I O S E P H V S
Dei gratia Electus Romanorum Imperator semper Augustus ac Germaniæ Hungariæ Bohemiæ
Dalmatiæ, Croatiæ, Sclavoniæqve &c REX; Archidux Austriæ, Dux Burgundiæ, Brabantiæ, Styriæ, Carinthiæ, Carnioliæ, Marchio Moraviæ,
Dux Lucemburgæ ac superioris et inferioris Silesiæ, Wierthembergæ, et Thekæ, Princeps Sveviæ, Comes Habsburgi, Tyrolis, Ferreti, Kyburgi et Goritiæ &c.
MEMORIÆ commendamus tenore præsentium Significantes quibus expedit Vniversis, QVOD posteaquam Sacrmus olim Princeps Leopoldus Romanorum Imperator, et Hungæ REX,
gloriosæ memoriæ Dominus Genitor et Prædecessor noster desideratissimus tenore benigni Diplomatis sui, in ANNO adhuc Domini Millesimo sexcentesimo nonagesimo quarto, die quinta Mensis Augusti,
emanati, PRÆPOSITVRAM Sancti MICHÄELIS Archangeli de CSORNA in Comitatu Soproniensi sitam, erga præviam Cognati nostri nobis sincerè dilecti, Illustris Sacri Romani Imperij Princi
pis Pauli Esterhazy de Galantha, perpetui Comitis in Frakno, Regni nostri Hungariæ Palatini, Iudicis Cumanorum, Aurei Velleris Equitis, Comitatuum Soproniensis, Pest, Pilis et Soldt Supremi Comitis, &
Consiliarij nostri intimi, ac per Hungariam Locumtenentis nostri Regij, demissam Recommendationem, Nominationem & Præsentationem, quam pro una Persona idonea ad eandem Præposituram nominanda, &
Regiæ Maiestati præsentanda, ac recommendanda, vigore certi Contractûs sibi concessam habebat, in casu primæ et proxima eorum Vacantiæ Honorabili condàm Francisco a Schöllingen, Sacri Ordinis Præ
monstratensis Conventûs Pernecensis in inferiori Austria eotum Præposito, demùm verò Abbati, ex multifarijs in præattacto benigno Diplomate uberiùs recensitis Causis et motivis, ac nonnullis etiam Conditionibus,
signanter verò, ut in singulo casu intervenientis ipsius PRÆPOSITVRÆ CSORNENSIS futuræ Vacantiæ, ABBAS, adtoquè Conventus Pernecensis ad eandem Præposituram aptum semper et idoneum Subiectum, si
bi et Successoribus suis, legitimis utpotè Hungariæ Regibus, pro obtinendis superindè benignis Collationalibus Confirmationibus literis præsentare debeant, et teneantur, benignè dandam, et conferendam, et ipsi Conven
tui Pernecensi incorporandam esse duxisset, ac ex post verò idem olim Franciscus a Schöllingen, per spontaneam Rendi condàm Francisci Iany, Episcopi Sirmiensis, et Præpositi Csornensis Cessionem, eandem Præ
posituram CSORNENSEM cum omnibus Iuribus, Prærogativis & Bonis quocunque nomine vocitatis, ad eandem de Iure et ab antiquo spectantibus in ANNO adhuc Millesimo septingentesimo secundo, realiter adeptus, & in Pos
sessionem eiusdem more & ordine consueto introductus fuisset, eandemque pleno Iure, vitâ suâ comite tenuisset et possedisset; Ipso verò è vivis sublato, in Successorem eiusdem Abbatem quippè Pernecensem, Fidelem no
strum Honorabilem Ambrosium à Schöllingen, eiusdemque Conventum Pernecensem legitimè condescendisset; Modofatus autem Abbas Ambrosius, cum suo præmentionato Conventu, obtenta benignâ Annuentiâ
et Consensu nrô Regio, quatenùs Ipse prædeclaratam PRÆPOSITVRAM CSORNENSEM cum universis suis Appertinentijs, et omni Iure ac Prærogativis, ad mentionatum Conventum Pernecensem, à debitis in Acqui
sitionem quarundam Præpositurarum, ad Sacrum Præmonstratensem Ordinem antiquitùs pertinentium, et in dicto Regno nostro Hungæ existentium Reincorporationem contractis, exonerandum, eidem Sacro Ordini
PRÆMONSTRATENSI, et consequenter ipsius Ordinis Abbatibus cedere valeat, Hac ratione et fundamento repetitam Præposituram Csornensem, in Capitulo dicti Ordinis Provinciali, Gradicij ad Olomu
cium in Marchionatu nostro Moraviæ celebrato, una cum perpetuo Paternitatis Iure, in Fidelem itidem nrum Honorabilem BERNARDVM Wanke, Abbatem, Priorem, et totum Conventum GRADICENSEM, Suc
cessoresque suos, ulteriori transtulissent Cessione, quam Nos vigore aliarum benignarum literarum nrarum Confirmationalium, et Consensualium, sub Dato in hac Archiducali Civitate nra Vienna Austriæ die vi
