Wir Andre Krangel pinter vnnd Anna sein Eliche hawssfrawe bekenn(en) ffur vns vnnd fur vnns(er) erib(e)n
vnnd nochkomen mit diesem brieff das wir von wegen grosser nott die vns dar czw beczwung(e)n
hab(e)n redlich vnnd redelich verkawfft hab(e)n vnnd mit des gegenwirttig(e)n gesthrifft verkauff(e)n
xvj gross(e)n d(e)n(a)r(iorum) merherischer czal vnnd wering wores gerechts vnnd plosses czinns vmb iij
Mark gross(e)n vor bestellter munns vnnd czal den Erwirdig(e)n vnnd vatergeb(e)n vnns(er) fraw(e)n
Schwester Margaretha vnnd dem gancz(e)n Conuent des kloster vnns(er) lieb(e)n fraw(e)n czw Schwester
herburg in der Stat Brunn auff vnnser hawss mit seyner czwgehorung auff der bemellt(e)n vnns(er)
fraw(e)n meyne genadig(e)n herschafft grunt auff der Ceyl geleg(e)n czwisch(e)n dem hansel Eller auff
der recht(e)n seytt(e)n vnnd auff der lenck(e)n seytt(e)n peter locz ic(e) vnnd auff den negstkunfftig(e)n
Jiorg(e)n tag an czw heb(e)n viij gross(e)n d(e)n(a)r(iorum) vnnd hinfur alle Jar Jarlich alle mal auff den besty
mbtt(e)n tag Jiorg(e)n czw rechen(e)n vnnd czw czinns(e)n gancz frey vnnd an allepind vnnd huffleg(e)n(e)s
vnnd ab wir das nit tet(e)n so gott vorsey So soll(e)n den die vorbemellt(e)n wirdig(e)n priorin
vnnd Conuent gancz vnnd volkomen gewalt hab(e)n solich(e)n versambt(e)n vnnd vngezalt(e)n czinns
erfodern(e)n vnnd anspreng(e)n auff vnnser schad(e)n vnnd auff vnnser hab vnnd gutt die wir yeczund
pesicz(e)n an allem widerstand geistlich vnnd weltlich recht(e)n vnnd thunb das wie es well
vnnd so wir well(e)n vnnd vns das gluck fuget Mug(e)n wir bemellt(e)n czinns xvj gross(e)n d(e)n(a)r(iorum) be
stimbter Munns vnnd czall wider vmb ablos(e)n vnnd abkauff(e)n mit iij Margk gelt(e)s mit
sambt dem vorst(e)n czinns auff dy czeit gepuerund gancz beczalund dem all(e)n czw borer
vikund vnnd czeugniss hab(e)n wir gepett(e)n die Erber(e)n vnnd weys(e)n hern herr Jorig vnnd
hanns Mellerz payd purger czw Brunn das sy ir sigl an dies(e)n briff hab(e)n loss(e)n heng(e)n
Geb(e)n vnnd lehen erib(e)n an sand(e)n Jiorg(e)n czw Brunn Nach cristigepurd Tawsent funfhundert
vnnd in dem dreyczehent(e)n Jar