In dem namen der heiligen vnd vngetailten driualtikait Got des vatter sun vnd des heiligen gaists Amen Wir paulg von gots genaden Abt zw
prucka premonstrater orden In Merhern gelegn pei Znaym olmuczer pistumb Vnd ich wolfgangg probst auf sand poltn perig creiczer orden mit
dem rottn sternn ob Znaym gelegn paid geseczt comissari vnd Richter von vnnsern heiligen vatter pabst leone dem rechenntn dis nammes zw verhorn
vnd recht zw sprechn zwischen der Erwirdigen vnd Gaistlichn Junczfrawen katherina gechin die czeit Apptessin Sannd Claren orden vnser liebn frawen
gotshaws zw Znaym vnd jrem wirdign conuent auff ayner Der geleichn vnser paider gotshaws holdn zw Tasswicg vnd hodnicz Auch aller vnd
jeglicher die do weingartn habn vill oder wenig auff dem obernnperig vnd andernn grunttn dar pei Nemlich jecz zwai Achtall weingartn gelegenn
Im fuchsgruntt der ain gehort hernn Abt que der ander der Junczfrawen auff der andernn seittn antreffund den weingechandt von allenn Viertalln oder
achtalln da selbs gelegn der dem Erwirdigen vnd Gaistlichem conuent manigelar nie geraicht ist wardn Vnnd die von Tasswicg vnd hodnicz kainer
verschribn gerechtigkait besunder alter gewonnhait vnd herkumen betragn Des sich die Erwirdig Junczfraw Apptessin vnd das Wirdig conuet da selbs
nit wenigs beswerdt habn vnd bezwungen sein solich conquest commissn oder beuelich von dem bestimbtn heilign Vatter pabst leone auff vns awb zw =
pringn Die wir dann diemuetigclich mit alln wirdn vnd eren als sich gepuerd angenumen habn Wie woll wir vns der gerinn hietn entslagn angesechn
das merer taill der armen lewt die do weingartn an dem bestimbtn perig habn vnser paider vnd vnser gotshaws holdn sein liederlich verdacht mocht
werdn auff paider partei mit gunst oder vngunst Iedoch nit angesechn Neid Gunst frundtschafft miett schamung oder Erung Allain Got vnnd die ge =
rechtigkait woll bedechtlich vnnd mit Gaistigem Rat gaistlicher vnd weltlicher die wir dar zue als peisiczer des rechtspruchs erpettn habn Vnnd paid
partei an all awbzug genuczlich an weitter wegerung auff vns geslochn vnd hindergang mit handt vnd mund gethan habn Sprechn wir In krafft
dis prieffs Zw dem Ersten das aller vnwilln Zw paidn seittn er sei klain oder grass mit sambt allen versessn rechenntn aller verspinnen Jarn trost ge =
zung vnd raiss ab vnd tod schullen sein vnd kain partei der andernn vill oder wenig nit schuldig ist etwas abzwtragn oder zw bezalln Zw dem
Anndernn sprechn wir das alle die do weingartn habn andem obernperig oder dar pei die Jarb vnd hin furr zw Ewign zuekunffttign zeittn alle Jar Jecz =
lichn zwischen sand wenczlas tag vnd simonis & Jude ain jeglicher von aym viertall weingartn schuldig scholl vnd bezalln fur den grundt diennst
vnd den Bechandt Der Erwirdign Junczfrawen der Apptessin vnd dem conuet da selbs acht grosschn gemainer lanndtswerung allweg sibn wienner phe =
nig fur ain grosschn gerait Vnd von Jeglichem Artall vier grosschn Zw dem drittn von deß sell gerett wegn oder der weingarttn die In den verspinnen
Jarn gesthafft sein wardn zw sand Jacobs kirchen oder hin fur gesthafft zw hodnicz wurdn Auch zw vnser liebn frawenkirchen zw Tasswicg der geleichn Zw
dem Steg Sprechn wir zwai Viertall weingartn sand Jacobs kirchen den bechandt frei vnd ledig der geleichn vnser frawen kirchen zwai Vnd zw dem
Steg zwai doch das die gechleyt oder die die dy weingartn Innen habn oder hin fur Innen habn wurdn Der Erwirdign Junczfrawen vnd dem wirdign conet
Jezlichn den grundt dienst oder zins gebn vnd raichn schulln Zw dem vierttn Sprechn wir das nun vnd hin furr zw Ewign zeittn die Armen lewt frei
schullen sein vnd mugn In zw guet die weingartn verkawffn verschaffn vnd gebn wem sy welln Doch vnuergriffen der Erwirdign Junczfrawen apptessin
vnd des wirdign conuets vorgeschribn gerechtigkait Pei disem spruch auff vnser seittn gewesn sein Die Erwirdign Vnd Gaistlichn pruder Virgilig Derhei =
lign geschrifft lesmaister awb pebstlichn gewalt notarij predig ordn In der sachn digmals vnser paider parato her pawl der pbn freien kunsstn maister
vnsers gotshaws zw prucka mit prueder vnd pharre her Ada pharre zw sanndt micht zw Znaym her veit von dem poltn perig Der geleichn die Edelnn
Albrecht steck vnser vnd des gotshaws zw prucka purggraff bernnhardnn krawding hoffrichter da selbs Auff der Junczfrawen vnd des gotshaws
sannd claren ordn Von Erst die Erwirdige Junczfraw katheria gechin digmals apptessin Junczfraw Margreta Vrnzin Junczfraw magreta die Alt apptessin
Junczfraw Anna die zeit schafferin prued wolfgang lesmayr der heilign geschrift die zeit pdiger da selbs Auch prued Gabriel peichtuatter der Junczfrawen
her thaman pruzator vnd Notarij pharre zw Wmnaw her pawll Jenusths altarist zw Znaym Von Tasswicg von des her Abts guet mit volmechtign
gewalt aller nachparnn sein pei dem spruch gewesn Vicencz gailbuger die zeit Richter da selbs Caspar Gailbuger sein prueder Mert gechell Colman
Strobl Von hodnicz her probst guet an stat seiner nachparnn Ist gewesn cristan echrer Des spruchs zw ewiger gedechtnuss vnd entlicher besliessung
Gebn wir vorgeschribn paulg von gots gnadn abt zw prucka Vnd wolfgang probst auf sand poltn perig awb pebstlichn gwalt comissari vnd angeseczt richter
disen spruch peff Ingeleicher lawttung Von wardt zw wardt paider partei bewardt mit vnnsern paidn annhangudn In sigl Doch zw merer krafft
vnd sicherhait hat sich zw vnnsern spruch verwilligt der Erwirdig Vnd Gaistlich der pbn freien kunsstn maist Vnd hochgelerter doctor der heilign geschrifft
vatter theodoricg Minister sand franciscg ordn In Osterreich vnd Merhernn mit seim anhangudn In sigl Der geleichn die erwirdig vnd gaistlich Junczfraw =
Apptessin vorgeschribn vnd des wirdign conuet Jere paider anhangudn In sigl Auch her thaman pharre zw wmaw mit seim In sigl Der prieff Ist Geben
zw prucka Nach xpi funffczechn hundert gepuerdt vnd In dem vierczechendn Jar An Sannd Ambroßius des heilign lerer vnd peichttinger tag