QVEMADMODVM OMNIA BENEFICIA MVNERAVE COELITVS MORTALIBVS GRATIOSE CONCESSA,
unicum illud praeter caetera preciosissimum, videlicet Sacratissimum Eucharistiae Sacramentum (inquo Deum humanitatis consortem, hominem Divinitatis participem agnoscimus, et Augustissimum illud
Numen quantum quantum est, teniissimo licet externarum qualitatum amictu obvelatum confitemur) exuperat facillimè: ita etiam magis magisq(ue) humano generi quàm diu coelico ist hoc munere frui licitum est, id potissimum in
tendere convenit, ut par cultus, obsequium, veneratio, Religioq(ue) à mortalibus omnibus eidem deferatur aeviternum: praesertim cum in oculis Divinis, non quantum, sed ex quanto cordis affectu litatur, in considerationem veniat, adeoq(ue) addit(us)
interdum ex pio affectu numus unus, argento, auroq(ue) copioso licet, in appensa statera praeponderet. Ista pervetusta, semper egit Pietas, et etiamnum ad sui imitationem nos extimulat, qua lampadibus, cereis, lychnis ardentib(us) flam
mam ardentem cordis, vel sic testata, meritò mortalium vota complurium, singulari quodam motu ad se pertraxit. Ea propter Ego Ferdinandus Guilielmus S. R. Imperij Comes Slawata de Chlum et Koschum
bergk, Dominus in Telcz et Stracz, S(acrae) C(aesareae) M(ajesta)tis Consiliarius, supremus Feudorum Judex Aulicus et Locumtenens Regni Boëmiae, necnon Suae M(ajesta)tis Hungariae, Boëmiaeq(ue) Regis actualis Camerarius, unà cum Coniuge
mea dilectissima Maria Renata Comitissa de Nachod et Liechtenburg, Immortali DEO, immortali etiam perenniq(ue) flammula, ceu quadam ardente lampade, venerabundus accedens, praevia matura non minus,
quàm pia deliberatione, ex singulari et certa Intentione, unanimiter efficaciterq(ue) volumus, ac statuimus, ut ante Venerabile et tremendum SS(imi) Eucharistiae Sacramentum in Templo Telczensi S. Jacobi, iux
ta receptu(m) aliarum Ecclesiarum morem, Lampas, sive ignis perpetuus sine ulla interruptione, aut cessatione alatur, eius attentam curam Aedituum ordinarium praesentem ibidem, et eius consequenter successores habere cupi
entes. In quem finem exhiberi fecimus Adm(odum) R(everen)do Domino Decano Telczensi moderno, pro Anno currenti 1654. viginti quatuor florenos, ac etiam constanter deinceps pro singulis Annis exhiberi faciemus dictos
viginti quatuor florenos eiusdem successoribus, idq(ue) ad Festum S. Galli, quò facilius et in opportuno tempore oleum comparari possit. Et quamvis alicubi etiam duodecim florenis annuè lampas ardens foveatur, volui
mus tamen dictis duodecim florenis, et alios duodecim florenos in hunc finem adijcere, ut scilicet, Aedituus ordinarius, prout paulò antè meminimus, vel quicunq(ue) alius, curam dictae lampadis ardentis attentam constanter habens,
pro sua vigili cura ex assignata viginti quatuor florenorum pensione, florenos quatuor recipiat, inde etiam lychnos ex bombyce necessarios tempestivè emat et procuret. Hac tamen conditione, ut si deprehendatur lampas extin
cta, et ex eius incuria flamma interrupta, illi subtrahatur ex dictis quatuor florenis grossus Boëmicus sive tres cruciferi nostrates; qui applicari poterunt arbitrio R(everen)di Patris Collatoris, aut Adm(odum) R(everen)di Domini Decani, alicui certo
homini, qui frequens est in Templo, voletq(ue) esse attentus in eiusmodi Lampadem ardentem, ac incuriam sive negligentiam observare; et quia notabilis quantitas olei superabundabit ex viginti florenis, neq(ue) Anno uno consumere copiam
olei tantam poterit Lampas, unà: cedat residuum olei, etiam in cultum Venerabilis Sacramenti, dicto scilicet modo, si R(everen)dis Patribus Societatis JESU vel Adm(odum) R(everen)do Domino Decano, sacru(m) illu(d) maiori (ut vocant:) hebdomada,
ex more alibi recepto ad fidelium pietatem excitandam fors sepulchrum CHRISTI erigere placuerit (in quo collo cari Venerabilis Hostia solet:) totus superabundans liquor, honori mortui CHRISTI, et Vivi DEI, in Eucharistia praesen
tis, accensis compluribus Lampadibus impendatur, vel per Octavam Corporis Christi in altari, ubi Venerabilis Hostia exponetur, pro candelis applicetur. Vt autem haec Fundatio firma, constans, et perennis in suo vigore
maneat, dictiq(ue) viginti quatuor floreni, annuè, tempore supra praefixo, sine ulla difficultate Adm(odum) R(everen)do Domino Decano debitè et ultrò mittantur, ac deponantur, id agemus, ut quàm primùm fieri poterit, competenti Capitali Summa
praedicti viginti quatuor floreni, sive ad aequatum interesse, certè in loco ematur, firmeturq(ue). Interim autem usq(ue) dum id à nobis ita stabilitum fuerit, curabimus Annis singulis tempore praefixo, à Domino Capitaneo Arcis Telczen
sis, praefatos viginti quatuor florenos Adm(odum) R(everen)do Domino Decano debitè numerari. Et porrò ut in suo robore et vigore pia haec nostra Intentio persistat: requiritur, rogaturq(ue) R(everen)dus Pater Collator Societatis JESU pro tempore exi
stens, ac eius successores, quatenus oculo vigili Intentioni huic nostrae, eoq(ue) magis honori et cultui Divino, devotè cooperari, utq(ue) memorata Fundatio suum vigorem et effectum securiùs consequatur ac obtineat, ubi rationes Templorum
ex Officio acceperint, huius etiam Fundationis sicuti, ut ipsius, accepti ac expensi, cum alijs ex mente nostra meminisse, eandemq(ue) Fundationem, uti Collatores et Inspectores, firmiter manutenere velint. Quò deniq(ue) praedicta omnia
magis rata, firma, validioraq(ue) sint, ac in robore, effectuq(ue) suo omni meliori modo in perpetuum conserventur; Illustrissimum et Excellentissimum D(omi)num D(omi)num Adamum Paulum S. R. Imperij Comitem Slawatam
de Chlum et Koschumbergk, Gubernatorem Domus Novodomensis, D(omi)num de Novadomo, Neo Bistriczio, Seroviczio, Rubra Lhota, et Chlumeczio, S(acrae) C(aesareae) M(ajesta)tis Imperialem Aulicum Consiliarium et Supremum Hae
reditarium Regni Boëmiae Pincernam, Dominum Patruum nostrum amantissimum, tanquam Testem rogavimus ut unà Nobiscum manu propriâ se se subscribere, suumq(ue) Sigillum apponi curare dignaretur. Datum in Arce
Telczensi die Sancto Gallo Abbati Sacrâ, Anno à Christo nato, supra Millesimum, Sexcentesimo Qvinqvagesimo Tertio, Indictione incipiente Septima.
Ferdinandus Guilielmus Comes Slawata Maria Renata Comitissa Sla(w)attin Adamus Paulus Comes Slawata