zcw seynem leibe niklas des selben Jurgen zwn auch zcw seynem leibe vnd Jurgen des
sulgen oteff zwn czw seynem leibe vm dreissik mark grosschen mererisscher zal fur vnd zechczik gros
vor eyne mark geczelt In sulcher masse das sy des egenant(en) wassers genissen schullen zwn sy am
pesten vormugen vnd daruon scholly sy di vorgenant(en) vns vnd vnserm closter eyn mark gross(en)
alle ior zinsen di weil di drei vorgenanten leben vnd wen wir Apt kelner ader vnser amptlewt
hin aus ken Srilwicz komen zo schullen sy vns fische vnser notdurft geb(en) zwn ist von alter recht
vnd gewonheit ist vnd ab is gescheg das si den oben geschriben zins das ist eyn mark zcw rechten
tegen halb auf sand Jurgen tag vnd halb auf sand michels tag nicht geb(en) alle ior vnd mit
frewel vorhald(en) wolden vnd auch von den fischen zwn is geschrib(en) stet sich aus czihen wolden
ader das widerreden zo pehald wir vns macht vnd crafft mit disem priff das sy des egenanten
wassers oberhab(en) schull(en) seyn vnd wir yn vorpieten mugen als lang pis sy ausrichten zcw gecz(en)
als was oben geschrib(en) stet vnd wen got der almechtige vber sy gepiten wirt zcw der
ewigen zelikait zo schol das egenante wasser an vns vnd an vnser closter an alle hinder
nuss wider an sterb(en) vnd anfall(en) vnd zcw eyner pestetunge vnd pesser zuchirung der
sachen hab wir vnser Ingesigl das ist des Apts vnd des conuenths an disen priff ge
hangen der geschrib(en) ist zcw Brvn noch cristi gepurt tawsent vierhundert(en) yn eyn dem
zechs vnd czwainczigistem Iar den freitak vor antwasten

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.