FRANCISCVS
Miseratione diuina Sanctæ Romanæ Ecclesiæ tituli Sancti Siluestri Presbyter CARDINALIS à Dietrichstain, EPISCOPVS Olomucensis, PRINCEPS, Regalis Capellæ Bohemiæ COMES, Sacræ Cæsareæ Maiestatis intimus CONSILIARIVS,
eiusdemq(ue) Regnorum ac ditionum hæreditariarum PROTECTOR. Vniuersis et singulis p(ræsen)tes l(itte)ras n(ost)ras visuris, lecturis, pariter et audituris, Salutem in D(omi)no sempiternam. Cùm multa sint muneris n(ost)ri Pastoralis, quo diuina
disponente clementia, licet immeriti, fungimur partes: tùm illa non postrema, quæ indefessos eorum labores fauoribus opportunis prosequimur, qui deuotionis zelo, amoreq(ue) salutis animarum incensi, in earum lucrum se se totos impendunt.
Quo in genere cùm præclara opera Patrum Societatis IESV, sicut passim per vniuersum orbem terrarum, ita etiam in Diœcesi N(ost)ra et speciali studio in Ep(iscop)ali N(ost)ro Olomucen(si) Collegio seu Academia clarissimè eluceat, illiq(ue) tùm in procuranda
animarum salute, quàm etiam in erudienda iuuentute magno cum fructu desudent: proinde hanc piam eorum voluntatem tantò benignius complectimur et promouemus, quantò plus adiumenti ad honorem et cultum diuinum
propagandum, et animas DEO lucrifaciendas ab ijs confertur. Itaq(ue), cùm piæ recordationis prædecessor N(oste)r GVILIELMVS Ep(iscopu)s Olomucensis, data impensis suis præfatæ Academiæ, pro sustentando in ea competenti nu
mero Religiosorum dictæ Societatis, iuxta consuetam formam Collegij, Censum annuum duorum millium florenorum, numeri Morauici, ex bonis Mensæ Ep(iscop)alis in Dominio Viscouiensi assignarit, et dicto Collegio Olomu
censi perpetuæ dotis nomine donauerit, applicauerit, et inscripserit; (prout in Fundationis l(itte)ris latius patet) deinde verò bonæ similiter memoriæ STANISLAVS Paulouius itidem Prædecessor N(oste)r eiusdem Fundatoris pi
etatem æmulatus, Quingentos Thaleros seu florenos eiusdem valoris et pagamenti pro commodiore vitæ eorum sustentatione ad p(ræ)dictam Dotem adiecerit. NOS quoq(ue) eandem primam Fundationem à Sancta Sede Ap(osto)lica
et Ma(iesta)te Cæsarea Confirmatam, ab Antecessore N(ost)ro memorato STANISLAO Paulouio auctam, p(ræsen)tium tenore gratam et ratam habentes, et p(ræ)fatorum Antecessorum N(ost)rorum laudabilibus vestigijs insistentes: vt N(ost)ræ pariter in
p(ræ)dictam Societatem et Olomucensem Academiam propensionis extet euidens argumentum: ipsiq(ue) P(at)res Societatis, modernis et successiuis Annis crescente, vti fieri solet, victualium rerumq(ue) aliarum precio, commodiori fruantur vitæ ra
tione, ac temporalibus subsidijs sufficienter adiuti, spirituale commodum nobis commissi Gregis Dominici, æternamq(ue) Salutis lucrum tantò efficatius, et qua hactenus animorum alacritate, quærant, animo præuiso et deliberato, ac
cedente ad hoc maturo consilio et vnanimi consensu V(enerabi)lis Capituli Eccl(esi)æ n(ost)ræ Olomucen(sis), p(ræsen)tium tenore p(ræ)fatum alios Quingentos florenos seu taleros Morauicos annuos eidem Collegio seu Academiæ n(ost)ræ Olomucen(si), ex
prouentibus bonorum p(ræ)nominati N(ost)ri Ep(iscop)alis Viscouiensis D(omi)nij liberaliter donamus, attribuimus, inscribimus, plenoq(ue) iure ad supradictam Summam adiungimus et applicamus Dotemq(ue) eiusdem Collegij et Academiæ ad gl(ori)am DEI, et
proximi vtilitatem augentes, summam trium millium florenorum integrè complemus et consummamus. Volentes ac statuentes, vt Præfectus et Quæstor siue Syndicus, quàm p(ræsen)tes tùm futuri, eiusdem Viscouiensis Dominij, p(ræ)
satam trium millium florenorum seu talerorum summam, de censibus et prouentibus illic n(ost)ris tùm fixis quàm currentibus, quot annis, idq(ue) diuisim per duas medietates, vnam videlicet, id est, mille quingentos in festo S. Venceslai
proximè venturo incipiendo, et alteram tamam medietatem pro festo S. Georgij anni secuturi M. DC. XV. sicq(ue) deinceps annis subsequentibus in perpetuum, in terminis p(ræ)dictis, suis laboribus, viisq(ue) ac impensis Rectori Collegij dicti, seu eiusdem Procu
ratori p(ro) t(em)p(or)e existenti, dent, persoluant, Olomucium importent, et deponant, dariq(ue), persoluiue, importare, et deponi curentur: ad quod eos obligamus, et p(er)petuo obligatos fore censemus. Dantes plenam et liberam facultatem toties dicti Collegij
