Ego Norbertus Sancius electus Monasterij S(ancti) Michaëlis de Csorna Praepositus Ordinis Praemonst(ratensis) Dioecesis Jaurinensis ab hac hora in antea fidelis
& obediens ero beato Petro Apostolo, sanctaeque Romanae Ecclesiae, & D(omi)no nostro D(omi)no Clementi Papae XI. suisque successoribus canonicè intrantibus. Non ero in Consilio aut Consensu,
vel facto, ut vitam perdant, aut membrum: seu capiantur mala captione; aut in eos violenter manus quomodolibet ingerantur; vel injuriae aliquae inferantur quovis quaesito colore.
Consilium verò, quod mihi credituri sunt per se, aut Nuncios suos, seu litteras, ad eorum damnum, me sciente nemini pandam. Papatum Romanum, & Regalia S(ancti) Petri adjutor eis ero ad
retinendum, & defendendum, salvo meo Ordine contra omnem hominem. Legatum Apostolicae sedis in eundo, & redeundo honorificè tractabo, & in suis necessitatibus adjuvabo. Jura,
honores, privilegia, & auctoritatem S(anctae) Romanae Ecclesiae, D(omi)ni nostri Papae, & successorum dictorum, conservare, defendere, augere, & promovere curabo. Neque ero in consilio, vel facto, seu tractatu,
in quibus contra ipsum D(omi)num nostrum, vel eandem Romanam Ecclesiam aliqua sinistra, vel praejudicialia personarum, juris, honoris, status, & potestatis eorum machinentur. Et, si
talia, à quibuscunque tractari, vel procurari novero, impediam hoc pro posse: & quantò citiùs potero, significabo eidem D(omi)no nostro, vel alteri, per quem possit ad ipsius notitiam pervenire.
Regulas S(anctorum) Patrum, decreta, ordinationes, seu dispositiones, reservationes, provisiones, & mandata Apostolica, totis viribus observabo, & faciam ab alijs observari.
Haereticos, schismaticos, & rebelles eidem D(omi)no nostro, vel successoribus praedictis pro posse persequar, & impugnabo. Vocatus ad synodum, veniam, nisi praepeditus fuero
canonica praepeditione. Possessiones verò ad Monasterium meum pertinentes non vendam, nec donabo, neque impignorabo; nec de novo infeudabo, vel aliquo modo alie=
nabo, etiam cum consensu conventus Monasterij mei inconsulto Romano Pontifice. Et si ad aliquam alienationem devenero, poenas in quadam super hoc
edita Constitutione contentas, eo ipso incurrere volo.