1395_IX_01
CZ-MZA > E57 > 1395_IX_01
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Wem der lewt gedachniss ist vergankleich Vnd der margist tag ist allen leuten vnsicher czu leben Darumb ist ez notturft daz alle
dink dy von dem leuten in der czeit geschehen mit czewgen bewart werden vnd mit brifen daz dy selben sach vnd dink von der lewt
vergessenheit ader annder weis nicht wurden vnderruft vnd vndertriben dy mit der gerechtikeit ein lobleich ennde haben genumen
Darumb wir ffridl pokch Richter Hanns Pawmennass czu der czeit purgermaister Vlreich Stariczer Jacob woboler Nyclos
Probnitzer Swarcz hensl Hanns meichsner vnd annd(er) Schepffen der Stat czu Cznoym Tun chund vnd bechennen offenleich
allen leuten dy nu leben ader hernach chunftig werden dy disen briff sehen ader horen lesen Daz dy weisen mann Jacl golutenschidl
vns(er) mitpurg(er) vnd mitgeswarner an eim vnd der petr Smid vnd Thoman Smid sein aydem auch vns(er) mitpurger etleich czeit mit
einander gechrieget haben vmb irr payder mulrecht vnd prechen do hab wir In enphalhen daz sy darub(er) solden mullner ruffen oben
vnd niden an der Tay gesessen dy solden den prechen czwischen In an payden teylen schawen Vnd daruber sprechyn vnd was dy
selben maister sprachen daz solden sy czu payden teylen halden ewicleich vnd nicht prechen nach chunnder reden Nu haben dy selb(e)n
maister dy prechen czwischen payden teylen geschawet vnd wol gewegen vnd haben mit wol bedachtem mut vnd mit gutem
Rat daruber also auzgesprochen Zu dem ersten dy nider mull zu Nessedeb sol rwmen vncz an des apts pawmgarten do dy Eil
stet Vnd ob der herr der selben mull darinn sawmig wer so hat dy ober mull den gewalt vnd das recht daz si den oblaz mag ob
prechen vnd das wasser in dy Tay lassen rynnen Vnd von der gnanten Eil stauden sol dy ober mull zu pohmelicz rwmen
den selb(e)n graben her auff vncz an sein czewg Vnd das selb wass(er) daz auff dy selb mull gett zu pohmelicz sol er fur sich
steticleich gen lassen Wer ober daz daz er hyet zu arbeyten so sol der selb mullner dem nydern vor drey tag sagen an als genaw
Vnd ob er fur seczen wolt so sol der nider mulln(er) haysen aufzihen Vnd ob er dez nicht wolt gehorsam sein so sol der nid(er) muhl(ner)
einen nachpawrn ader cwen nemen vnd sol ez selber aufzihen Vnd das wass(er) daz dacz dem ablaz oberhalb der mull aufsicz daz
sol dy ober mull herwider in den graben layten Vnd wenn dez not geschiht so sol dy ober mull denn grabn alayn rwmen vncz
an den furtt der niderhalb oblaz fur get Vnd furbas wenn man wolt rwmen so sol dy nider mull den dritten pfenning gebn
von dem furtt byz auff den Eyspawm Vnd wenn der nidern mull auch not geschiht zu rwmen so sol der nider mulln(er) dem
obern auch drey tag vor an genaw sagn Auch wen ein mulln(er) der gnanten mull sein geug wolt pessern so sol er dem anndern drey
tag vor e an genaw sagn daz er sich mit seiner erweyt dar nach mug richtn Awer welch h(er)r der gnatn mull od(er) sein mulln(er) nicht
hylt oder dowid(er) rett waz an disem priff ist geschribn czawer wid(er) eim artikl od(er) wid(er) mer der ist der Stat Czehn mark g(ut) verualln
der sol mann ein pfenning nicht lassn Vnd czu ein sicherheit vnd geczeugniss hab wir vorgnant(er) Rycht(er) Purg(er)meyst(er) vnd d(er) gancz Ratt
der obgenantn Stat vns(er) Insigl mit recht wissen gehangn an disen briff Der gebn ist nach Cristi gepurd Dreyczehenhundert Jar