Rectori vel Procuratori pro t(em)p(or)e existentibus, vt in euentu dicti p(ro) t(em)p(or)e, vel qualibet anni parte h(uius)m(od)i Census solutionis, Subditos p(ræ)dicti n(ost)ri D(omi)nij Viscouiensis Repressalijs, seu Arrestationibus, in Ciuitatibus, Oppidis, et Villis Prouin
ciæ obseruato tamen iuris huius Patriæ ordine, molestare et detinere, debitaq(ue) tùm Canonici quàm Ciuilis et Prouinciæ istius iuris, remedijs retentos prouentus, vnà cum damnis inde obuenturis exigere et repetere possint, ac liberè
valeant. Cui q(ui)dem ordinat(i)oni n(ost)ræ sicut à nullo Successorum n(ost)rorum Ep(iscop)orum Olomucen(sium) aliqua ex parte contradici, quin potius eam, vti legitimam et piam perpetuo manu teneri desideramus (pro vt de ipsorum pietate nobis indubiè polli
cemur) ita quoq(ue) p(ræ)nominatum Censum auctæ n(ost)ræ ordinariæ Iurisdictioni et immunitati Ecclesiasticæ subijcimus. In cuius rei fidem et perpetuam firmitatem hanc manu n(ost)ra propria subscriptas, Sigilli n(ost)ri maioris appensione
communiri iussimus. ET NOS MARTINVS Venceslaus à Greiffenthal PRÆPOSITVS, Prothonotarius Ap(osto)licus, Sacriq(ue) Lateranensis Palatij Comes, Archidiaconus Districtus Brunensis, p(ræ)fati Ill(ustrissi)mi et Reu(erendissi)mi Prin
cipis Consiliarius, et Curiæ Officialis. IVLIVS CÆSAR Ginannus de Pilauro I. V. D. Prothonot(arius) Ap(osto)licus, ARCHIDIACONVS et Custos. IOANNES BERGER à Berg I. V. D. Prothonot(arius) Ap(osto)licus, SCHOLASTICVS, et
Brunen(sis) Can(oni)cus, eiusdem Ill(ustrissi)mi D(omi)ni Consiliarius. IOANNES KONYPKA, Can(oni)cus Cremsiriensis, et Archidiaconus Districtus Znoymensis, itidem Suæ Ill(ustrissi)mæ Cels(itudin)is Consiliarius. IOANNES ERNESTVS Platisius
à Platenstain, SS(acræ) Theologiæ et I. V. Doctor. ERNESTVS MASIVS artium liberalium et Philosophiæ Doctor. IVLIVS CÆSAR Maczker à Maczenfels I. V. D. Can(oni)cus Cath(edralis) Eccl(esi)æ Wratislauien(sis). Sigismundus
SCHOLL à Schollmpach SS(acræ) Theologiæ Doctor. ANDREAS KINDLER. WENCESLAVS PILLAR de Pilhu. IOANNES BAPTISTA Czecchius I. V. D. Can(oni)cus dictæ Wratislauien(sis) Eccl(esi)æ. PRÆLATI ET
CANONICI id temporis residentes, totiusq(ue) CAPITVLVM Eccl(esi)æ Olomucensis, expendentes augmentum p(ræ)dicti CENSVS in commodiorem sustentationem personarum Religiosarum dicti Olomucen(sis) Collegij, nec non in maiorem
DEI laudem et gl(ori)am, proximorumq(ue) Salutem, et Diœcesis huius specialem vtilitatem cessurum esse, consensum n(ost)rum non inuitè huic ordinationi, donationi, et CENSVS additioni p(ræ)buimus, et tenore p(ræsen)tium p(ræ)bemus. Pro
mittentes pro Nobis et omnibus Successoribus n(ost)ris hanc præsentem donationem et intersertionem p(ræ)fati CENSVS Quingentorum florenorum ab Ill(ustrissi)mo Principe, D(omi)no Cardinali, ANTISTITE n(ost)ro, Collegio
Societatis IESV Olomucensi, legitimè et dignè factam, ratam et gratam à nobis haberi, et ab ijsdem Successoribus n(ost)ris habitum iri, perpetuis futuris temporibus. Proinde in firmitatem et robur omnium p(ræ)missorum hasce
donationis et inscriptionis l(itte)ras, p(ræ)dicti Ill(ustrissi)mi D(omi)ni manu propria subscriptas, Sigilloq(ue) Suæ Cels(itudin)is munitas, singuli manibus n(ost)ris quoq(ue) subscripsimus, Sigilloq(ue) Capitulari communiuimus. ACTA sunt Olomucij in ædi
bus aulæ Episcopalis in præsentia supradictorum Prælatorum et Canonicorum ad id specialiter congregatorum die Decima tertia mensis Ianuarij, Anno Domini Millesimo Sexcentesimo Decimoquarto.
F. Card. a Dietrichstain Ep(iscopu)s Olomucen(sis)
Martinus Wenceslaus Præp(osit)us m(anu) p(ro)p(ria)
Iulius Cæs(ar) Ginannus Archid(iaconus) m(anu) p(ro)p(ria)
Ioannes Berger Scholastic(us)
Ioannes Konupka m(anu) p(ro)p(ria)
Ioannes Ernestus Platisius de Platenstain m(anu) p(ro)p(ria)
Ernestus Masius m(anu) p(ro)p(ria)
Sigismundus Scholl de Schollmpach m(anu) p(ro)p(ria)
Andreas Kindler m(anu) p(ro)p(ria)
Wenceslaus Pillar de Pilhu m(anu) p(ro)p(ria)
Io(annes) Baptista Czecchius m(anu) p(ro)p(ria)
Val(entinus) Lauben(sis) Vice
cancell(arius)
Laurent(ius) Zeuellerus à Sonn(en)b(er)g
Secr(etarius)