Martinus ep(iscopu)s seruus seruor(um) dei Dilectis filiis .. Gradicen(si) extra muros Olomucen(ses) et .. Scotor(um) in Wienna Patauien(sis) dioc(esis) monast(er)ior(um) Abbatibus ac .. Officiali Pragen(si) Sal(utem) et ap(osto)licam ben(edictionem). Ad compescendos conatus nepharios
peruersor(um) qui p(er)sonas et loca ecclesiastica super bonis et iuribus suis offendere ac multiplicibus p(er)turbare molestiis non uerentur tanto magis p(er) nos decet d(e) oportuno remedio prouidere quanto p(er) eorundem turbationes huiusmodi et molestias in diuine ma
iestatis offensam necnon ecclesiastice libertatis redundare dispendium dinoscuntur. Dudum siquidem cum in diuersis mundi partibus Consules Ciuitatu(m) et Rectores necnon alij qui potestatem habere uidebantur tot onera frequenter imponerent eccl(esi)is ut deterioris con
dicionis factum sub eis sacerdotium uideretur qua(m) sub pharaone fuisset qui lege diuine noticiam non habebat quiq(ue) omnibus alijs seruituti subactis sacerdotes et possessiones eor(um) in pristina libertate dimisit et d(e) publico eis alimoniam ministrauit in Concilio Lateranen(si)
extitit inueniendum prouidendo sub anathematis districcione prohibitum extitit ne Consules rectores aut alij p(re)dicti eccl(esi)is et uiris ecclesiasticis tallias seu collectas uel exactiones ab(us)q(ue) apponere p(re)sumerent transgressores et fautores eor(um) p(re)cipiendo anathematis
sententie subiacere donec satisfactionem impenderent competentem et ecia(m) deinde in generali Concilio editum fuerit q(uo)d si ep(iscop)i forte simul cum clero eciam si tantam necessitatem uel utilitatem inspexerint ut absq(ue) ulla coaccione ad releuandas co(mmun)es utilitates uel neces
sitates ubi laicor(um) non suppeterent facultates subsidia p(er) eccl(esi)as laicis ducerent concedenda minime super hoc consulto Romano pontifice concessiones et sententie que a talibus uel d(e) ipsor(um) mandato forent promulgate essent irrite et inanes nullo umqua(m) tempore
ualiture ac ecia(m) in ip(s)o generali Concilio decretum extitit illum qui infra tempus sui regiminis propter fractionem constitucionu(m) uel sanccionu(m) huiusmodi sustineret anathema tanqua(m) post illud non esset ad satisfactione(m) debitam compellendus necnon ipsius success
rem qui non satisfaceret infra mensem manere ecclesiastica censura conclusum donec satisfaceret competenter cum succederet in onere qui substitueretur in honore postmodum uero felicis recordacionis honorius p(a)p(a) iij p(re)decessor n(oste)r attente considerans q(uo)d quondam
fridericus ij olim Roman(orum) Imp(er)ator tunc sub obediencia et deuocione sancte romane eccl(esi)e persistens ad laudem eiusdem eccl(esi)e et sacri decus Romani Imperij cupiens ut expurgatis quor(um)dam erroribus et iniquis statutis penitus destitutis de cetero eccl(esi)e et eccl(esi)a
stice p(er)sone plena uigerent quiete et secura libertate gauderent ac pie et iuste attendens q(uo)d quor(um)dam peruersor(um) iniquitas adeo habundauerat ut non dubitarent contra ecclesiasticam disciplinam et sacros canones statuta sua confingere aduersus ecclesiasticas
p(er)sonas et ecclesiasticam libertatem edictali lege huiusmodi statuta iniqua irritauerit et p(re)ceperit irrita nunciari et omnia statuta et consuetudines que Ciuitates et loca potestates uel Consules aut quicumq(ue) alij p(er)sone contra libertatem eccl(esi)e uel p(er)sonas
ecclesiasticas huiusmodi edere aut seruare temptarent contra canonicas uel Imp(er)iales sancciones d(e) ipsor(um) Capitularibus infra duos menses post ipsius legis publicacionem penitus aboleri facerent et si de cetero talia attemptarent illa ip(s)o iure statuit esse nulla
