CAROLVS DEI GRATIA EPISCOPVS OLOMVCENSIS DVX S(acri)
R(omani) I(mperii) Princeps, Regiæ Capellæ Boemiæ et de Lichtenstein Comes.
Notum facimus, tenore præsentium Vniuersis qua ratione Fidele Capitulum Cathedralis N(ost)ræ Olo
mucensis sub dato 30 Junij currentis Anni, Nobis exposuerit, tentatas iam sæpius inter suos Sluhonicenses et Collegij Olomucensis
subditos Roketnicenses, tum priuatas, tum a Regio Tribunali compositiones nullam inter exasperatos animos concordiam indu
cere, quin potius metuendum esse, ne sedecim iam utrinq(ue) commissa homicidia, plura subsequantur, ad quæ præcauenda expediens
et necessarium omnino uideretur, dictum pagum Collegio Olomucensi cedere, et pro competente summa, in annuos census ap
plicanda penitus alienare, cum autem ad id præstandum consensus Noster qua Episcopi et Ordinarij requiratur, hu
militer Nos requisiuit, quatenus ad stabiliendam pacem inter tumultuantes subditos, et amolienda detrimenta
utriq(ue) parti imminentia, faciendæ alienationi gratiose annueremus. Nos igitur æquissimis hisce rationibus bene
ponderatis ac discussis, cum ex alienatione memorati pagi Sluhonicz, non tantum grauissima præcaueantur pericula, sed
etiam ex annuo censu Capitalis pro pago persoluendi notabile Capitulo N(ost)ro emolumentum accedat, harum vigo
re literarum, desideratum consensum gratiose elargimur, quatenus sæpe mentionatus pagus Sluhonicz a Capitulo
Cathedralis N(ost)ræ alienari, et Dominio Roketnicensi, Collegij Olomucensis pretio rite persoluto, adunari possit ac
ualeat. In quorum fidem præsentes manu Nostra propria Subscripsimus et Sigillo Cancell(a)riæ communiri iussimus. Datæ
in Ciuitate N(ost)ra Cremsiriensi die Decima tertia Mensis Septembris Anno Incarnatæ Salutis Millesimo Sexcen
tesimo Septuagesimo Quarto.
Carolus
Ad mandatum Reu(erendissi)mi ac Cels(issi)mi
Principis Ep(iscop)i Olom(ucensis) proprium
G. N. Mimmer