gesima sexta Mensis Octobris ANNI recenter evoluti Millesimi septingentesimi decimi, clementer approbavimus, roboravimus & ratificavimus, ac eò factò præfatus Abbas et Conventus GRADICENSIS, per Transla
tionem totius Iuris eiusdem Præposituræ possessionem adepti fuissent. Tandem modofati Abbas, Prior, et totus Conventus Gradicensis, tùm benignæ Diplomate prædeclaratæ Conditioni satisfacere, tùm
etiam prænotatæ PRÆPOSITVRÆ CSORNENSI, in spiritualibus æquè, ac temporalibus prospicere, et sacrum hunc Ordinem olim in Hungaria florentissimum, quantociùs postliminio effectivè reducere cupientes, Reli
giosum Patrem ROBERTVM SANCIVM, sæpefati Sacri Ordinis PRÆMONSTRATENSIS Canonicum Regularem, et dicti Monasterij GRADICENSIS Professum, et actualem Priorem, veluti doctrinâ et eru
ditione conspicuum, præclarisque Virtutibus, et animi dotibus Divino munere insignitum, atque tam in Religiosis observantiis, quàm Oeconomicis experientijs optimè excultum, sub certis Conditionibus, et restrica
to in perpetuum Iure Paternitatis, accedente etiam Venerabilis Vicarij Generalis ipsius Ordinis eatenùs factâ Confirmatione, in PRÆPOSITVM CSORNENSEM instituissent, eandemq(ue) PRÆPOSITVRAM
cum suis universis Appertinentijs eidem cessissent, et resignassent, ac Maiestati nræ suo modo et ordine, ad mentem supratacti benigni Diplomatis, pro obtinendis à Maiestate nra superindè benignis Literis Collationa
libus et Confirmationalibus demissè præsentassent. Hinc NOS inducti meritis & Virtutibus, morumque honestate, Doctrinâ item et eruditione, atque omnibus gratâ et acceptâ Exemplaris Vitæ Conversatione, cæte
risque Animi Dotibus prænominati ROBERTI SANCII, quibus ipsum DEI Altissimi munere insignitum et ornatum esse, tùm suprafatorum Abbatis, et totius Conventûs Gradicensis, tùm verò aliorum
etiam Fidelium nostrorum fide digno Testimonio cognovimus. Eundem Robertum Sancium Nobis præinò modò demissè præsentatum, ad dictam Præposituram Sancti MICHÄELIS
de CSORNA benignè confirmandum, eidemque tanquam Personæ benemeritæ, Nobisque gratæ et acceptæ, modofatam Præposituram de CSORNA, per spontaneam, uti præmissum est, memoratorum Ab
batis, Prioris, et totius Conventûs Gradicensis, prædeclaratâ modalitate, legitimorum et indubitatorum Possessorum Cessionem, ipsi Roberto Sancio factam, una cum universis dictæ PRÆPOSITV
RÆ Castris, Castellis, Oppidis, Villis, Possessionibus & Prædijs, generaliter verò cunctis Utilitatibus, Obventionibus, Emolumentis, Proventibus & Pertinentijs ac Prærogativis, de Iure et ab antiquo ad ipsam Præ
posituram spectantibus, et pertinere debentibus, Authoritate Iuris Patronatûs nri Regij, quod generaliter in conferendis omnibus dicti Regni nri Hungariæ, et Partium eidem annexarum Ecclesijs & Be
neficijs, instar Divorum condàm Hungæ Regum, Prædecessorum gloriosæ memoriæ nrorum habere et exercere dignoscimur, dandam et conferendam, Eundemqve Ei, cui interest, præsentandum esse duximus.
Ita tamen, ut Conditionibus in prædeclarato benigno Paterna Maiestatis nræ Diplomate, prænotato ANNO Millesimo, sexcentesimo nonagesimo quarto, die quinta Mensis Augusti emanato, insertis, ac alijs quibus
vis, etiam per Maiestatem nram additis, tam modernus PRÆPOSITVS CSORNENSIS, quàm suo tempore etiam Abbas & Conventus GRADICENSIS, per omnia satisfacere debeant, & teneantur. IMÒ
Confirmamus, damus et conferimus ac præsentamus Harum nrarum Secreto Sigillo nrô, quo ut REX Hungæ utimur, munitarum Vigore & Testimonio Literarum. DATVM per manus Fidelis nostri nobis dilecti, Sptis ac Magci
Comitis Nicolai Illeshazy de Eadem, Hæreditarij in Trenchin, Eiusdemque prout & Lyptoviensis Comitatuum perpetui supremi Comitis, Camerarij et Consiliarij nri, ac per Regnum Hungæ Aulæ nræ Cancellarij,
in Civitate nra Vienna Austriæ die Vigesima prima Mensis Februarij, ANNO Dni Millesimo, septingentesimo undecimo; Regnorum nrorum Romani XXII, Hungæ et reliquorum XXIV, Bohemiæ verò Aº VIº.