Ich bocz von Hodnicz und mein housvrow Jutta und unser erben tuon chunt
an disem prif Allen leuten di in sehent od(er) horent od(er) horent lesen di nu lebent und h(er)
nach chunftig sint das wir mit woludachtem muot und rat chouft habn unsern
pongarten der da ligt zv Hodnicz an dem dorf der Aptessin Junchvrown Bonka
und dem ganczen Convent d(er) Junchvrown sand chlare orden zv znoim daz unser
vrown im Lzwaiment umb aht schok pregisch phennig silbrein vier und sechzik
uff fuer ein igleich M(a)rch g(e)raite zv eim wehren erb zv besiczen und zv nuczen ew
ichleich und erbeichleich und da mit u(er)zich(en) und lassen und aigenthen uns an disem
prif aller ansprach gaistleich und weltleich daz wir furbas chain recht zv dem pov
garten nach chain mainung meht muge habn noch enschullen und darub so gib
ich obgenant(er) bocz disen prif besigelt mit meim anhangunden Insigel zv einer
steten urchund dis sach Diser wandelung und chouffes sint gezeugen di erbn
Leut weichart der Richter zv znoim Ott vo(n) Neuhous und albrecht grumzlab
purg(er) zv znoim di ir Insigel durch unser pitter chl(a)r(e) pet willen zv gezeug
nuss an disem prif gehangen habn zv sampt meim Insigel zv einer offen und
mereren gewissen dis sach Dis prif ist gegebn nach Cristes gepurd Drew
zehen Hundert Jar indem suben und fumfczigistem Jar an vronm tag zv der
Himel vart