Ich hanns füssel vnd katherina mein eliche hawsfraw mit vnsern Erben vnd nach chomen pekennē
mit disem prieff das wier von grosser Not die vns dar zu gedrungn hat Redleich vn(d) Rechterch v(er)
kawfft habn(n) vnd mit der gegenwürt verkawffn(n) Ein halbe mark grossn(n) Merherischer zal vnd
werung wares gerechs vn(d) plassa jarleichs zins vmb funf marck grossn(n) vor gemelter müntz
vn(d) zal den Erwirdign(n) vnd got der gebn(n) junckfrawn Swester Magdalena cheserin die zeit
priorin vn(d) dem ganczn(n) conuendt des klasters vnser lyebr(n) fraw(n) zu Swest(er) herbezig jn der stat brün
auff vnserm haws mit seiner zu gehorung auff der bemelten junckfrawn meiner gnedign(n)
herschafft grunt auff der Swaben gassen gelegn(n) zwysschen des Mathes pancer zu der an dern seytn(n)
des füssele jane vnd den auff die Nagst künfftign(n) lyecht mess an zu heben einhalbe Mark gro
ssn(n) phennig vn(d) hyn füer alle jar jarleich alle mal auff den gestymten tag zu Raychen vnd
zu zinsen gancz frey vn(d) an all pnerd vns auf legundt vn(d) ab wir das nit tatten da got vor
sey so schol den die vor bemelen Erwirdign(n) Swester Magdalena priorin vn(d) der gancz conuenndt
ganczn(n) vn(d) volkomen gewalt haben solyche vsawmten vn(d) vnbegalten zins Erfodern
ause pringn(n) auff vnser schaden an allen widerstand geystleichs ader weltleychs Rechtens
vnd so wir wellen vn(d) vns das gelüg füegt müg(n) wir den bemelten zins ain halbe
Marck mit funff Marck grossn(n) bestimbter Müntz vn(d) zal wider vmb ablosen vn(d) ab kawf
fen mit sampt dem vsessen zins auff die zeit geprezundt gancz begalund dem allem zu
warn vrckundt vnd geczugnüs haben wir gepetten die Erbern vnd weysen herrn paul
gsel kürsner vnd herr Wenugth schmid payd purger zu Brün yr jn sigel an disen
prieff haben lassen hengen duch jn vn(d) yrn Erben an schaden Geben zu Brün an vns(er)
lyeben frawn tag der lyecht mess jm Newin vn(d) Newnczigsten jar