Darnach in dem ffunftm vnd Nenczigistm Jar am gntickn ansand Egiditag
dink dy von dem leuten in der czeit geschehen mit czewgen bewart werden vnd mit brifen daz dy selben sach vnd dink von der lewt
vergessenheit ader annder weis nicht wurden vnderruft vnd vndertriben dy mit der gerechtikeit ein lobleich ennde haben genumen
Darumb wir ffridl pokch Richter Hanns Pawmennass czu der czeit purgermaister Vlreich Stariczer Jacob woboler Nyclos
Probnitzer Swarcz hensl Hanns meichsner vnd annd(er) Schepffen der Stat czu Cznoym Tun chund vnd bechennen offenleich
allen leuten dy nu leben ader hernach chunftig werden dy disen briff sehen ader horen lesen Daz dy weisen mann Jacl golutenschidl
vns(er) mitpurg(er) vnd mitgeswarner an eim vnd der petr Smid vnd Thoman Smid sein aydem auch vns(er) mitpurger etleich czeit mit
einander gechrieget haben vmb irr payder mulrecht vnd prechen do hab wir In enphalhen daz sy darub(er) solden mullner ruffen oben
vnd niden an der Tay gesessen dy solden den prechen czwischen In an payden teylen schawen Vnd daruber sprechyn vnd was dy
selben maister sprachen daz solden sy czu payden teylen halden ewicleich vnd nicht prechen nach chunnder reden Nu haben dy selb(e)n
maister dy prechen czwischen payden teylen geschawet vnd wol gewegen vnd haben mit wol bedachtem mut vnd mit gutem
Rat daruber also auzgesprochen Zu dem ersten dy nider mull zu Nessedeb sol rwmen vncz an des apts pawmgarten do dy Eil
stet Vnd ob der herr der selben mull darinn sawmig wer so hat dy ober mull den gewalt vnd das recht daz si den oblaz mag ob
prechen vnd das wasser in dy Tay lassen rynnen Vnd von der gnanten Eil stauden sol dy ober mull zu pohmelicz rwmen
den selb(e)n graben her auff vncz an sein czewg Vnd das selb wass(er) daz auff dy selb mull gett zu pohmelicz sol er fur sich
steticleich gen lassen Wer ober daz daz er hyet zu arbeyten so sol der selb mullner dem nydern vor drey tag sagen an als genaw
Vnd ob er fur seczen wolt so sol der nider mulln(er) haysen aufzihen Vnd ob er dez nicht wolt gehorsam sein so sol der nid(er) muhl(ner)
einen nachpawrn ader cwen nemen vnd sol ez selber aufzihen Vnd das wass(er) daz dacz dem ablaz oberhalb der mull aufsicz daz
sol dy ober mull herwider in den graben layten Vnd wenn dez not geschiht so sol dy ober mull denn grabn alayn rwmen vncz
an den furtt der niderhalb oblaz fur get Vnd furbas wenn man wolt rwmen so sol dy nider mull den dritten pfenning gebn
von dem furtt byz auff den Eyspawm Vnd wenn der nidern mull auch not geschiht zu rwmen so sol der nider mulln(er) dem
obern auch drey tag vor an genaw sagn Auch wen ein mulln(er) der gnanten mull sein geug wolt pessern so sol er dem anndern drey
tag vor e an genaw sagn daz er sich mit seiner erweyt dar nach mug richtn Awer welch h(er)r der gnatn mull od(er) sein mulln(er) nicht
hylt oder dowid(er) rett waz an disem priff ist geschribn czawer wid(er) eim artikl od(er) wid(er) mer der ist der Stat Czehn mark g(ut) verualln
der sol mann ein pfenning nicht lassn Vnd czu ein sicherheit vnd geczeugniss hab wir vorgnant(er) Rycht(er) Purg(er)meyst(er) vnd d(er) gancz Ratt
der obgenantn Stat vns(er) Insigl mit recht wissen gehangn an disen briff Der gebn ist nach Cristi gepurd Dreyczehenhundert Jar
Darnach in dem ffunftm vnd Nenczigistm Jar am gntickn ansand Egiditag