FRANCISCUS MATTHAEUS BOHMB
SACRI MILITARIS ORDINIS CRUCIGERORUM CUM RUBEA STELLA
per Bohemiam, Moraviam, Ungariam, Silesiam, et Poloniam Generalis ac Magnus Magister in inclyto Bohemiæ
Regno Prælatus Infulatus, nec non apud Supremam Rectificationis Commissionem
Assessor
Venerabili, ac Religioso Nobis sincerè Dilecto Georgio Thomæ Fasmann Militaris Ordinis nostri Professo,
hactenus Decano Tachoviensi, Vicario Archi-Episcopali Foraneo
Salutem in Domino
Præclara Vitæ Religiosæ Specimina, eximia literarum Scientia, probata Vitæ, morumque integritas, indefessus tam
gloriæ DEI, quàm animarum salutis promovendæ Zelus, Verbi divini prædicandi fervor, atq(ue) exantlati per triginta ali=
quot annos in Vinea Domini tum in beneficijs tibi concreditis, tum in Archi-episcopali Vicariatu Foraneo diurni, et nocturni
labores, uti non minùs Nobis Antecessoribus nostris ac sacro Ordini nostro præstita, et deinceps præstanda grata obsequia Nos meritò inducunt, et
inclinant, ut Benevolentiam, et affectum tibi contestemur specialiorem. Quare recensitorum meritorum tuorum, ac præstitorum obsequiorum
intuitu, matura deliberatione nostra et adhibito Consultorum nostrorum consilio de certa scientia nostra tibi Georgio Thomæ Fasmann Ordi=
nis nostri militaris confratri professo, utpote personæ de sacro Ordine nostro militari benè meritæ, et qualitatibus ad hoc requisitis sufficienter pro=
visæ Præposituram infulatam in monte s(an)cti Hippolyti ad regiam Civitatem Znoymam cis Tayam in Moravia sitam, quæ per obitum
p(iæ) m(emoriæ) R(everen)d(issi)mi D(omi)ni Joannis Francisci Rivola immediati ac ultimi possessoris Eiusdem vacare, et Cuius institutio, collatio, et Investitura probata, et anti=
quissima consvetudine ad Nos Generalem Magnum Magistrum pleno Jure spectare dignoscitur: cum o(mn)ibus et singulis appertinentijs possessionibus et
earum fructibus, Juribus, privilegijs ac prærogativis absq(ue) ulla diminutione, prout alij Præpositi eam tenuerunt et possederunt Authoritate n(ost)ra ordina=
ria tenore præsentium tenendam, ac possidendam conferimus, committimus, et assignamus, teq(ue) Georgium Thomam Fasmann omni meliori mo=
do, via, Jure, causa, et forma, quibus meliùs, validiùs, et efficaciùs potuimus, debuimus, possumus, et debemus supradictæ Præposituræ verum, legitimu(m),
ac indubitatum Præpositum, et Rectorem eodem tenore cum o(mn)ibus Juribus, et attinentijs suis nominamus, præficimus, con= et instituimus, ac ita
nominatum, con= et institutum per præsentes declaramus, et confirmamus, dantes tibi Jus et potestatem, ut nunc, et futuris temporibus te ut
Præpositum geras, et scribas, Signetoq(ue) Præposituræ hujus utaris, atq(ue) locum, et sessionem inter confratres habeas, ab avito jam tempore Præpositu=
ræ huic competentem, et quoad temporalia a Sacrat(issi)ma Cæsarea, Regiaq(ue) Catholica Maj(esta)te tang(ua)m Hæreditario Rege Bohemiæ, et Marchione Mora=
viæ te confirmari humillimè procures, præstito tamen prius in manus n(ost)ras Juramento, quod uti aliàs, ita deinceps Nobis, et sacro Ordini n(ost)ro militari
fidelis eris, Præposituram benè et utiliter reges, ac fideliter administrabis, agros, sylvas, ædificia, possessiones, Privilegia, atq(ue) alia Jura o(mn)ia ipsius
Præposituræ manutenebis, et pro posse defendes, nihilq(ue) quod ad præfatam Præposituram pertinet, alienabis, oppignorabis, commutabis, aut debitis
gravabis, sed potiùs alienata, vel distracta ad Jus, et proprietatem eiusdem Præposituræ reduces, aut reduci, et restaurari pro viribus tuis adla=
borabis: Deniq(ue) uti Parochiæ, et Eccl(esi)æ Hodnicensis, atq(ue) aliar(um) Eccl(esi)ar(um) administrationem de arbitrio n(ost)ro per Confratres Ordinis n(ost)ri debitè pro=
videbis, ita etiam pro pauperum conservatione, et avitæ fundationis ac Hospitalis Pragen(sis) de antiqua consvetudine, ac instituto præstari solita
diligenter pariter annue præstabis, et præstari curabis, reservantes Nobis Jus Visitationis, et mandantes omnibus, et singulis Confratri=
bus sacri Militaris Ordinis nostri, ut te pro tali habeant, et agnoscant, salvis de cætero per omnia Juribus Generalibus Magnis
Magistris competentibus. In quorum indubitatam fidem has literas manu propria subscripsimus, et appensione Sigilli
nostri majoris communiri, et expediri fecimus. Pragæ in Ædibus Generalis Magisterij nostri ad pedem Pontis Anno
a partu Virgineo Millesimo Septingentesimo trigesimo quarto, die decima octava mensis Octobris
Franciscus Matth(aeus) Böhmb
G(ene)l(al)is Mag(iste)r m(anu) p(ropria)
Julius Franciscus W...