et eos sua iurisdiccione priuauit necnon locum ubi talia deinceps p(re)sumpta fuissent banno attulit apponend(um) ac sub ip(s)o Imperiali p(re)ceperat subiacere potestates uero Consules Statutarij et Scriptores statutor(um) p(re)dictor(um) necnon Consiliarij locor(um) ipsor(um)
qui s(e)c(un)d(u)m statuta et consuetudines memorata iudicarent extunc essent ip(s)o iure infames quor(um) sentencias et actus legitimos statuerit aliqualiter non tenere q(uo)d(que) si p(er) Annum p(re)fatar(um) Constitucionum inuenti forent contemptores bona eor(um)
p(er) totum suum Imperium mandauit impune ab omnibus occupari saluis nichilominus alijs penis contra tales in eisdem generalibus Concilijs promulgatis. Et insuper uoluit idem tunc Imp(er)ator q(uo)d nullus co(mmun)itatis uel p(er)sona publica seu priuata
collectas seu exactiones angarias uel p(er)angarias eccl(esi)is uel alijs pijs locis aut ecclesiasticis p(er)sonis huiusmodi imponere seu inuadere ecclesiastica bona p(re)sumeret q(uo)d si secus faceret et requisitus ab eccl(esi)a uel Imperio huiusmodi emendare contempneret tripliciter
restitueret et nichilominus banno Imperiali subiacueret quod sine satisfaccione debita nullatenus remitteretur Statuerit insuper q(uo)d quicumq(ue) Co(mmun)itas uel p(er)sona p(er) Annum in exco(mmun)icacione propter libertatem eccl(esi)e uiolatam p(er)sisteret
ip(s)o iure similiter dicto banno Imperiali subiacueret a quo nullatenus extraheretur nisi prius ab eccl(esi)a beneficio absolucionis obtento. Et insuper ordinauerit ut nullus ecclesiasticam p(er)sonam in criminali questione uel ciuili ad iudicium seculare
trahere p(re)sumeret contra easdem Canonicas sancciones et Constituciones imp(er)iales q(uo)d si secus faceret actor a suo iure caderet et iudicatum non teneret et iudex foret extunc iudicandi auctoritate priuatus q(uo)d(que) Iudices temporales qui
clericis et p(er)sonis ecclesiasticis iusticia(m) denegare p(re)sumerent tercio requisiti suam iurisdiccionem amitterent Constitucione(m) ipsam d(e) consilio eia(m) fratrum suor(um) sancte Romane eccl(esi)e Cardinaliu(m) qui tunc erant auctoritate ap(osto)lica approbans et confirmans
ipsam mandauit inuiolabiliter obseruari necnon Statutarios et Scriptores ac uiolatores p(re)dictos exco(mmun)icatos eadem auctoritate nunciari Et deinde ad audienciam diue memorie Caroli iiij ecia(m) Roman(orum) Imp(er)atoris semper Augusti deducto q(uo)d
nonnulle seculares p(er)sone in potestatibus et officijs publicis constitute uidelicet duces marchiones Comites Barones et alij domini temporales necnon Consules Ciuitatu(m) Oppidor(um) Villar(um) et locor(um) Rectores in diuersis prouincijs eiusdem Imperij d(e) timore postposito
statuta singularia et iniquas ordinaciones motu proprio et d(e) facto contra ipsas p(er)sonas ecclesiasticas et eccl(esi)ar(um) libertates ac ear(um) priuilegia condiderant illisq(ue) d(e) facto et publice utebantur contra canonicas et legitimas sancciones utpote q(uo)d nulla bona temporalia in
potestatem ecclesiasticam transirent et ne cleri in sacris ordinibus constituti ad agendu(m) et testificandu(m) in ciuilibus et maxime in pijs causis aliquatenus admitterentur q(uo)d(que) exco(mmun)icati laici et publice denunciati in ciuili foro minime repellerentur. Et
insuper p(re)dicti domini temporales Consules et rectores p(er) secularem potestatem res et bona cl(er)icor(um) occuparent arrestarent et oblaciones x(r)p(ist)ifideliu(m) minuerent atq(ue) restringerent exactiones et tallias indebitas d(e) bonis et redditibus eccl(esi)ar(um) exigerent
et extorquerent possessiones eccl(esi)ar(um) et p(er)sonar(um) ear(um)dem deuastarent incendijs et rapinis contractus inter cl(er)icos et laicos factos legitime ad libitu(m) Ciuitatu(m) Villar(um) et locor(um) p(re)dictor(um) inscriberent et sigillare renuerent donataq(ue) et legata ad fabricas et eccl(esi)ar(um) stru
