Research catalogue

Explore the charters

Search simply first. Refine only when the research question requires it.

1343_X_06

CZ-MZA > E57 > 1343_X_06

Source: MonasteriumAI palaeographyAI interpretation
Page 1 / 2
1343_X_06, page 1
View
Transcriptiongemini-3.1-pro-preview
Wir Nvclas herr ze cheyow vnd al vnser erben Tvchen an disem offen prief allen leuten di disen prief sahen oder horent lesen daz Wir mit fvrsacz vnd mit
bedachten mut vnd auch mit vns(er) freunt rât recht vnd redlich vmb dvrft vnd vmb erb ze cheyow daz Wir do haben in dem land ze Merh(e)n v(er)kauft
vnd auf gegeben haben ze recht vnd ze dorf mit wald mit wass(er) mit holcz vnd mit tal mit holcz vnd mit paumgarten mit wasser vnd mit wasserleyt mit
weingart(e)n vnd mit akern gepaut oder vngepaut gestift oder vngestift besuchet oder vnvesuchet vnd vnsern Mayerhof daselbs ze cheyow mit durchreht vnd mit
gricht vnd auch mit allen den nucz di dar vnd vns wær dem got genadig sey haben gehabt erbleich vnd ewicleich dem erber(e)n vnd leutich(e)n vor alle ansp(ra)ch den Erbn
geystlichen h(er)rn h(er)rn Joh(an)ns Abt in dem chloster ze pruk pey znoym vnd pruder Gerhart(e)n priyol vnd dem Cônent daselbs dez ordens von p(re)monstrey in dem pistum
ze olomucz an vierczik groz vmb vierthalb hundert schok silbers grozz(er) pfennig chvnges mvns der Wir vns(er) erben vnd gewis sein ganczlich an alles geverd vnd schulle
di nv gewis ist h(er)rn di vorgenant(e)n gvt besiczen vnd inhalten gleicherweis als Wirs haben inne gehabten vnd besessen gnuet vnd nucz gemacht an alle hyndernus
vnd an alles geuær Es schvlden wir vns pey vns(er)n ewen daz wir wellen daz vorgenant dorf ze cheyow vnd den Mayerhof daselbs mit allen dem daz darzu gehort freyen
vnd beschirn den egnant(e)n h(er)rn als ain lant recht ist in dem land ze Merh(e)n an alle anghst Vnd wellen auch allain chriegsmit eyns recht di do den vorgenant(e)n
h(er)rn mvchten widerwezen auf daz vorgeschriben gvt daz wir in v(er)kauft haben ir sey von h(er)rn oder von dineren oder von swem daz wær dieselben chrieg di in erste
ney mvchten mit eyns rehtes di wellen wir auzrichten mit vns(er)m gvt vnd entlewen als ain lantz recht ist ze Merh(e)n in vier wochen von dem tag vnd vns
ze wissen wirt getân von den egnant(e)n h(er)rn Czeschech ab des nicht do wær wir oder zwen erber lantzmeist(er) diner an vns(er) stat mit vier pherd(e)n nâch d(er) monug
in drey tagen gen znoym in ain erber gasthavs swa vns oder vns(er)n dineren hinzaigt wirt in varen vnd in ligen als mvges recht ist vnd nvt merre schulle auz chomen
der ir sey ee alle chrieg di den egnant(e)n h(er)rn wæren erstanden von vns ganczlich entlewt vnd auzricht an allen iren schaden vnd allen schaden den diselb h(er)rn des namen
den si beweisen mvchten der pey iren ewen gesproch(e)n mvgen denselben schaden wellen wir abtragen vnd abgrichten gâr vnd gâncz an alles geuær Daz alles lob wir pey
vns(er)n ewen an aydes stat ze halten vnd ze laisten swas an dis(er) hantvest ist geschriben gâr vnd ganczlich an alle wider red an alle hindernus vnd an alle arg list
vnd wellen nicht wider sein mit worten noch mit werchen noch offenlich noch haymlich Wær ab yemant di vorgenant(e)n h(er)rn ab chvmen der das reht hette nach dez
landes reht ze Merh(e)n derselb schol denselben h(er)rn vierhund(er)t schok silbers grozz(er) pfennig in aht tagen sweren vnd drichten mit lantz(e)s pfennig in ir chlôst(er)
ze pruk an alle aufschiebug vnd an alle anghst Vber daz alles do lobent di erbn h(er)rn herr Hanvsz von Havnvelt herr Gerhart von Bvchwem herr henns(e)l
