IN NOMINE SANCTISSIMÆ ET INDIVIDVÆ TRINITATIS AMEN.
Ego Mathias Franciscus Tlamecius pro tempore Parochus et Archipresbyter Fridecensis hisce patentibus meis notum facio omnibus, quibuscunq(ue) ex, ac
præsertim de iure exhibitæ fuerint, me ad Gloriam DEj omnipotentis, matura præhabita deliberatione, motu proprio, sponte, ac libere quingentos Thaleros Silesiticos Illustrissimo Domino D(omi)no Fran-
cisco Eusebio Comiti ab Oppersdorff &c(etera) in censum datos et numeratos (ut ex illius Reuersalib(us) amplius patet) Adm(odum) R(evere)ndo Patri Patri Wenceslao Sattenwolf Collegij Societatis JESV et Vniuersitatis Recto-
ri Magnifico eiusq(ue) Successorib(us) in perpetuum cedere, largiri ac transcribere; libere insuper ac sponte adiectis Centum Thaleris Silesiticis eidem præmemorato Adm(odum) R(evere)ndo ac Magnifico Patri Rectori ad manus
traditis in futuram perpetuam Fundationem; cuius tenor erit qui sequitur. 1(m)o Pro censu ex præfata Summa proueniente, unus ex meis Consanguineis propinquiorib(us), utpote Nepotibus ex fratre meo Joanne Tlamecio
et Sorore Marianna Andreæ Tursky matrimonio iuncta (iam in D(omi)no requiescente) prodeuntib(us), in Seminario S(ancti) Francisci Xauerij Olomucij sub cura R(evere)ndorum Patrum Societatis JESV competenter alendus erit: ita tamen ut filij fra-
tris mei et filiorum filij ius prius et potius habeant in fundationem: Postmodum alij Pronepotes tam ex fratre meo quam ex Sorore prouenientes alternis uicib(us) fundationem intrandi ius habeant, iam ex parte fratris, iam ex parte sororis: Posteaqua(m)
uidelicet is qui prius erat in fundatione studia sua finierit aut terminum suum assecutus fuerit. Nihilomin(us) id potissimum attendi obsecro, ut pauperiores maximè destituti subsidio paterno, qui tamen magis idonei pro studijs censerentur præ re-
liquis proponantur et admittantur. Deficientib(us) autem ex utraq(ue) parte Consanguineis meis, un(us) ex pupillis Ciuitatis Fridecensis utpote Patriota meus suscipiend(us) erit; qui quidem à Spectabili Magistratu Fridecensi et R(evere)ndo D(omi)no Parocho Fri-
decensi unanimi consensu legitimè præsentat(us), iudicio Adm(odum) R(evere)ndi Patris Rectoris magis idoneus ad studia uidebitur. Talem porro Juuenem ius præsentandi erit in perpetuum apud Spectabilem Magistratum Ciuitatis Fridecensis et R(evere)nd(u)m Parochum ibidem.
2(d)o Quia ex præfata Sexcentorum Thalerorum Silesiticorum Summa census annui proueniunt Thaleri Silesitici triginta sex hoc est floreni Rhenenses quadraginta tres et duodecim cruciferi (siquidem singuli Thaleri Silesitici continent grossos Boëmicos uigin-
ti quatuor Silesiticos uero grossos triginta sex et grossus Silesiticus obulos duodecim seu duos cruciferos) ideo triginta Thaleri Silesitici circa festum Omnium Sanctorum accipiant(ur) pro mensa seu uictu alendo iuueni necessario: reliquum id est Sex Thaleri
residui comparandis uestibus necessarijs erunt insumendi. Si autem pallio indigeret illo anno quo ipsi de pallio prouidebitur uestibus carebit excipiendo calceos. 3(ti)o Studiosus ille absolutis Studijs Philosophicis ad certum aliquem statum sese resoluere tene-
bitur. Quod si in Statu Ecclesiastico pro Gloria Dei animarumq(ue) salute laborare aut aliquam ab Ecclesia S(ancta) approbatam Religionem ingredi intenderit poterit in eadem fundatione permanere et Theologiæ siue Speculatiuæ siue Moralis studium prosequi donec propo-
situm sibi finem consequatur. Si uero absoluto uel non dum absoluto studio Theologico, inconstantia uictus à pio proposito et uocatione resiliret expensas in Theologico studio in se factas refundere tenebitur; et hæc ipsa refusio seruiet pro augmen-
to Fundationis. Quare serio admonendus erit, ut deliberet maturè, an Ecclesiasticum aut Religiosum Statum amplecti intendat? sin minus post Philosophiam dimittatur et alius idoneus in eius locum substituatur. 4(t)o Si aliquo casu
(quod Deus Opt(imus) auertat) Scholæ R(evere)ndorum Patrum Societatis JEsu Olomucij soluerentur aut per aliquot annos interrumperentur tunc (si census nihilominus currerent) ille Juuenis ad aliam Ciuitatem expediendus erit ubi sub cura
R(evere)ndorum Patrum Societatis JESV studia sua prosequi ualeret quousq(ue) iterum Scholæ eiusdem Societatis Olomucij erigerentur. 5(t)o Impensè desidero, ut Juueni illi mox ad initium ipsius in hanc fundationem susceptionis serio inculcetur
ut quamdiu in eadem Fundatione permanserit, singulis diebus Veneris Litanias de SS(imo) Nomine JESV pro animabus in igne purgatorio existentibus, et maxime suffragio indigentibus; diebus uerò Sabbatinis Litanias Lauretanas Beatæ Virginis pro ago-
nizantibus, deuotè recitare non intermittat. 6(t)o Deniq(ue) Si Illustrissimus Dominus D(omi)n(u)s Franciscus Eusebius Comes ab Oppersdorff &c(etera) aut hæredes illius Successoresue Domini Fridecenses, præfatam Quingentorum Thalerorum Summam integrè ex-
oluerent illamq(ue) in manus prænominati Adm(odum) R(evere)ndi Patris Rectoris, aut Successorum ipsius traderent eiusmodi Summa, cum scitu Adm(odum) R(evere)ndi Patris Prouincialis, sine mora ad certum, et stabilem censum erit extradenda, non prætermittendo etiam Fride-
censem Senatum, tanquam ius præsentandi habentem, certiorem reddere de eiusdem pecuniæ prouisione. In quorum omnium fidem, et huiusce uoluntatis meæ pleniorem declarationem, firmitatemq(ue) perpetuam, has patentes literas
manu mea subscripsi et Sigillo appresso roboraui: Sicut et Adm(odum) R(evere)ndus Pater Collegij ac Vniuersitatis Olomucensis Rector suo, et Successorum suorum nomine Subscripsit et Sigillauit: ut etiam implorat(us) Magistrat(us) Fridecensis Sigillum Ciuitatis
penes nos appendi curauit: quos omnes impensè rogatos uelim, ut hanc meam uoluntatem beneuolè ac fideliter executionj mandare uelint. Datæ Fridecij, die trigesima Mensis Maij. Anno Millesimo Sexcentesimo Septuagesimo Septimo.
Matthias Franc(iscus) Tlamecius Parochus, et
Archipresbyter Fridecensis
Wenceslaus Sattenwolf Soc(ieta)tis JESU
Collegij Olomucensis Rector.
|Protonotarius Apostolicus|
|Fridecensis|