Research catalogue

Explore the charters

Search simply first. Refine only when the research question requires it.

1416_XI_11

CZ-MZA > E09 > 1416_XI_11

Source: MonasteriumAI palaeographyAI interpretation
Page 1 / 2
1416_XI_11, page 1
View
Transcriptiongemini-3.1-pro-preview
Wyer Hanus her zu Wedrowicz Vnd Bartholomeus mein elich Sun mit allen vnssn erbn Vnd nachkhomlingn
Bekhennen offenbar allen lewten dze dissen briff zehen adir horn lesn Das wier mit Rat vnd gutzn willn vnss
Herschaft der edeln hern von der leippen Hern czenken dy selbige czeit gewaldiger Her aller asanschaft Vnd
Hern Haynrichen seines bruder Sun habn gegebn vnssn willn zu den dreen Teychen d(er) do eyner leith zu
Podlig Vnd zwen zu drestkwicz dy dye erwirdigen Vnd geystlichen Junkfrawn dy Ebtissin Vnd d(er) Conve(n)t
in des Chlosters zu Osslawn habn geschutt Das sy dy selbigen teyche pessern mugen nach Irem frumen Vnd
Nucze Vnd was dy selbigen Teyche trenken auf vnss guth zu felde adir zu dorf Das schullen dy vorgen(an)t(e)n
Junkfrawn vns so mit guten Erben adir Wismaten wider gebenn Nach frumer lewth rat Vnd haissen auff ydem tayl
eyner erbern gehelden man aus zu sprechen Vnd zu messn nach Iren trewn swer Iren eyd an neyd sprechen
an peyden taylen zu halden Vnd ob dy selbigen zwen mane miteynandr nicht obereyn khomen mochten So
schullen sy eyn obman den dritten erkhiesn Vnd d(er) wellen Vnd zu Welichem tayl d(er) selbig rett Vnd spricht das
schul stette Vnd veste sein Vnd darumb habn vns dy vorschribn Junkfrawn begalt Vnd Ieczyt gegeuen Syben
czekent halb Schok gross gutter pfennig pragar muncz ye Sechzik gross fur eyn Schok zu rechen Des
zu eyner bekhennisse Vnd zu ewiger bestetigung Habe wier gepetten vnss vorgen(an)t(e)n edln Hern Hern Czenken
Vnd Hern Haynrichn das sye Ires Insigl Vnd wier mit sampt In habn angehangen an dissen briff der do
gegeuen Ist Nach christes gepurt Virczenhund(er)t Jar Vnd darnach indem Sechzchenten Jare An des heylign
Hern Sand Mertens tag zu Osslawn

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.