ERNESTVS DIVINA MISERATIONE
SAC(RAE) ROM(ANAE) ECCL(ESI)AE TIT(VLI) S(ANCTAE) PRAXEDIS PRESBYTER CARDINALIS AB HARRACH
ARCHIEPISCOPVS PRAGENSIS, PRINCEPS LEGATVS NATVS INCLYTI BOHEMIAE REGNI PRIMAS
SAC(RAE) CAES(AREAE) REGIAEQ(VE) M(AJES)TATIS INTIMVS ACTVALIS CONSILIARIVS NEC NON ORDINIS CRVCIGERORVM CVM
RVBEA STELLA PER BOHEMIAM MORAVIAM SILESIAM ET POLONIAM SVPREMVS AC GENERALIS MAGISTER.
Venerabili nobis syncere dilecto Casparo Dietz Ordinis Crucigerorum cum Rubea Stella salutem.
Quoniam mores tui laudabiles et pietas Religioso digna probe nobis perspecta est ac certo intelleximus te hactenus in diuersis
Archidiocesis nostrae Parochijs optime nec sine fructu, et Christi Eccl(esi)ae, et nostri Ordinis gessisse, spem optimam de te concepimus, te non saltem de hoc pio atq(ue) optimo
studio aliquid imposterum remissurum, Verum etiam cum maiori sedulitate studioq(ue) et cum ampliori nostri Ordinis emolumento omnia accurati(us) administra
turum, Ideo curae tuae plurim(um) confidentes Pontensem Commendam, per mortem Ven(erabilis) Vincentij Leporij uacantem, cuius Collatio ad Nos tanquam supremum
ac Generalem Magistrum Ordinis Crucigerorum cum Rubea stella pleno Jure spectat tibi cum honorib(us), onerib(us), mobilib(us) et immobilib(us), nec non omnib(us) pertinentijs
ad eandem spectantib(us), prout Antecessores tui possederunt, conferendam existimauimus, prout per praesentes te in Commendatorem constituim(us), denominam(us), approbamus
et confirmamus cum plenaria facultate administrandi tam spiritualia quam temporalia, hac tamen ratione ne bona istius Hospitalis tibi commissa per te alienentur uel op
pignorentur, uerum prout hactenus impensis tuis, quod quidem summa cum consolatione percepimus, restaurata sunt, in futurum amplientur et augeantur ad quod
te speciali Vinculo astringimus. Non inferiorem autem te ulla in re Antecessoribus tuis priorib(us) Pontensib(us) Commendatoribus esse uolum(us), Fratribus uero Vniuer
sis Ordinis Crucigerorum cum Rubea stella mandamus Authoritateq(ue) n(ost)ra Archiepiscopali et Generalis Magistri ejusdem ordinis praecipimus, ut tibi solitam ac
debitam reuerentiam et obedientiam exhibeant locum in Capitulo quem priores Commendatores Pontenses Praedecessores tui obtinebant dent atq(ue) tribuant
Volumus autem tui iuxta auitum morem et consuetudinem per Ven(erabilem) Joannem Franciscum Braun Decanum Tachouien(sem) factam Installationem ex tunc gratam et ratam
habere. Datae Viennae 25. Mensis Octobris A(nn)o 1648.
Ernest(us) Card(inalis) Harrach m(anu) p(ropria)
Franc(iscus) Guil(ielmus) L(iber) B(aro) a Tallenberg m(anu) p(ropria)
Pro Ill(ustrissi)mo ac R(everendissi)mo D(omino) Card(inali) p(er) m(e) W(enceslaum) B(artholomaeum) J(oannem) F(ranciscum) Z(eidler) m(anu) p(ropria)