Geystlichen vnnd weltlichn welicherlay stantes die sein mit disen geswribn lieben frewntn Wir azari(us) probst
der kirchen des liebn sandt pet(er) ob(er) der stradnicz Michel pharrer der kirchen des lieben Sand Jacob zw hodnicz
creucz orden mit dem stern Tuen chund das die hochwirdig Junckfraw Barbara des orden der heilign Junckfraw
Clare abtessin des Clasters vnser lieben frawen vnd das gancz Conuent zw znaym vnss zw hodnicz awsgeruckt habn
mit irem teicht den homssezehat vnd zwo gwantn abbrechs die dem pharrer in sem lehen habn khert vnd den paim
gartn der hiunter dem darff leitt darumb sy vns ganczlich vnd genueglich verlaicht haben mit dem weingart vnd
Spsilezehat Jndem chruchperg ob der kirchen zw hodnicz mit aller gerechtikhait als sew das gehaltn habn von ewing
zeytn doch also das die czynss de scholln nach voling dem rechten grunt herrn als der obgemeltn abtessin vnd irem
Conuet zw ewing zeytn Auss genume der czinss des pharrers von den weingartn de er iez hatt Jn dem obgemeltn
perg der selbing czinss der obgemelt pharrer vnd all sein nachkhuma scholln frey sein zw ewing zeytn dise perich
tung haben gemacht die Ersamen wol weysn hern Heiludwaich Aberhertel die zeyt burgemayster der Stat znaym
Bartusch vom postn die zeit Richter daselbs Waltisar telczer des zw warer khantniss vnnd bestattikhait haben wir
obgemelt probst vnd obgemelt pharrer vnsere Jnsigll an disen brieff twen hangn der geben ist nach xpi gepurd
Tawsent vnd Jndem funff hundertistn Jar Am Erichtag nach Sand Kiling tag des heyling peichtinger