Reuerendissimo in xp(ist)o patri et domino domino Prothasio dei et Ap(osto)lice Sedis gratia Ep(iscop)o Olomucen(si) dignissimo domino n(ost)ro gratiosissimo Dorothea miseration(e) diuina
Abbatissa Anna priorissa katherina subpriorissa totus q(ue) Conuentus Monasterij vallis sancte Marie in Oslauia Cystercien(sis) ordinis et Olomucen(sis) dioce(sis) humiles
subiectam q(ue) comendationem et deuotas or(ati)ones In regione p(rese)ntis patrie tanquam vmbra declinantes dispensatores a patre celesti talenta nobis tradita taliter lucrifacere
sacro attestan(te) eloquio debemus vt in regione viuentium racionem de creditis reddituri benignam sententiam Intra in gaudiu(m) domi(ni) tui audire mereamur Quocirca
nos Dorothea Abbatissa et Conuentus memorate presentis cirographi tenore ad noticiam tam p(rese)ntium q(uam) futurorum cupimus deuenire Q(uod) Circumspectus ac prouid(us)
Johannes Rottmund olim Judex in villa n(ost)ra Dreskewicz fidelis dilectus dum adhuc in humanis ageret zelo fidei et puro deuotionis feruore accensus ad laudem et
gloriam omnipotentis dei eius q(ue) intemerate matris virginis Marie gloriosissime ac ad honorem Sancti Wolffgangi presulis et confessoris gloriosi vnius Al=
taris in Ecl(esi)a parochiali Sancti Wenceslai ibidem in Dreskewicz Olomucen(sis) dioce(sis) de bonis sibi a deo collatis et per eum iuste acquisitis piam donationem seu dotacion(em)
preconceperat fiendam atq(ue) instituendam Et huiusmo(d)i suam preconceptam intention(em) et piam voluntatem effectui comendasset nisi attrocitate mortis que nulli
parcit fuisset preuentus Que nichilomin(us) pie voluntatis executionem nobis singulari confidentia bona q(ue) spe complere p(er)ficere et ad effectum deducere confisus
est et commisit Nos itaq(ue) ip(s)ius nedum viuentis verum et defuncti votis preconceptis amore q(ue) affecti In remedium animarum dicti Johannis Rottmund Judic(is)
et officialis nostri dilecti eius q(ue) Conthoralis Agnetis necnon parentum et aliorum amicorum consangwineorum et benefactorum eorum ad pretactum Altare
pro dote eidem altario et pro sustentacione ministri seu rectoris ipsius pro tempore existentis de bonis prefati Johannis Rottmund et Agnetis Conthoralis sue
ac nomine et vice ip(s)orum in p(er)petuum damus donamus dotamus et assignamus Decem Sexagenas gross(orum) denariorum Morauici numeri et solutionis Sexaginta
gross(os) pro qualibet sexagena computando veri iusti ac nudi census annui et p(er)petui quas iam actu in certis hominibus locis et hereditatibus legittime pro Centum
Sexagenis gross(orum) denariorum et numeri predictorum comparauimus quemadmodum de ip(s)o censu censuando certe paten(tes) littere cum Sigillis penden(tibus) in fidem et
testimonium sunt confecte sub clausula et potestate reemptionis prout in eisdem litteris melius expressatur quarum Sigillorum descripconem propter varietatem
caracterum et litterarum ip(s)arum tenorem cum se super reemptione extendant et deinde contingat loca et p(er)sonas mutare insexere obmissimus et obmittimus Sed
quia beneficium instituitur p(ro)pter officium Ea propter Altaristam dicti altaris infrascriptis officijs et oneribus volumus subiacere Ita ut ip(s)e Altarista per se
vel per suum substitutum ad tres missas legendas Primam videl(icet) Secundis ferijs pro animabus Secundam fferijs quintis de patronis Et Tertia(m) in s(an)ctam
Sabbatis diebus de intacta beatissima q(ue) virgine maria sit singulis ebdomadis astrictus Reuerenciam eciam debitam plebano ibidem in Dreskewicz et alia more
aliorum Altaristarum exhibiturus Jusvero patronatus quocienscunq(ue) ipsum Altare vacauerit ad nos Abbatissam et Conuentum Monasterij Oslauien(sis) me=
moratos qui pro tempore fuerint perpetuis temporibus volumus pertinere Sit tamen ut dictum Altare tempore vacacionis p(er)sone ydonee Sacerdoti videl(icet) Seculari
dumtaxat vel que inme infra vnum Annum in Sacerdotem poterit promoueri conferatur Desideran(tes) insuper q(uod) dum ipse Census premissi Altaris per modum
reemptionis p(er) censitam seu censitas eius voluerit aut poterit redimi q(uod) ip(s)a pecunia ad manus n(ost)ras Abbatisse et Conuentus Oslauien(sis) memorat(e) debeat p(rese)ntari
et deponi siue fuerit in parte vel in toto vt pro eisdem aliud quicocius fieri poterit pro beneficio census comparetur nec alijs quibusuis modis distrahatur Et hoc fiat
cum scitu et voluntate Altariste pro tempore existentis Et ideo vt ip(s)a n(ost)ra disposicio in dotacione sua et alijs superius designatis robur obtineat perpetue firmitatis
Ad pretactum Altare sancti Wolffgangi Nos Dorothea Abbatissa et Conuentus p(re)tacti sic vti p(re)mittitur dotatum Honorabilem virum dominum Thomam n(un)c
plebanu(m) in Hucz duximus p(rese)ntandum et Jurispatronatus nomine nobis reseruati in dei nomine p(rese)ntamus in hijs scriptis Quare Reuerendissime pater et domine
noster gratiosissime humiliter supplicamus et deuote Q(ua)t(en)us hanc dotacionem vice et nomine supranominati Johannis Rottmund et Agnetis Conthoralis sue per
nos facta(m) in suis clausulis omnibus ac condependentijs et conexis auctorisare et approbare ac eundem dominu(m) Thomam ad dictum Altare Sancti Wolffgangi
in Ecl(esi)a parochiali Sancti Wenceslai in Dreskewicz p(re)fata situm confirmare et inuestire velitis gratiose Cerimonijs circa talia solite obseruate Ip(su)m q(ue) Altare
sic vti p(re)mittitur per nos dotatum in beneficium ecclesiasticum erigere ac p(re)scriptum Censum decem Sexagenaru(m) eidem Altario ac ip(s)ius Altaris ministro seu
Capellano in dotem assignatum incorporare et vnire subijcere q(ue) ecclesiastice libertati ac omnem defectum dotacionis memorate Auctoritate ordinaria gratiosius
supplere In eo p(re)missis v(est)ra Reuerendissima laudem dei salutem animarum et ecclesie honorem cumulatura In quorum euidens testimonium et robur fir
mitatis omnium et singulorum premissorum has dotationis et presentacion(is) litteras scribi ac Sigillorum mei et Conuentus appension(e) iussimus communiri
Date in Monasterio nostro Oslauien(si) Anno domini Millesimo Quadringentesimo Sexagesimo Quarto die Sexta Mensis Junij