Ich Nyclas vnd ich Boyzlab vnd vnser paider erben vnd náchchumen Weilen Hasslabs sun von Halpicz dem got genad machen vnd chunt an disem prief allen leuten di in sehent oder horent lesen di nu lebent vnd hernach chumsig sint Das wir von der ansprüch di
wir gehabt haben an dem hof ze Malschpicz vnd vmb di czway lehen di dar zv gehoren an veld vnd an dorf di vnser vater Hasslab
vnd vnser muot(er) Chnugunt dem erbn herren Piuod(er) chreucz dem Obristen Maister des spitals vnd der Chreucz mit dem stern ze
Prag ouf d(er) Pruk vnd allen den di nach im chumsig w(er)den an der selben Maisterschaft verchouft habent recht vnd redleich ewicleich vnd
ewichleich ze besiczen vnd ze nuczen von der selben ansprüch hab(en) wir nach grawer leut rát vnd ouch mit vns(er) selbs wille vnd woluer
dachtem muot lassen vnd haben vns heuthe mit dem erbn herren Piuod(er) Hainreichen ze d(er) czeit Obristem Maist(er) des spitals vnd d(er)
chreucz mit dem stern ouf d(er) Pruk ze Prag in sulcher máss wi wol si vns den v(er)genanten hof mit alle de(m) vnd dar zv gehort von
vns(er)m vater vnd onch muot(er) vnd von ir erben retht vnd redleich gechouft vnd v(er)golten haben doch darub durch ir beschaidenhait so
gebent vns der e genant Maister vnd d(er) Couuent des Ordens mit dem stern ouf d(er) Pruk ze Prag funfthalb March grosser
Prag(er)isch(er) phenning silbrein das wir v(er)genanten Nyclas vnd Boyzlab vnd vns(er) paid(er) erben vnd nách chumen vuerbas chain an
sprách noch recht noch v(er)drung zv dem v(er)genanten hof vnd zv alle de(m) vnd dar zv von alter her gehort noch mugen noch schal
len haben noch da nách mit worten noch mit werchen haimleich noch offenleic(h) nicht aufsteen noch stellen vnd v(er)zeihen vns heut an
disem p(ri)ef alles des rechten des wir zv dem hof ie gehabt haben vnd aller ansprüch vnd wo das von vns im(m)er mer geerret
wurd od(er) gedacht so vpind(en) wir vns an disem p(ri)ef das wir trewlos e(er)los vnd e(er)los w(er)den sein vnd nimmer stat
nimm(er) mer v(er)treten noch sein ere vnd vpinden vns onch v(er)lieber des landes vnd das man vns ouf halden vnd bechumern
mag vnd sol als schedleich leut wo wir num(m)er in nách dem guot vnd dem hof chain ansprüch od(er) v(er)drung gedenchen diser
sach vnd wandelung sint geczengen di erbn herren her Hainreich ze d(er) czeit Apt ze Pruk in dem chloster hy
mon d(er) Detter ze d(er) czeit Purg Maist(er) vnd d(er) gancz Rát d(er) Purg ze Znoim her Cvnrat ze d(er) czeit Purgraf ze Znoim
her Przibk Czeff von Polank hensel von gnest Jerozlab von Tvrlow Nyclas Jurig von vrlow vnd
Nyclas der Quatit di ir Jnsigel durch vns(er) pet willen ze geczencknuss an disen p(ri)ef gehangt haben mit samp(t)
den vns(er)n ze ein steten vrkhund dis sach diser Prief ist gegeben nách Cristes gepurd dreuczehen hundert Jár
in dem ain vnd funfczigistem Jár des nesten suntags nách sand Merten tag