Michael Colbert Dei et sanctae sedis apostolicae Gratia abbas Praemonstratensis
totiusq(ue) s. ac Canonici Eiusdem Ordinis Caput ac Reformator Generalis, Christianissimi Francorum Regis
Consiliarius, Omnibus et singulis presentes litteras uisuris lecturis et audituris salutem. Negotiorum quae
nobis Clauum Totius Norbertinae Familiae tenentibus quotidie alias ex aliis interdum etiam in dissitissimis
Prouinciis oriuntur multitudinem grauitatemq(ue) circumspicientes, nullum salutarius oportuniusa(ue) Consilium
suscipere uidemur posse, quam si laborem et officium in eos partiamur qui praeter caeteros et aduersis et secundis
opem suam in rem communem utiliter conferre queant. Ac Nobis quidem cogitantib(us) quem potissimum deligeremus,
qui desolata et deperdita per Vngariam Ordinis nostri monasteria recuperare posset, occurrit in primis Reuerendus adm(odum)
Dominus Norbertus Pleyer abbas Lucensis Senior, doctrina et rerum prudentia tum Religionis studio tanto munere
dignissimus. Illum igitur nostra et Capituli Generalis qua fungimur authoritate Visitatorem Vngariae, et procuratorem
specialem ad recuperanda istius Circariae deperdita mon(aster)ia a modo et futuris temporib(us) facimus et instituimus, prout tenore
p(rese)ntium factum et institutum declaramus, conferentes eam quae nobis ratione officii de iure competit in Vniuersa Illa Circaria
potestatis Iurisdictionis et authoritatis plenitudinem, omnia et singula dicti nostri Ordinis Praemonstratensis mon(aster)ia,
abbatias, Praeposituras, domos, Collegia, Grangias, et aliasquascunq(ue) utriusq(ue) sexus Ecclesias, et earum bona recuperandi, specialiter
et expresse nomine nostro et pro Nobis, imo verius pro vniuerso n(ost)ro antedicto Ordine, coram Sacra Caesarea Majestate
S. Palatii et Camerae Imperialis auditorib(us), et cuiuscunq(ue) nominis et authoritatis iudicibus, magistratib(us), Iusticiae officiariis, et
Comissariis tam Ecclesiasticis quam saecularib(us) comparendi, et personam nostram representandi, praefata mon(aster)ia quae detinentur
uel occupantur in Iure uindicandi, Nobisq(ue) et Ordini praefato cum omnib(us) bonis suis iurib(us) et pertinentiis vniuersis restitui
petendi, atq(ue) ad hunc effectum quoslibet detentores restitutionem eiusmodi impedientes compellendi, cum iisde(m) si res exegerit
componendi, paciscendi, et transigendi, conditiones proponendi et acceptandi, unum uel plures procuratores cum simili uel limitata
potestate substituendi, substitutum uel substitutos reuocandi, et generaliter omnia et singula in praemissis et circa ea
faciendi, dicendi, gerendi, et exequendi quae n(ost)ria fuerint seu quouis modo oportuna et quae Nos ipsi facere, dicere, et exequi
possemus si ipsi p(rese)ntes essemus. p(rese)ntibus usq(ue) ad reuocationem dumtaxat valituris Datum Parisiis in aedib(us) nostris
in quorum fidem p(rese)ntes manu nostra et secretarii nostri subscriptas sigilli nostri impressione iussimus communiri.
Die Octaua augusti anni 1670.
f Michael Colbert abbas Praemonstratensis et generalis
De mandato Ill(ustrissi)mi ac R(everendissi)mi Domini D(omi)ni Praem(onstratensis)
~...~