1334_XII_24
CZ-MZA > E09 > 1334_XII_24
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Ich ludmilla Conrades von Witra seligen gedechtnusse Wittebe tu zv wizzen allen den die disen kegenwertigen brif ansehen ader lesen horen ewiclich das ich mit vorbedachtem gutem rate vn(d) vnbetwungen mit gutem willen
vn(d) mit willen meiner kinde vnd meiner vrunde durch meiner vn(d) meiner altvodern selen selikeit willen dem Closter zv sent Oszanen sal in alden Brunn(en) dorinne ich mein sitzen mein wonunge
kepeze vn(d) ouch mein begreft gebe ich itzunt als denne lediclich vn(d) vrelich zv Prysteluk an den neuwen berge drittehalben weingarten vn(d) einen walt der heizet der Streitschach vn(d) wil daz sie
die Aptissinne vn(d) der Conent des vorgenanten Closters die nv sint vn(d) werden ewiclich die selben drittehalben weingarten vn(d) den walt halden haben vn(d) besitz(en) zv rechtem erbe vn(d) eigenshaft vn(d) nutzen
vn(d) geniez(en) als anders irs rechten erbes vn(d) do mit tvn vn(d) lazen ewiclich noch irm willen doch also daz die aptissinne vn(d) der Conuent halbe erbeit vn(d) halben nutz vn(d) ich halbe erbeit vn(d) halben nutz in die wein
garten vn(d) von den weingarten geben vn(d) nemen die wile ich lebe vn(d) noch meime tode gar vn(d) gancz lediclich mit allem nutze vn(d) mit allem rechte als do vor geschriben stet ane alles hindernusse geuallen vn(d) gehoren
zv dem Closter ouch schaffe ich vn(d) gebe dem vorgenanten Closter noch meinem enenkel petrusshen das ich do in gebe vn(d) mit im hundert mark grozer pragissher phenninge merherisshes gewichtes vn(d) werunge vier
vn(d) sechzik grozhen vor ein ieglich mark zv reiten vn(d) setze do vur zv einem rechten pfande in der aptissinne vn(d) dem Conuent alles anders mein gut das ich habe vn(d) hie namen in dem dorfe zv leimbrechtesdorf drie
vissherie mit wizemat mit weyde mit eckern gebuwet vn(d) vngebuwet mit weingarten vn(d) mit weinwachse gebuwet vn(d) vngebuwet mit welden mit pusshen vn(d) gemeinlich mit alle dem das dor zv gehoret
woran das sie ader wie is genant sie das sie die aptissinne vn(d) der Conuent noch meinem tode das vorgenante gut halden haben vn(d) besitz(en) zv einem rechten pfande mit allem nutze vn(d) mit aller herschaft als do vor
geschriben stet vn(d) geniez(en) also lange biz is von meinen kinden vor die vorgenanten hundert mark gar vn(d) gentzlich mit gereiten pfenningen von in geloset wirt vn(d) gelediget vn(d) der nutz was sie sin die wile geniez
zen sal in nicht werden abe geslagen an der gulde des houbt gutes ouch was das aftegenante gut zv leimbrechtesdorf bezzer ist wenn die hundert mark das mak ich vn(d) sal ane alles hindernusse bie meinem le
ben ader an meinem tode wenn ich wil ader wem ich wil lihen geben schaffen vnd do mit tun vnd lazen noch meinem willen vn(d) des zv einem ewigen gedechtnusse vn(d) bestetunge han ich ludmilla mein in
sigel mit der herren Insigel die her noch geschriben stent vn(d) des getzuge sint an diesen brif gehangen vn(d) wir Johes von der lypen hartlib von Boscowitcz vndcamerer dyetrich von sprahen zv der porte von wildenberch
Gerhart von der Cvnstat wocze von dem holenstein vn(d) wocze von Budesshewicz bekenne des vnd sint sin getzuge daz das alles das do vor geschriben stet vor vns geschehen ist vn(d) getedinget vn(d) haben zv einem
