Wir Johanne von gots gnaden Abbt ze Melik Bekennen mit dem brief, das vns der Ersam geistlich herr Brüder Sigmund Prior des gotzhaus vns frawen thron zu Brünn des ordens von Cartus furbringen hat lassen
ainen pagamen brief mit vir anhangunden Infigeln vnd hat vns mit fleiss gebeten das wir denselbn brief vbersehen v(n)d lesen vnd In des ain vidimus vnd zeugnus geben woltn Also haben wir denselbn brief gantzen
pergamnen besigeltn vnuesertn vnd vnuermailigtn aigentlich vbersehen vnd gelesen vnd laut von wort zu wort also Ich maister Hanns der eelter vnd Ich maister Hanns der Junger gebruder die langen von Brunn
weilent Stephans des Langen daselbs seliger gedechtnuss Sün Bekennen fur vns vnd all vns erben vnd tun kund meniglich den der brief furkumbt gezaigt oder gelesn wirdet das wir wolbedechtlich mit aigem freyen
gutm willen vnd mit gesuntm leibn mit guter vnuft zueitn do wir das wolgetun mochtm recht vnd redlich geordent vnd v(er)schriben haben ordnen vnd v(er)schriben auch wissentlich in kraft des briefs vnsr liebn muter
mit namen Kathrein weizund Hannsn des Listbain daselbs ze Brünn vns(er) liebn stiefuaters eeliche gemahel all vns baider erbtail vnd gerechtigkait so wir nu v(er)zlich erbschaft wegn auf allen anligundn erbgutn
welicherlay stukh vnd grunde das sind wie die vns benant lieber vater selig gedechtnuss mit seim abgangk mit dem tod hinder Im lassn hat wo die gelegn sein wie die genant vnd messn aufgezogn noch hindan ge=
setzt gehabt haben also das dieselb vns liebe muter dieselbn all vns veterlich erbtail vnd gerechtigkait auf denselbn erbgutn stuken vnd grundn In Irn nutzn vnd niessn sol vnd mag Ir lebtag vnd dan nach
Irn togn sullen sy lediglich erben vnd geuallen auf vnsre rechte geswistred so wir von vnsm rechtn vater seligen vnd von vnsr benantn muter mit einander haben auch auf vnsrn liebn bruder mitterhalbn mit namen
Wilhalbm den sy mit vnsm benantn stiefuater Hannsn dem Listbain hat der auch in denselbn vnsren veterlichn erbailn vnd gerechtigkaitn die vns nun zugeerbt vnd geuallen sind die wir vnsr liebn muter in vorschribn
weis geordent vnd v(er)schribn haben nach irm abgang mitsambt den anndrn egemeltn vnsrn geswistreetn seinen geleichen erbtail haben sol in aller weis vnd gerechtigkait als ob er in denselbn vnsrn veterlichn erbailn die
vns nun zugeuallen sind auch veterlichs erbschaft vnd gerechtigkait hiet Doch ob vnsre gemelte geswistret vnsre benante muter vberlebent ains oder mer geswistred vnd wilhn dan sy sich des egemeltn vnsrs veterlichn erbails
vnderwinndn So sullen sy nach der bemelth vnsr liebn muter abgangk mit dem tod von den vorgemeltn vnsren veterlichn erbailn vnd gerechtigkaitn vmb got zu lob vnd den benantn vnsrn liebn vater vnd muter In
seeln vnd allen vnsrn voruordrn vnd nachkomen zu hailtwartait aufrichtn machen vnd gebn dem Erwirdign gotzhaus Cartus ordns zu künigsfeldn den geistlichn perfonen daselbs zehen schokh gross vmb den armen
leuten in das spital ze Brünn zwainczig schokh gross Auch sullen sew von denselbn vnsrn veterlichn erbailn vnd gerechtigkaitn aufrichtn vnd volbringn lassen den benantn vnsrn vater vnd muter auch allen vnsrn
voruordrn Irn seeln vnd hailtwartait zu trost vnd zu hilff allen gelaubign seeln hinder mess an vnderlos in ainem chored zuiolbringn alles an alle irrung vnd aufzug vngeu(er)lich Darumb piten wir In den Prior
welher dann zu denselbn zeitn Prior zu künigsfeldn Cartus ordn wirdet sein vnd den Burgmaister zu Brün der dieselb zeit daselbs Burgmaister sein wirdet das sy das alles also volbracht vnd volkombt
werd Es ist auch vnsre maynug ob sich geburet das vns liebe muter aus denselbn vnsrn veterlichn erbailn etwas verkauffn wurd oder ob man sy aus den erbgutn die auf ainen widerkauf oder satz steent widerkaufft
