Noverint universi presentes litteras inspecturi, quod nos Rulandus miseracione divina prepositus, Jutta priorissa, Hedwigis suppriorissa, totusque conventus sororum in Chvnnitz Premonstratensis ordinis Olomucensis diocesis, considerantes nos et idem nostrum monasterium varijs debitorum oneribus pregravatos, quibusdem a clare memorie predecessoribus nostris, et aliquibus a nobis ob causas necessarias, nos et ipsum monasterium perurgentes contractis, que absque vendicione certorum mobilium eiusdem monasterii nullatenus evadere poteramus, ac mobilia non parientia per usuras debitorum distrahuntur. Nos igitur huiusmodi debitorum celeri solucioni vendicione possessionum nostrarum eidem nostro monasterio minus dampnose salubrius consulendo intendentes, et prospicere cupientes, ne ex retardacione ipsa debita in nimiam voraginem et dispendia successorum nostrorum plurimum augerentur, unam per dicti nostri monasterii villam Cwentspitz vendicioni duximus exponendam. Et cum nullus alius emptor occurreret, qui pro eadem villa substanciale precium persolveret, nos ob hoc in unum capitulo tractatu et consilio inter nos et deliberacione ac tractatu sollempni, notatum pluribus sepius diligenter, eandem villam Cwentspitz, nil in ea nobis ac dicto nostro monasterio iuris penitus reservantes, cum omnibus suis iuribus et pertinencijs universis, iusto et eiusdem nostri monasterii titulo et nomine dedimus, vendidimus et tradidimus iure perpetuo et in possessionem dimisimus serenissime domine, domine Elizabet, relicte vidue felicis memorie domini Wenceslai quondam Boemie et Polonie regis, et religiose ac devote domine ... abbatisse et conventui sanctimonialium ad sanctam Annam in suburbio oppidi Brunnensis Cisterciensis ordinis, suo et eiusdem monasterii titulo et nomine proprietatis, et omnibus ad habendum, tenendum et possidendum et quocumque ad suorum successorumque, ac ipsi dicto eorum monasterio libito placitum perpetuo faciendum, cum omni iure et accione, atque usufructu prout nos eam tenuimus, et eadem villa per proprium villicum modo aliquo pertinet, pro precio ducentarum marcarum denariorum in grossis Pragensibus, pro quolibet computando, quod ab eis, nos pro dicta villa habuisse, recepisse et nobis integre assignatum esse et numeratum, ac pro resolucione debitorum dicti nostri monasterii in usus fuisse recognoscimus et fatemur, quapropter nobis nomine dicti nostri monasterii solutis et omni iuri, quod in eadem villa et omnibus eius pertinenciis habuimus, renunciamus per presentes, seu que contra premissa vel eorum aliqua possent quomodolibet adinveniri. Dantes eciam et tradentes eisdem, omnimodam licenciam dictam villam capiendi et deinceps retinendi possessionem corporalem, promittentes eciam pro nobis et nostris successoribus, ac nomine et titulo dicti nostri monasterii, prefate domine regine et dicte abbatisse pro se et dicto suo monasterio stipulantibus et recipientibus, litem vel controversiam de predicta villa vel eius pertinenciis, aut aliqua ipsius vel eorum parte, ullo unquam tempore inferre, nec inferri consentire, sed ipsam villam cum omnibus suis pertinenciis, ipsis et dicto eorum monasterio, tam in iudicio quam extra, in possessione ab omni persona et universitate, ac eciam impeticionibus legitime defendere, auctorizare et expedire, vacatamque possessionem ipsis et dicto eorum monasterio, unacum et eciam ac eorum monasterio in possessione sua pacifice, promissum eciam et tenore presencium promittimus, super consciencias et appellacione vendicionis predicte, reverendi patris et domini, domini Premonstratensis, et nichilominus serenissimi domini nostri, domini Johannis Boemie et Polonie regis specialis, ac eciam venerabilium virorum canonicorum et decani Pragensis, ac lucide et balivorum, Olomucensis diocesis, monasterii abbatis de Premonstratensi ordinis, testimonialibus litteris obtinere, promissum eciam et presencium tenore spondemus, ipsi domine regine et abbatisse et conventui, nomine et titulo sui dicti monasterii stipulantibus, rata et singula suprascripta perpetuo, inviolata, firma, grata et rata habere et tenere, observare et adimplere, nec contra prefatam villam venire per nos, alium vel alios, ullo nomine, aliqua racione vel causa, arte, ingenio, directe vel indirecte, sub pena dupli estimacionis dicte ville, huius rei inchoacione, quam pro tempore fieri postulatur, in singulis et pro singulis capitulis huiusmodi contractus insolubiliter premissa, sine perfidia et restitucione ad rata et singula suprascripta et prescripta, ac interesse litis pro expensis, que ipsis per nos vel alios, unum vel plures, ullo nomine fuisset contigerit, pro quibus omnibus et singulis firmiter observandis, eidem domine regine et abbatisse, ac conventui, dictoque eorum monasterio, nos et bona dicti nostri monasterii obligamus. In quorum omnium testimonium, presentes litteras, nostrorum prepositi et conventus predictorum sigillorum appensione dedimus communitas. Datum et actum in nostro monasterio Chvnnitz, anno domini millesimo trecentesimo vicesimo nono, ipsa dominica qua cantatur Reminiscere.