Research catalogue

Explore the charters

Search simply first. Refine only when the research question requires it.

1337_III_05

CZ-MZA > E57 > 1337_III_05

Source: MonasteriumAI palaeographyAI interpretation
Page 1 / 2
1337_III_05, page 1
View
Transcriptiongemini-3.1-pro-preview
Ich Wok von Tirench vnd Jch Erhard sein brud(er) auch von Tirench vnd al vnser erben taichen an disem offen prief allen leuten daz
wir paid mit fvrsag vnd mit vnser vreunt rat vns(er)n aigenleichen chauft haben ain lehen ze Besengwiz vnser erb mit purkrecht
mit allem dem nuz vnd auch mit allem dem recht als wir gehabt haben aigenleichen den erbn h(er)n h(er)n Johes abt in dem chlast(er)
ze pruk vnd dem couent daselbs des ordens von premonstrey vmb zwo vnd zwainzik march grozz prag(er) pfenning fvr ain yglich
march vier vnd sechzik groz ze raiten erbleichen vnd ewicleichen vrey vnd ledicleichen vor allen leuten vnd vor alle ansprach
vnd solen auch sey vn(s)n twen an ayds stat ze vreyn vnd ze beschirmen daz egenant lehen als ain lant recht ist an alles geuar beschech(en)
aber des nicht so wel wir paid ze Znoym in ain erber gasthaus mit zwain chnechten vnd mit vier pferten swa di vorgenanten h(er)n
hin zaigen in varen vnd in ligen als in varent vnd in ligent recht ist vnd nicht dar auz chomen an d(er) h(er)n wille vnd ze ainer
fester sicherhait so solent di erber leut sey iren twen an ayds stat Aloiz von Bvlowiz vnd sein svn h(er) h(er)man von tagewiz
mit gesamt(er) hant ze vns ze laisten den egenanten h(er)n gelaich(er) weis als wir an alles geuar wolt aber yemant di egenante h(er)n
absprechen darselb schol vier march ze aine widerwet vmb zwo vnd zwainzik march grozz prag(er) pfenning fvr ain yglich march
vier vnd sechzik groz ze raiten in stet(er) tagen ze weren vnd ze schirmen von d(er) zeit vnd den ofgenanten h(er)n von d(er) absprechung
ze wissen ist getan denselben h(er)n an alle aufschiebung vnd an al arglist schol man weren vber daz alles so lob wir auch al
vier sey vn(s)n twen an ayds stat erstvnd aber chain chrieg den vorgenanten h(er)n vmb daz vorgenant lehen daz wel wir auz richt(en)
an allen iren schaden vnd allen schaden den si hin des namen iz wær des schadens vil oder wench groz oder chlain daz wel wir
abtragen vnd abrichten gar vnd gænzlich wir sein lentig oder tod von allem dem gvt vnd wir haben vnd lassen swa daz
sey iz sey in ir landes oder auzi landes di oftgenanten h(er)n an allen chrieg an alle wider red an alle hindermb vnd an alle
arglist dar vber geb wir disem prief ze aine stet(er) sag(en) vrchund vnd ze aine waren gezeug diser sach besigelt mit
disen lant h(er)n insigeln h(er)ns azenkas von plach h(er)ns Gerhars von abucawein h(er)ns heinreichs von besenganterch h(er)ns larenz
von plach h(er)ns ludweichs Gerhars svn von Bucawein h(er)ns brvnichs von dobromiz vnd jngrambs von dobromiz di al dis(er)
sach zeug sint wenn d(er) vorgenant chauft ist zwischen vns ergangen am asch tag in d(er) vasten d(er) nechst(er) fvr ist
vnd ze ain vester sicherhait so hab ich d(er) egenant Wok von Tirench zv ain geugnis mein insigel an gehangen der prief
ist gegeban ze Znoym nach xp(ist)us gepivd dreizehenhvndt iar in dem siben vnd dreizzigisten iar an dem egenante tag
am asch tag des ersten phintztags in d(er) vasten

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.