von besenczenberch vnd vns(er) lieber pruder herr Mvtvn von lewspicz pey iren ewen an aydes stat ze vns mit gesamt hant vnd vnschaidenlich ze tvn vnd ze halten gley
cherweis als wir vns v(er)lubt vnd v(er)punden haben als geschriben ist an dis(er) hantvest an alle anghst Vnd schullen diselb vns(er) purgel ze der h(er)rn mit ahtem
pherd gen znoym laist(e)n als vorgeschriben ist swenn si gemant w(er)den von den vorgenant(e)n h(er)rn von dem Abt vnd von dem Cônent an alle wider red vnd an
alle anghst Daz di dink vnd di wandlung stætcleich vnd vnzerprochen beleib vnd bestee dar vber geb wir dise hantvest ze ains erchugen vrchund vnd ze
ains wâren geczivg dis(er) dink vnd dis(er) wandlung v(er)sigelt mit vns(er)m vnd auch mit d(er) vorgenant(e)n h(er)rn vns(er) purgeln insigeln Vber daz alles wir purgel di vorgenant(e)n
Joh(an)ns der hawnvelter h(er)r Gerhart von Bvchwem h(er)r henns(e)l von besenczenberch vnd h(er)r Mvtvn von lewspicz tvchen an disen offen prief allen leuten Als
der egnant(e) herr Nvclas von cheyow sich v(er)lubt hât vnd in pvnnd vnd v(er)punden hât an dis(er) hantvest Als gleicherweis v(er)lub wir vnd v(er)punden vns
pey vns(er)n ewen an aydes stat ze halten vnd ze laisten ganczlich mit gesamt hant vnd vnschaidenlich alles daz daz vorgeschriben ist an dis(er) hantvest
den geystlichen h(er)rn dem Abt vnd dem Cônent in dem chloster ze pruk an alle arglist Der prief ist ze cheyow gegeben Nach xpi(s) gepurd dreuczehenhund(er)t
iar in dem drey vnd vierczigsten iâr des nesten freytags nach der lesten vns(er) frowen tag Vber daz alles daz an disem prief ist geschriben do tvn Wir ze wissen
Wir lanch(er)ren ze Merh(e)n Joh(an)ns von enaspicz h(er)r Bvdiwoy von vrbaw h(er)r blud von Gralicz h(er)r Nvchlas von policz h(er)r Jekel snoyk h(er)r Jese von
plenkaw vnd h(er)r herloes von biscupicz gemayncleich allen den di disen prief sahen oder horent lesen daz Wir geug des sein daz d(er) erber herr h(er)r Nvclas herr ze cheyow
v(er)kauft hât erbleich vnd ewicleich nucz vnd leutcleich vnd auch auf gegeben hât reht vnd redlich mit guetlichen willen sein dorf vnd sein erb ze cheyow in dem lant
ze Merh(e)n vnd eyn Mayerhof daselbs mit allen dem reht vnd mit allen dem nucz ze reht vnd ze dorf daz darzu gehort ir sey gepaut ed(er) vngepaut gestift ed(er) vngestift besuchet oder
vnvesuchet den erbn geystlichen h(er)rn h(er)rn Joh(an)ns dem Abt in dem chloster ze pruk vnd dem Cônent daselbs an alle arg list vor dem erbn h(er)rn h(er)rn Gerhart(e)n von chvnstat an den
czeiten chæmmer in dem lant ze Merh(e)n So tvchen Wir auch alles daz daz di hantvest halt di d(er) oftegnant(e) herr h(er)r Nvclas von cheyow vber sich vnd vber
sein gvt ze cheyow hât den vorgenant(e)n geystlichen h(er)rn gegeben daz halt disev gegenwurtig abschrift di geschrib(e)n ist von derselben hantvest
von wort ze wort von dem ersten p(u)chstab(e)n an den lesten vnd halt disev abschrift noch ymmer noch mer den diselb hantvest an alle v(er)fal Dar vber geb wir
di vorgenant(e)n erben lanch(er)ren ze Merh(e)n disen prief ze ainer geugnus d(er) vorgenant(e)n sachen v(er)sigelt mit vns(er) aller siben insigeln der prief ist gegeben
Nach xpi(s) gepurd dreuczehenhund(er)t iâr in dem drey vnd vierczigsten iâr in der woch(e)n nach sand Michels tag

Joh(an)ns woidich(e)s
ze Enaspicz

Bvdiwoy d(e)
ze vrbaw

bludo de
Gralicz

Nvchlas
de policz

Jekel
snoyk

Jese de
plenkaw

herloes de
biscupicz

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.