ewigen getzugnusse vnser Insigel an diesen brif gehangen das ist geshen zv weinachten in den heiligen tagen so man czelet von gotes geburt Tusent dreihundert vnd vier vnd driezik jar
vn(d) mit willen meiner kinde vnd meiner vrunde durch meiner vn(d) meiner altvodern selen selikeit willen dem Closter zv sent Oszanen sal in alden Brunn(en) dorinne ich mein sitzen mein wonunge
kepeze vn(d) ouch mein begreft gebe ich itzunt als denne lediclich vn(d) vrelich zv Prysteluk an den neuwen berge drittehalben weingarten vn(d) einen walt der heizet der Streitschach vn(d) wil daz sie
die Aptissinne vn(d) der Conent des vorgenanten Closters die nv sint vn(d) werden ewiclich die selben drittehalben weingarten vn(d) den walt halden haben vn(d) besitz(en) zv rechtem erbe vn(d) eigenshaft vn(d) nutzen
vn(d) geniez(en) als anders irs rechten erbes vn(d) do mit tvn vn(d) lazen ewiclich noch irm willen doch also daz die aptissinne vn(d) der Conuent halbe erbeit vn(d) halben nutz vn(d) ich halbe erbeit vn(d) halben nutz in die wein
garten vn(d) von den weingarten geben vn(d) nemen die wile ich lebe vn(d) noch meime tode gar vn(d) gancz lediclich mit allem nutze vn(d) mit allem rechte als do vor geschriben stet ane alles hindernusse geuallen vn(d) gehoren
zv dem Closter ouch schaffe ich vn(d) gebe dem vorgenanten Closter noch meinem enenkel petrusshen das ich do in gebe vn(d) mit im hundert mark grozer pragissher phenninge merherisshes gewichtes vn(d) werunge vier
vn(d) sechzik grozhen vor ein ieglich mark zv reiten vn(d) setze do vur zv einem rechten pfande in der aptissinne vn(d) dem Conuent alles anders mein gut das ich habe vn(d) hie namen in dem dorfe zv leimbrechtesdorf drie
vissherie mit wizemat mit weyde mit eckern gebuwet vn(d) vngebuwet mit weingarten vn(d) mit weinwachse gebuwet vn(d) vngebuwet mit welden mit pusshen vn(d) gemeinlich mit alle dem das dor zv gehoret
woran das sie ader wie is genant sie das sie die aptissinne vn(d) der Conuent noch meinem tode das vorgenante gut halden haben vn(d) besitz(en) zv einem rechten pfande mit allem nutze vn(d) mit aller herschaft als do vor
geschriben stet vn(d) geniez(en) also lange biz is von meinen kinden vor die vorgenanten hundert mark gar vn(d) gentzlich mit gereiten pfenningen von in geloset wirt vn(d) gelediget vn(d) der nutz was sie sin die wile geniez
zen sal in nicht werden abe geslagen an der gulde des houbt gutes ouch was das aftegenante gut zv leimbrechtesdorf bezzer ist wenn die hundert mark das mak ich vn(d) sal ane alles hindernusse bie meinem le
ben ader an meinem tode wenn ich wil ader wem ich wil lihen geben schaffen vnd do mit tun vnd lazen noch meinem willen vn(d) des zv einem ewigen gedechtnusse vn(d) bestetunge han ich ludmilla mein in
sigel mit der herren Insigel die her noch geschriben stent vn(d) des getzuge sint an diesen brif gehangen vn(d) wir Johes von der lypen hartlib von Boscowitcz vndcamerer dyetrich von sprahen zv der porte von wildenberch
Gerhart von der Cvnstat wocze von dem holenstein vn(d) wocze von Budesshewicz bekenne des vnd sint sin getzuge daz das alles das do vor geschriben stet vor vns geschehen ist vn(d) getedinget vn(d) haben zv einem
ewigen getzugnusse vnser Insigel an diesen brif gehangen das ist geshen zv weinachten in den heiligen tagen so man czelet von gotes geburt Tusent dreihundert vnd vier vnd driezik jar