cturas contra p(re)lator(um) uoluntatem ac alior(um) quor(um) interest temere usurpare p(re)sumerent in fraudem et odium cl(er)icor(um) d(e) bonis ecia(m) et rebus eor(um)dem cl(er)icor(um) que non causa negociacionis sed pro eor(um) proprijs usibus p(er) eor(um) terras ducebant seu duci facie
bant theloneum exigere et recipere non uerebantur et confugientes ad eccl(esi)as et ear(um) Cimiteria inde extrahere contra canonicas et Imp(er)iales sancciones huiusmodi p(re)sumpserant et p(re)sumebant Idem Carolus Imp(er)ator tanqua(m) x(r)p(ist)ianissimus princeps
uolens in p(re)missis prouidere d(e) remedio salutari ecia(m) d(e) quor(um)dam principum ducum Comitu(m) Baronu(m) fideliu(m)q(ue) alior(um) sacri Imperij sepedicti consilio et auctoritate Imperiali quecunq(ue) statuta et consuetudines p(re)dicta tanqua(m) p(er) canonicas et ciuiles san
cciones expresse reprobata cassauit irritauit et annullauit ac cassa et irrita nulliusq(ue) esse uoluit roboris uel momenti p(re)cipiens sub Imperialis banni pena uniuersis et singulis principibus ac dominis temporalibus Consulibus potestatibus et alijs in
officijs publicis in eodem Imperio constitutis quatinus extunc ipsor(um) statuta et ordinaciones sicut in p(re)iudiciu(m) ecclesiastice libertatis edita fuerant omnino reuocarent et d(e) luce tollerent q(uo)d(que) s(e)c(un)d(u)m ea non iudicarent amplius nec sentenciarent aut easdem
in iudicio uel extra iudiciu(m) quomodolibet pro se et contra eandem ecclesiasticam libertatem p(ro)nunciarent insuper ex eadem decreuit auctoritate q(uo)d quicumq(ue) laicus cuiuscumq(ue) status aut condicionis existeret ausu sacrilego et proprie temeritatis audacia
sacerdotem uel clericum secularem uel religiosum desidaret p(ro)scriberet captiuaret spoliaret mutilaret aut in carcere detineret uel huiusmodi maleficia p(er)petrantes scienter receptaret uel eis fauorem p(re)staret preter penas a sacris canonibus et legi
bus sanccionibus in tales inflictas eo ip(s)o redderetur infamis et omni honore priuatus nec ad placita uel consilia nobilium admitteretur quouis modo hortans insuper in domino et requirens ecclesiasticos prelatos in illis partibus in quibus co(m)mitterentur talia con
stitutos ut legem Imp(er)ialem huiusmodi p(er) eor(um) eccl(esi)as et Synodos publicarent ne transgressores huiusmodi p(er) simulatam ignoranciam suam ualerent in hac parte maliciam excusare prout in Constitucionibus et sanccionibus Concilior(um) et honorij p(re)dictor(um) ac Imperia
libus p(re)fatis plenius continetur. Cum autem sicut lamentabili querela dilecti in x(r)p(ist)o filior(um) .. Abbatis et Conuentus monasterij sancte Marie in Snorna ordinis sancte Clare Olomucen(sis) dioc(esis) nup(er) accepimus nonnulli principes duces Comites Barones et
alie seculares potestates ear(um)d(em) constitucionu(m) et sanccionu(m) canonicar(um) et legaliu(m) forsan ignari et contra ipsas ab Abbatissa et Conuentu monasterij sancte Marie p(re)dicti tallias et gabellas ac alias exactiones illicitas hactenus extorserint et adhuc extorquere nitantur
ac ecia(m) bona ipsor(um) Abbatisse et Conuentus inuaserint arrestauerint occupauerint detinuerint et suis usibus applicauerint necnon occupare inuadere arrestare detinere et eisdem usibus suis applicare similiter d(e) facto p(re)sumant in animar(um) suar(um) p(er)iculu(m) necnon Abbatisse et
Conuentus monasterij huiusmodi nonmodicu(m) p(re)iudiciu(m) atq(ue) damnu(m) Nos in p(re)missis Abbatisse et Conuentui huiusmodi opitulari prout d(e) iure uolentes discrecioni u(est)re p(er) ap(osto)lica scripta in uirtute sancte obediencie districte p(re)cipiendo mandamus quatinus uos uel duo aut unus