oder losen wurde so sol dasselb gelt wider angelegt werdn vnd sullen dieselbn chaufung losung vnd wider anlegung beschehen mit wissn der benantn Burgmaister das man das nach Irm tod vmb zefüern Wer
aber ob sich geburet das vnser obgemelte geswistreit alle mit dem tod abgungn vnd nur ains vnd bruder mitterhalbn Wilhalm dannoch lebt so haben wir vns vorbehaltn das dann nach vnsr muter abgangk
dieselbn vns veterlichen erbail vnd gerechtigkait so wir Ir v(er)schriben vnd geordent haben auf vns geuallen sullen oder wem wir die ordnen vnd v(er)schriben nach in dem brief aigenlich in ain ordnug begriffen vnd er=
leuttert wirdet Doch sol dannoch vnserm liebn bruder dem Wilhalm aus denselbn vnsren veterlichen erbailn dero wir als vor gemelt vnsr liebn muter v(er)schriben haben sein gleicher tail neben vnser ainem
geualln die wir Im also in gutikait wol v(er)gunnen vnd geuallen welln lassen vnutzign ob vns von vnsrn geswistreitn in anndrn veterlichem erbgut etwas zuuiel darinn sol er vns kain tailung tun es wer vir oder nach
vnsr muter tod vngeu(er)lich Auch haben wir geordent vnd v(er)schribn ordnen vnd v(er)schriben auch wissentlich in kraft des briefs den geistlichen dem Prior dem Conuent vnd Im gotzhaus zu vnsr frawen thron zu Brünn Car=
thus ordens Auch dem Prior dem Conuent vnd irm gotzhaus zu künigsfeldn bey Brünn desselbn ordens all vns zuiell erbail vnd gerechtigkait so hinfur von muterlich endlich vnd eendlich erbschaft wegn nach abgangk
vnsr benantn liebn muter vnd stiefuater des künzfuelders daselbs ze Brünn Irn mitere vnsr liebn een vnd seins gemahel auf den eendern oder von vnsrn geswistreitn oder von wem das wer auf vns geerben oder geuallen
möchten es wer in anligundn erbgutn der in varunder hab wo vnd in welhen gerichtn oder h(er)rschaftn das alles gelegn vnd wie das genant ist allenthalbn nichts aufgezogn noch hindan gesetzt funder alles hierin beslossn Also
das die benantn Priores die Conuent die dan zu denselbn zeitn bey denselbn benantn baidn gotzheusern Cartus ordens sind oder Ir Anwelt von Irn wegn so sich das gepurt soll all vns zuiell erbail vnd gerechtigkait zu benanter
baider gotzheus handn slissen eruordrn vnd inbringen sullen vnd mügn mit aller gerechtigkait vnd gwalt sam als ob wir das alles als natlich erben selbs personlich tetn vnd getun mochten Wer aber ob In oder In bemelth zwain
gotzheusn icht krieg ansprach oder Infall daran auferstundn von vns oder von vnsrn erben oder von wem das wer mit geistlichn oder weltlichn rechtn das sullen sew alles vnd an aller stat mit dem erstn rechtn behabt vnd erlangt
haben vnd wir vnd vns erben gein In verlorn Mit vrkund des briefs besigelt mit der Edeln Micheln des fustn diezeit phleg zu Eibnhausegk vnd Sigmundn des Peunn diezeit phleg zu Eibnhausegk durch vnsr fleissign bet willn
baider anhangundn Infigl doch In vnd allen Irn erben an schadn Darunder wir vns fur vns vnd fur all vns erben mit vnsrn trewn verpindn rain vnd stet zuhaltn alle Innhaltung des briefs des sind zeugn durch vnsr fleissign
pet willn die Edeln Caspar Pallesdorffer phleger zu Ernegk vnd Wern Panndigler diezeit phleger zu Niderhausegk mit Irn anhangundn Infigeln auch In vnd allen Irn erben an schaden Der brief ist geben an Montag vor sannd
Michels tag Nach krists geburd Virczehenhundt vnd in dem dreyundfunfczigstn iar Vnd des zu vrkund vnd warer gezeugnuss geben wir vrgenanter Johanne Abbt denselbn Ersamen geistlichn h(er)rn Prior zu künigsfeldn
das gegennwirtig vidimus besigelt mit vnsm anhangundm Infigel Geben zu Melik an Montag vor des heilign kreutz tag der Erhöhung Nach Cristi geburd Tausent Virhundert vnd in dem Achtundsechczigstn
Jare