CLEMENS PP XI.
Dilecte fili Salu(tem) et Aplicam(m) Ben(edictionem). Spirituali consolationi tuæ quantumcum(que) D(omi)no possumus benigne consulere, teque specialibus fauoribus, et gratijs prosequi volentes
et a quibusuis exco(mmun)ica(ti)o(n)is, suspen(sionis), et interdicti, alijsque Eccl(es)iasticis Sent(ent)ijs, cens(uris), et pœnis a Jure, vel ab homine quauis occasione, vel causa latis, si quibus quomodol(ibet) innodatus
existis, ad effectum p(ræse)ntium dumtaxat consequen(dum) Earum Serie absoluentes, et absolutum fore censentes, supplicationibus tuo nomine Nobis super hoc humiliter por=
rectis inclinati, Tibi, qui (vt asseris) de Nobili genere procreatus, ac in Sacro Præsbyteratus ordine constitutus existis, et nonnullis Corporis Infirmitatibus laboras prop=
ter quas Domo missam celebrandi, seu audiendi causa egredi non potes, vt durantibus Infirmitatibus huiusm(od)i in priuatis Domorum tuar(um) habitationis in Ciuitate
et Diœc(esi) Olomucen(si) existen(tibus) oratorijs ad hoc decenter intus extructis, et ornatis, seu extruen(dis), et ornan(dis) ab omnibus Domesticis vsibus liberis per Ordinarium Loci prius
visitan(dis), et approban(dis), ac de ipsius Ordinarij licentia eius arbitrio duratura vnam missam pro vnoquoque die, quo Domo missam celebrandi, seu audiendi causa
egredi non poteris, vt p(ræfer)tur, et dummodo in eisdem Domibus celebrandi licentia, quæ adhuc duret alteri concessa non fuerit, per te ipsum celebrare, seu per quemcumque
alium Sacerdotem ab eodem Ordinario approbatum Sæcularem, seu de Superiorum suorum licentia Regularem, sine cuiusquomcumque Jurium parochialium præiudicio
in tua, ac vnius personæ seruitijs tuis necessariæ dumtaxat p(ræse)ntia celebrari facere libere, et licite possis, et valeas, auct(oritat)e Aplica tenore p(ræse)ntium concedimus, et in=
dulgemus. Non obstan(tibus) Constitutionibus, et ordinationibus Aplicis, cæterisque contrarijs quibuscumque. Volumus aut(em) quod alij præter suprad(ictam) personam ibidem
missæ huiusm(od)i interessentes, ab obligatione audiendi missam in Ecclesia diebus festis de præcepto minime liberi censeantur: Datum Romæ apud Sanctum
Petrum sub Annulo Piscatoris die xxvi: Martij MDCCV: Pontif(icatus) N(ost)ri Anno Quinto.