Ich Gocz von Hodnicz ich Gytka sein housvrow vnd alle vnser erben wir verien vnd tuon chunt an disem
prief allen leuten di in sehent oder horent lesen di nu lebent vnd hernach chunftig sint das wir mit wolbedachtem
muot vnd rat aller vnser vrevnt zv der zeit da wir is wol tuon mochten recht vnd redleich verchouft habn vn
sern hof zv Hodnicz mit czwain lehen zv veld vnd zv dorf vnd mit alle de vnd dar zv gehort vnd als
wir in besessen vnd genuzt habn den gotsandachtigen Junchvrown Junchvrown Kvnigvn zv der zeit Ap
tessin vnd dem ganzen Conuent d(er) Junchvrown sand chlaren orden zv Znoim vmb vnf vnt vnfczig
March prager pregischer phenning silbrein mer vnd sechtzik groff vner ein igleich March zv reiten d(er) wir
nu gar vnd gancz von in beutht vnd bezalt sein zv eim rechtem erb zv besiczen vnd zv nucz ewicleich vnd erbi
chleich damit zv tuon vnd zv lassen vnd verzeihen vns hevt an disem gegebnwrtigem prief aller anspruch alles
rechten aller aigenschaft aller vadrung daz wir wier vuerbaz noch mit gaistleichem noch mit weltleichem
recht chrieg vethan noch chain aigenschaft zv dem hof zv Hodnicz vnd zv alle de vnd dar zv gehort nicht ge
warten schullen noch enmugen vnd daz verhaisse wir vnd geluben mit vnsern trewn an aiden stat stet zv halden
Ouch gelub wir mit vnsern trewn ab furbaz chain beweisung von vns oder von vnsern vrevnden od(er) von and(er)
ymant mit piefen od(er) mit chain lay gegenthwiff zv dem hof entstuend od(er) bewist wurt di sol noch enmag
chain chraft nicht enhaben vnd sol tod sein vnd t toten so gegenburticleich mit vrchundt di pesn vnd
dank so gib ich vorgenant(er) Gocz disen pief versigelt mit meim anhangunden Insigel zv ein steten vrchund
dis sach diser wandelung sint gezeugen di erbn leut her Peter von Bossig zv der zeit purgraff zv znoi
her Hardieb von Crakow gesessen zv Letwicz Oldrich von Vrbicz Jacob der Altendump Albrecht d(er)
welab vnd fridreich des fuzen sun purg zv znoim di ir Insigel durch vnser pet willen zv gezeuch
nuss an disen pief gehangen habn zv sampt meim Insigel zv ein ewigen vrchund vnd gedechtniss diser
sach gegebn nach Cristes gepurd drevzehen hundet Jar in dem vier vnd fumfczigistem Jar an dem
Palmtag abent