CLEMENS PP(APA) XII.
Dilecte fili Salut(em) et Ap(osto)licam ben(edictionem). Pastoris aeterni qui prout vult de singulis etiam plusquam merita et vota eorum poscunt munera gratiarum
quam immeriti gerentes in terris, minores interdum honoribus efferimus, ut fiant eorum humeri in observantia mandatorum Domini fortiores. Hinc itaque, qui prout
asseris vel de Nobili genere procreatus, vel Juris utriusque Doctor, vel in Sacra Theologia Magister, et in Sacro Presbyteratus Ordine constitutus exis, ac nostris et hujus Ap(osto)licae
Sedis obsequiis insistere intendis, grato affectu prosequi, ac personam tuam dignioris nominis titulo decorare volentes, teque a quibusvis excommunicationis, suspensio-
nis, et interdicti, aliisque eccl(esiast)icis sententiis, censuris, et poenis a Jure vel ab homine quavis occasione, vel causa latis, si quibus quomodol(ibe)t innodatus exis, ad effectum
p(raese)ntium dumtaxat consequend(um) harum serie absolventes et absolutum fore censentes, te in nostrum, et dictae Sedis Notarium Ap(osto)lica auct(oritat)e tenore p(raese)ntium recipimus,
et admittimus, ac aliorum nostrorum, et eiusdem Sedis Notariorum numero, et consortio favorabiliter aggregamus, Tibique, ut etiamsi habitum, et Rocchettum
non deferas, nihilominus omnibus, et singulis honoribus, praeminentiis, indultis, favoribus, privilegiis, exemptionibus, et praerogativis, quibus alii Nostri, et dic-
tae Sedis Notarii, tam de jure, quam de consuetudine, aut alias quomodol(ibe)t utuntur, fruuntur, et gaudent, ac uti, potiri, et gaudere possunt, et poterunt in futu-
rum, pari modo absque tamen aliorum nostrorum, et dictae Sedis Notariorum de numero Participantium praejudicio, et citra exemptiones a Sacro Concilio
Trident(ino) sublatas, itaut nedum quoad Criminalia, sed etiam quoad Civilia subjaceas Ordinariis, ac facultates legitimandi, ad gradus promovendi, et Notarios
creandi, aliaque similia privilegia eisdem Notariis de numero Participantium concessa, seu ab eis praetensa, quibus nullibi uti valeas, et si secus a te factum
fuerit, irritum, et inane existat, uti, potiri, et gaudere libere, et licite valeas, auct(oritat)e et tenore praefatis concedimus, et indulgemus. Non obstan(tibus) Lateranen(si) Con-
cilio de certo eorumdem Notariorum numero, cui per hoc alias non intendimus derogare, aliisque Constitutionibus, et Ordinationibus Ap(osto)licis, ac Collegii dicto-
rum Notariorum etiam juramento, confirmatione Ap(osto)lica, vel quavis firmitate alia roboratis statutis, et consuetudinibus, caeterisque contrariis quibus-
cumque. Tu igitur dilecte fili sic de bono in melius virtutum studiis intendas, ut in nostro, et ejusdem Sedis conspectu ad majora semper te exhibeas
meritorum cumulis digniorem, Nosque proinde ad faciendam tibi uberiorem gratiam, et honorem merito arctius invitemur. Volumus autem, quod
antequam p(raese)ntis gratiae effectu perfrui valeas, in manibus alicujus personae in eccl(esiast)ica dignitate constitutae professionem fidei juxta articulos pridem a Sede
praefata propositos emittere, et solitum fidelitatis juramentum praestare omnino tenearis. Datum Romae apud S(anctam) Mariam Majorem sub Annulo Pisca-
toris die XVII. Aprilis MDCCXXXII. Pont(ificat)us N(ost)ri Anno Secundo.