Research catalogue

Explore the charters

Search simply first. Refine only when the research question requires it.

1498_V_27

CZ-MZA > E57 > 1498_V_27

Source: MonasteriumAI palaeographyAI interpretation
Page 1 / 2
1498_V_27, page 1
View
Transcriptiongemini-3.1-pro-preview
Ich lasla herr Vonn der Weittmull Bekenn Offenlich mit dem brieff fur mich Vnd all mein Erben Vnd nochkomen Vor
allen die Jnn sehen hörn ader lesen werden Das Jch rechtlich Vnd redlich Verkauft hab vnd Jnn krafft des brieffs
Verkauff Jch Jegenwurtiglich mein Erb den Winkel genant So gen Kawsennpruk gehörn hatt als weitt als er mit
dem graben Vmbffangen Jst Vnd halbe stetten des wassers Vntz auff des mullners Von migmans grunt mit land
Vnd mit wasser frey Vnd ledig mit allengerechtikait Zugehörung nützen Vnd fruchten Vnd genies nichts ausgenomen
Als Jch Vnd meine Vorfodern das Jnngehalten gehabt genossen Vnd praucht haben nichts mir noch meinen Erben Vnd
nochkomen solicher genies nütz ader prauchung daselbst behaltund Dem Erbern Jorgen lükl seinen Erben Vnd nochkomen
das sie den selben winkl sollen hinfur haben halten besizen prauchen Vnd geniessen als Jr aigens Erblichs guett Zw
ewigen zeytten Sye mugen das auch Vermachen Verkhaüffen Versetzen Verlegen austailen verwandten weib Vnd
damit thuen Vnd Handeln wie sie Verlust noch allem Jrem willen als mit Jrem aigen Erblichen güt dar ynn
sol Jch noch mein Erben Vnd nochkomen Jn khain hinderuns noch Jrrung nicht tuenn Jn khainerlai weis hinfur
Ewigklich Doch das sie von dem selben winkl der obgenandt Jörg lükl sein Erben Vnd nochkomen sollen alle Jar
ewigklich gen Kawsennpruk Vierzig groschen auff wienner zall Siben phennig fur ain groschen Zuraiten dienen
ader zinsenn Namlich Zu Sandt Michels tag Zwainzig groschen Vnd Zu Sandt Jorgen tag zwainzig groschen Vnd
sollen nichts mer dauon dienen noch tuenn Vnd alles was an dem brieff geschriben stett gelüb Jch Vorgeschribner
lasla herr von der weittmull bey gueten trewen fur mich mein Erben Vnd nochkomen Vest Vnd stett Zubehalten
an alles Verwandeln Vnd widersprechen getrewlich Vnd Vngeuarlich Des Zw Vrkund Vnd sicherhait hab
Jch mein Jnsigel Zu dem brieff lassenn anhenngen Vnd hab gepetten den Hochwurdigen Herren Herren pawl
Abbt Zu prugk Vnd Wolgebornn Herren Herren Michel Von der weittmul Vnd den Edeln Margkwardh Von
kralowik das sie Jere Jnsigel Zu geugnüs Zw dem brieff auch haben lassen anhengen
neben dem mein Jn Vnd Jren Erben anschaden der geben Jst am Sontag noch Sandt Vrbans tag Nach
Cristi geburdt Tausenth Vierhundertt Vnd Jn dem Acht Vnd newnzigisten Jare

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.