iur(is) p(er) uos uel aliu(m) seu alios Abbatisse et Conuentui p(re)dictis contra quoscumq(ue) transgressores et uiolatores constitucionu(m) et sanccionu(m) ear(um)d(em) cuiuscumq(ue) status dignitatis et excellencie fuerint efficacis defensionis auxilio assistentes non p(er)mittatis eas contra cano
nicas et legales sancciones et constituciones huiusmodi indebite molestari necnon easdem constituciones ubi et quando expedire uideritis solempniter publicantes faciatis transgressores et uiolatores huiusmodi si et prout iustu(m) fuerit ac ubi et quociens expedierit tandiu exco(mmun)ica
tos aut anathematizatos publice nunciari donec ab ear(um)d(em) talliar(um) collectar(um) gabellar(um) imposicione et qualibet extorsione necnon bonor(um) Abbatisse et Conuentus huiusmodi inuasione arrestacione occupacione detencione et applicacione omnino destiterint necnon ecia(m) efficaciter restituerint
eisdem Abbatisse et Conuentui occ(asi)one p(re)missor(um) eos lesis seu grauatis tallias gabellas et exactiones ipsas ac ecia(m) bona Abbatisse et Conuentus p(re)dictor(um) arrestata occupata detenta et applicata ip(s)is aut que p(er) se uel alios illo p(re)textu quomodolibet receperint imo uerius temere
et illicite usurparint a se libere et omnino relaxent ac in manibus u(est)ris iurauerint q(uo)d de cetero talia non co(m)mittent et ea co(m)mittentibus non p(re)stabunt auxiliu(m) consiliu(m) uel fauorem Contradictores p(er) censura(m) ecclesiasticam et alia iuris oportuna remedia compescendo inuocato
ecia(m) ad hoc si opus fuerit auxilio brachij secularis. Ceteru(m) si forsan huiusmodi transgressores aut uiolatores uel eor(um) fautores mandatoru(m) ip(s)or(um) conseruacionem seu dacionem in illis p(er) se uel alios directe uel indirecte publice uel occulte auxiliu(m) consiliu(m) uel fauorem p(re)stiterint p(ro)moti
ctoribus et requisitoribus p(er) uos d(e) ip(s)is faciendo iure statuti uel comodi haberi nequiuerit nos uobis moniciones et requisiciones huiusmodi ac citaciones quaslibet p(er) edicta publica locis affigenda publicis d(e) quibus sit uerisimilis coniectura q(uo)d ad noticiam dictor(um) citator(um)
et monitor(um) huiusmodi p(er)uenire ualeant faciendi plenam et libera(m) concedimus tenore p(re)senciu(m) potestate(m) Volentes q(uo)d moniciones requisiciones et citaciones huiusmodi p(er)inde ipsos citatos requisitos et monitos ut p(re)mittitur artent ac si eis facte et insinuate p(re)senciali
ter et p(er)sonaliter extitissent Non obstantibus tam pie memorie Bonifacij p(a)p(e) viij ecia(m) p(re)decessoris n(ost)ri quibus cauetur ne aliquis extra sua(m) Ciuitatem et dioc(esim) nisi in certis exceptis casibus et in illis ultra unam dietam a fine sue dioc(esis) ad iudiciu(m) euocetur Seu ne Iudices extra Ciui
tatem et dioc(esim) in quibus deputati fuerint contra quoscumq(ue) procedere aut alij uel alijs uices suas co(m)mittere seu aliquos ultra unam dietam a fine dioc(esis) eor(um)dem trahere p(re)sumant dummodo ultra duas dietas aliquis auctoritate p(re)senciu(m) non trahatur ac d(e) p(er)sonis ultra
certu(m) numeru(m) ad iudiciu(m) non uocandis qua(m) alijs constitucionibus ap(osto)licis contrarijs quibuscunq(ue) Aut si aliquibus co(mmun)iter uel diuisim a sede ap(osto)lica indultu(m) existat q(uo)d interdici suspendi uel exco(mmun)icari aut ultra uel extra certa loca ad iudiciu(m) euocari non possint
p(er) litteras ap(osto)licas non facientes plenam et expressam ac d(e) uerbo ad uerbum d(e) indulto huiusmodi mencionem Dat(um) Rome apud Sanctumpetrum ij Id(us) Aprilis Pontificatus n(ost)ri Anno Sexto