Bonifatius ep(iscopu)s seruus seruor(um) dei. Dilectis in (Christ)o filiabus Priorissis et Conuentibus Soror(um) inclusar(um) Monasterior(um) ordinis sancti
Augustini secundum instituta et sub cura fratrum ordinis predicator(um) uiuentium Salut(em) et ap(osto)licam ben(edictionem). Laudabilis sancte religio que in Monasterijs u(est)ris
a uobis et personis alijs in eis degentibus sub onere uoluntarie paupertatis iugiter colitur sic a uobis mundane dissolutionis relegauit illecebras ut inter alia clau
stralis abstinentie nexibus religate puritate fulgeatis obseruantie regularis et uoluntatis lib(er)tatem abdicantes omnino sub obedientie debito dignam et sedulam
exhibeatis domino seruitutem. Hinc est q(uo)d nos pium et congruum reputantes ut uos illa prosequamur gratia quam u(est)ris necessitatibus fore perspi
cimus oportunam uobis uniuersis et singulis auct(ori)tate presentium indulgemus ut ad prestandam decimam de quibuscumq(ue) possessionibus et alijs
omnibus bonis uestris que inpresentiar(um) habetis et iustis modis prestante domino adquiretis in futurum uel ad contribuendum in procu(ra)
tionibus quor(um)libet ordinarior(um) et etiam Legator(um) et Nuntior(um) sedis ap(osto)lice et quibuslibet talijs et collectis ac ad exhibendum pedagia telonea et
alias exactiones quibusuis Regibus Principibus seu alijs personis secularibus minime teneamini nec ad id compelli aliquatenus ualeatis. Nulli ergo omnino
hominum liceat hanc paginam n(ost)re concessionis infringere uel ei ausu temerario contraire. Siquis autem hoc attemptare presumpserit indignationem omnipo
tentis dei et beator(um) Petri et Pauli Ap(osto)lor(um) eius se nouerit incursur(um). Dat(um) apud Vrbemueterem xv k(a)l(endas) Aug(usti)
Pontificatus n(ost)ri Anno Tertio.