ANTONIVS PRVSSIVS, SVPREMVS AC GENERALIS, PER BOE=
miam, Morauiam, Silesiam, et Poloniam, Fratrum ordinis Cruciferorum cum rubea Stella, de Regula Sancti Augustini Magister,
Pragae in Hospitali Sancti Francisci penes Pontem, Conuentui et Fratribus domus Sancti Hyppoliti Praepositurae prope Znoymam, supra
Gradnicz, Salutem et paternum affectum. Quandoguidem vacante domo, et Praepositura montis S. Hyppoliti, post obitum dilecti nobis
in Christo fratris Ioannis Celler Praepositi, felicis memoriae, ne dicta domus, in hac temporum infelicitate periculis succumberet, Venera=
biles viri Gregorius Noswik Prior, Sebastianus Horn Commendator Hospitalis Ecrensis, Ioannes Meusel Commendator Hospitalis extra
Pontem, Bartholomaeus Phele Parochus Culmensis, Caspar Meuber Parochus in Regio monte, Ioannes Zeydler Parochus Cubitensis, totusq(ue)
Conuentus Domus nostrae, vnanimi, et concordi consensu, nullo alio tractatu seu nominatione praeeunte, sed quasi per Spiritus Sancti
instinctum, informationem, inspirationemq(ue), honorabilem virum Benedictum Ordinis nostri expresse professum, in Praepositum mon=
tis Sancti Hyppoliti, concorditer elegerunt, nominaruntq(ue), Supplicantes nobis, cum debita reuerentia, quatenus electionem eorum & per=
sonam electam, authoritate nostra admitteremus, muniremusq(ue), et Canonice assumptum confirmaremus. Cum igitur idem vir no=
bis mansuetus, humilis, Catholicus, tam in spiritualibus, quam in secularibus, et re familiari gerenda, satis idoneus et alacer videtur,
Electionem eam Canonicam, in forma inspirationis Sacrae, habitam, per praesentes, authoritate nostra, qua fungimur, approbamus, ratam
facimus, confirmamusq(ue), praecipientes vobis in Christo dilectis fratribus, Parochis, Sacellanis, Presbyteris, Ordinis nostri, ad Domum et
Praeposituram Sancti Hyppoliti pertinentibus, quatenus eum supra nominatum vestrum Praepositum, tanq(uam) Canonice et Collegia=
liter electum, et per nos confirmatum, pro Praeposito legitimo, suscipiatis, ac vt Praelatum vestrum veraciter habeatis, et non secus
atq(ue) nostram praesentiam adesse videretis, debita reuerentia honoretis, atq(ue) eum in omnibus spiritualibus, et secularibus rebus au=
scultetis, Quod vbi factum fuerit, nos, Ordoq(ue) noster, qua vicysim decet dilectione, vos omnes et singulos amplectemur. Sin minus
potestatem idem Praepositus vester, authoritate praesentium, habeat, quosuus rebelles, immorigeros, ac non iuxta Canones sacros
viuentes, corrigendi, emendandiq(ue). In cuius rei robur ac testimonium, has literas Sigillo nostro maiori appenso, muniuimus.
Actum in domo nostra Hospitali D. Francisci penes pontem, Pragae, Die Sanctorum Viti ac Modesti, Anno a Christo nato,
Millesimo, Quingentesimo, Quinquagesimo Tertio.