1504_XII_26
CZ-MZA > E08 > 1504_XII_26
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
In gottes namen Amen Wir Veytt abt Cristoff prior vnd das gantz Conuent des Closters
genant der Brunn vnser liebn frawen Zum Oaber Bekennen offentlich mit disem geginwertign
brieff alln dy yn sehn oder werdn horn lesn Das wir mit wol bedachtn muet durch nutz willn
vnsers klosters Vnser wasser das do rindt aus der teya hinter Brilwitz Dem Erbern Alexandro
Baczár vnsern vntertanign man gesessn Zcu Brilbitz auff zwaentzig Jar mit rechtn hinlassn
in eynem Zinsß vergunnen vnd lassn Darub wir khaen Vmb geltz vnd nichtz entpfangn habn
Sunder aus gnad vmb sein treulichn dienst den er vns gethan hat vnd furpas vns vnd vnsern
nachkomen wierd schuldig sein Zu thuen In solicher mass Das er vnd sein hausfraw vnd kinder
des eegenantn wassers auff die zwaentzig Jar geniessn scholln sam sy an pestn vermugn vnd
das nyemandt Zu verkauffn noch hin Zu lassn oder versetzn wen nuer Zu aeynen nutz prauchn
Vnd da von scholln sy vns vnd vnsern kloster Sexthalb pfundt pfening wienerische müntz alle
Jar Auff Sandt Michels tag zinsßn die weyl die Zwaentzig Jar nicht ausgen Vnd wenn
wir abbt kelner oder vnser ambtleudt hinab gen Brilbitz komen so scholln sy vns visch vnser
notdurfft gebn Sam es von alter recht vnd gewonhaet ist Vnd ob es geschaeh das die den obge
schribnen zinsß das ist Sexthalb pfundt pfening wienerische muntz Zu rechtn tagn Zu sandt
Michels tag nit gabn alle Jar vnd mit fraft verhieldn vnd auch von den vischn als es geschri
bn stet sich aus ziehn woldn oder das widerzedn So pehaldt wir vns macht vnd krafft mit dism
brieff Das sy des eegenandtn wassers vberhabn solln sein Vnd noch Datu dizes brieffs Noch
Zwaentzig Jar So sol das eegenandt wasser an vns vnd an vnser kloster an alle hindernus
vnd auskauff wider haem falln vnd frey sein Dem Zu einer bestatung vnd pesser sicherung
hab wir vnser Insigl Das ist des abbtz vnd Conuentz an desen Brieff gehangen
Der gebn vnd geschribn ist Zum Oaber am Sandt Steffan tag Zun Weynnocht
Noch Cristi geburdt Tausendt funffhundert vnnd vier Jar
genant der Brunn vnser liebn frawen Zum Oaber Bekennen offentlich mit disem geginwertign
brieff alln dy yn sehn oder werdn horn lesn Das wir mit wol bedachtn muet durch nutz willn
vnsers klosters Vnser wasser das do rindt aus der teya hinter Brilwitz Dem Erbern Alexandro
Baczár vnsern vntertanign man gesessn Zcu Brilbitz auff zwaentzig Jar mit rechtn hinlassn
in eynem Zinsß vergunnen vnd lassn Darub wir khaen Vmb geltz vnd nichtz entpfangn habn
Sunder aus gnad vmb sein treulichn dienst den er vns gethan hat vnd furpas vns vnd vnsern
nachkomen wierd schuldig sein Zu thuen In solicher mass Das er vnd sein hausfraw vnd kinder
des eegenantn wassers auff die zwaentzig Jar geniessn scholln sam sy an pestn vermugn vnd
das nyemandt Zu verkauffn noch hin Zu lassn oder versetzn wen nuer Zu aeynen nutz prauchn
Vnd da von scholln sy vns vnd vnsern kloster Sexthalb pfundt pfening wienerische müntz alle
Jar Auff Sandt Michels tag zinsßn die weyl die Zwaentzig Jar nicht ausgen Vnd wenn
wir abbt kelner oder vnser ambtleudt hinab gen Brilbitz komen so scholln sy vns visch vnser
notdurfft gebn Sam es von alter recht vnd gewonhaet ist Vnd ob es geschaeh das die den obge
schribnen zinsß das ist Sexthalb pfundt pfening wienerische muntz Zu rechtn tagn Zu sandt
Michels tag nit gabn alle Jar vnd mit fraft verhieldn vnd auch von den vischn als es geschri
bn stet sich aus ziehn woldn oder das widerzedn So pehaldt wir vns macht vnd krafft mit dism
brieff Das sy des eegenandtn wassers vberhabn solln sein Vnd noch Datu dizes brieffs Noch
Zwaentzig Jar So sol das eegenandt wasser an vns vnd an vnser kloster an alle hindernus
vnd auskauff wider haem falln vnd frey sein Dem Zu einer bestatung vnd pesser sicherung
hab wir vnser Insigl Das ist des abbtz vnd Conuentz an desen Brieff gehangen
Der gebn vnd geschribn ist Zum Oaber am Sandt Steffan tag Zun Weynnocht
Noch Cristi geburdt Tausendt funffhundert vnnd vier Jar