Research catalogue

Explore the charters

Search simply first. Refine only when the research question requires it.

1320_VI_15

CZ-MZA > E57 > 1320_VI_15

Source: MonasteriumAI palaeographyAI interpretation
Page 1 / 2
1320_VI_15, page 1
View
Transcriptiongemini-3.1-pro-preview
Wier Johans von Gotes p(er)sehung zv den zeyten Abte datz prukke in dem chloster pey
znoym. vnd wier he(i)nrich p(ri)or. vnd Gehart subp(ri)or mit samt vnser(er) sam(m)ung v(er)je
gehen. vnd tuen chunt An dem gegenburtigen p(ri)ef Allen den di in Ansehent. oder horent lesen
di nu lewent. vnd noch chünftich sint. daz wier mit zeitigem rat. vnd mit aymüetiger
betrachtung. zv den zeiten. do wier iz wol getuen mochten. daz holtz. daz do haizzet der vmlauf
daz di edlen herren di Alten Graven von hardekk. gaben zv vns(er)m chloster hincz pruk.
gegeben haben den edlen h(er)ren. Graf B(er)chtolden von hardik. vnd Graf Burcharten seinem
prueder. in. vnd ier(er) peder(er) erwen. ewichleich zv haben. mit allen dem recht als wier iz gehabt
haben. in gwer. vnd in gwalt. mit alle dev vnd dar zv geho(e)rt. v(er)süecht. oder vnv(er)süecht. wie
iz gehaizzen sey daz zv dem vorgenanten holtz geho(e)rt. vm einen wider wechsel dreyer March
geltes. di gelegen sint datz ofenhern in dem lande. des vns di vorgenanten h(er)ren. vns. vnd vnser
Gotshaus. gentzleich. vnd volleichleich bericht habent. Dar über geben wier vor benanter Abte. den
edlen h(er)ren. Graf B(er)chtolden von hardik. vnd Graf Burchart seinem prueder. in. vnd ier(er) peder(er)
erwen. den gegenburtigen p(ri)ef v(er)sigelt mit vnserm jnsigel. vnd mit vnserr sam(m)ung jnsigel
bevestent. vnd behangen zv einem ewigen vrchünde. vnd zv einem offen gezeug diser sache. Der
p(ri)ef ist gegeben. datz pruk in vnserm chloster zv den zeiten. do man zalt von ch(ri)stes geburd
Tovsent jar. Drev hundert jar dar noch in dem zwaintzigisten jar. An sand veyts tag . - .

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.