Research catalogue

Explore the charters

Search simply first. Refine only when the research question requires it.

1356_VIII_24

CZ-MZA > E09 > 1356_VIII_24

Source: MonasteriumAI palaeographyAI interpretation
Page 1 / 2
1356_VIII_24, page 1
View
Transcriptiongemini-3.1-pro-preview
Wir Jerozlab von K~nechnicz~ zu der zeit Purchraf ze znoim, Nycolaus pharr ze Vrbow, Ny
clas walen, Budwoig sun von Vrbow, Ort von Jazlawicz, Herman Parcz von Roussennpruk
vnd Peschel von der Meytenmul mon chunt an disem p(ri)ef allen leuten di in sehent od(er) ho(e)rent lese(n)
di nu lebent vnd hernach chunftig sint Das di Czwitracht vnd chrieg di vor vns gewandelt sint
von Junchvrown Elizabet Aptessin vnd dem Conuent d(er) Junchvrown von Oslaw vnd irem ver
beser Bartholomeu von aim tail vnd Petern dem popicz vnd wilhelm dem schuczen vnd Lebusch
Swag(er) vnd ir erben von dem and(er)n tail vm di vischwey ze dem Vzmans da pet(er) wilhalm vnd
Lebusch als ferre vnd di Tey Rynnet neben iren Ekern vnd poumgarten wolden reht gehab(e)n hab(e)n
vnd hette das d(er) Aptessin vnd dem Conuent chrieghaft vnd Anspruchtig gemachet Das ist vor vns
beritht vnd betadingt das peter, wilhelm vnd Lebusch vnd alle ir erben vnd nachchumling
da von Lassen habnt mit guetleichem willen das se furbas chain reht noch chain v(er)drung dar
ze schullen habn noch enmugen ze d(er) vischwaid vnd ab se halt icht rehtes da gehab(e)n des habnt
Se sich geaussent ewichleich vnd ewichleich vnd wider sagent paide weltleichem vnd geistleich(e)m
reht vnd Ansp(ru)ch ze d(er) vorgenant(e)n vischwaid ze dem vzmans mit vrchund dicz p(ri)efs
vnd Darub Durch paid(er) tayl pet willen di vns d(a)rum gepeten habn das das furbas stet
vnd vnd vnzubrachen ewichleich beleib geb wir d(en) p(ri)ef vsigelt mit vnsern Anhangunden Ansi
geln vnd ouch mit peterns des popicz Ansigel ze ein(er) steten vrchund dis d(in)g gesche(he)n
nach Cristes gepurd Dreuczehen Hundert Jar in dem Sechs vnd funfczigisten Jar
An sand Bartholomeus tag

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.