CLEMENS PP. XI.
Vniuersis Xpi(Christi) fidelibus p(rese)ntes l(itte)ras inspecturis Sal(ute)m et Aplicam(Apostolicam) ben(edictionem). Ad augen(dam) fidelium Religionem et Animarum Sal(ute)m Caelestibus Eccl(es)iae thesauris pia charitate intenti Omnibus
utriusque Sexus Xpi(Christi) fidelibus, qui Litaniis B. M. Virginis in Ecclesia S. Bartholomaei Fratrum Ordinis S. Pauli Primi Eremitae Oppidi Cromlouiensis Olomucen(sis) Dioec(esis) Singulis
Sabbathis, ac singulis eiusdem B. M. Virginis Immaculatae festis diebus decantan(dis) seu recitan(dis) deuote interfuerint, et ibi pro Christianorum Principum concordia
haeresum extirpatione, ac S. Matris Eccl(es)iae exaltatione pias ad Deum preces effuderint, qua uice p(rae)tarum id egerint centum dies de iniunctis eis, seu alias quomodol(ibe)t
debitis poenitentijs in forma Eccl(es)iae consueta relaxamus. P(rese)ntibus ad Septennium t(antu)m ualituris. Volumus autem ut si alias Christifidelibus in quocumque alio
anni die praemissa in dicta Eccl(es)ia peragen(da) aliqua alia Indulgentia similis perpetuo, uel ad tempus nondum elapsum duratura concessa fuerit, uel si pro impetrati=
one, p(rese)ntatione, admissione seu publicat(i)one p(rese)ntium aliquid uel minimum detur, aut sponte oblat(um) recipiatur, p(rese)ntes nullae sint. Dat(um) Romae apud S. Mariam
Maiorem Sub Annulo Piscatoris, die XIV. Septembris MDCCIX. Pont(ificat)us N(ost)ri Anno Nono.
Gratis pro Deo et Scrip(tore)
~A. Oliueira~