ANNO DOMINI MDCLXXV DIE VERO V. AVGVSTI IN FESTO
B. V. MARIAE ad Niues, Facta est conuentio mutua, & ultro citroq(ue) absoluta inter Nos MATTHAEVM SEBASTIANSKY PRAE-
SITVM, et Totum Conuentum Mon(aster)ij Neoreischensis Canon: Regul: Praemonstrat: ex parte una: et altera inter Me MARTINVM IGNATIVM HLAVSSEK
tunc temporis Parochum Gdaussouiensem, de subsidio conferendi Certum Quantum in Fabricam Noui Templi a fundamentis ad idem Monasterium aedificandi, impendendum. Nempe quod Ego Martin(us) Igna
tius Hlaussek, consideratis multis fauoribus, et gratijs mihi a Divinit(ate) Bonitate hactenus liberaliter collatis, atq(ue) affectu quo erga hunc Sacrum Ordinem et Locum praenominati Mon(aster)ij Neoreisch(ensis)
his specialiter feror, deliberata voluntate, ac motu proprio, de Substantia mea propria ad Gloriam Omnipotentis DEI, Honorem B. V. MARIAE, et SS. Apostolorum PETRI et PAVLI, pro
futura eiusdem Templi fabrica DUO millia florenorum Rhenensium ad certos Terminos et sub quibusdam infra Scriptis Conditionibus obtulerim, deponendos uidelicet annue circa Festum S. Georgij
Quadringentos florenos Rhen: atq(ue) ita dictam Summam 2000. Floren: Rhen: intra QUINQ(ue) annos integre exsoluendam, nec non ad aliud opus, vel finem, praeterquam pro Murarijs et Lapicidis im
pendendam. Quod si uero ante exsolutionem Summae huius, et executionem aedificij illius (ita disponente Deo) morte praeuentus essem, vigore praesentis Instrumenti designo, et amodo hypotheco,
Duo millia florenorum Rhenensium, qua iuxta certam obligationem penes Ill(ustrissi)mum D(omi)num Comitem Bertholdum D(omi)num in Policz (Tituli) sub Ordinario Interesse deposita habeo, vt exinde
restans Quantum ad executionem Intentionis meae exoluendam, excipiatur. Haec interim subsequentia intuitu oblationis et subsidij mei peto mihi a R(everendissi)mo D(omi)no supra nominato Praelato,
eiusq(ue) V(enera)bli Conuentu praestari. I(m)o Sacellum speciale pro Altari S. Crucis (quod altare uolo proprijs expensis praeter illa duo millia flor: Rhen: fieri curare) supra uero portam seu Ostium Sacelli
meum Quale quale fuerit Insigne, et Nomen qua Patroni in memoriam adnotari et appendi. II. Cryptam ad Sepulturam meam, Amicorumq(ue) meorum, et pro me mortuo consuetas in Ordine Sacro Exequias.
III. In eodem Altari S. Crucis quoad vixero, peto singulis Feriis Sextis Missam Votivam de S. Cruce, ad cuius finem orari uolo, uoce clara de S. Cruce antiphonam cum sua Collecta: Per Signum Cru
cis de Inimicis nostris libera nos Deus noster: V. Omnis terra adoret Te et psallat Tibi: R. Psalmum dicat Nomini Tuo D(omi)ne. Oremus. Perpetua nos quaesumus D(omi)ne pace custodi, quos per lignum S. Crucis redimere
dignatus es. Post mortem uero meam similiter singulis diebus Veneris Missam Requiem pro refrigerio animae meae, meeq(ue) totius Cognationis in perpetuum celebrari, idque sub Matura, qua absoluta
celebrans adhuc Sacerdotalibus indutus in medio Altaris subsistens clara uoce Ordinarias Collectas: Inclina D(omi)ne Aurem tuam & pro anima mea de Nomine recitet cum clausula: Et fideli
um animae &. In Anniuersario autem Depositionis meae Missam (ad quam Dominica uel Festo Anniuersarium praecedente Populum de Cathedra inuitari amice cupio) eandem decantari. Si uero in eandem
feria Sexta, Festo Duplici, quo minus Missa Votiua de S. Cruce uel Requiem celebrari possit, in supplementum huius, ut meae intentioni inseruiatur, Missa de occurrente illius diei Festo ad idem Alta
re celebranda erit. In quem finem et fundationis huius meae in perpetuum obseruandae animaduertentiam, promitto me in securo, certoq(ue) loco designaturum in Testamento, aut (si illud non esset) uigore praesentis Instru
menti mille unum flor: ex duobus supra dictis millibus (apud Ill(ustrissi)mum D(omi)num Comitem Bertholdum D(omi)num in Policz (Titulus) pro Interesse quinq(ue) per centum, perpetuo a V(enera)bli Conuentu excipiendum et elocandum. Vt ex obueniendo censu
annuo, tum V(enera)blis Conuentus Sacerdotibus celebraturis per annum, tum Anniuersarium expedientibus, hocce modo satisfiat. Vigintiquinq(ue) floreni cedant per annum celebraturo, Anniuersarium vero decantaturo speciali
ter Imperialis, Scholae seu Musicis 2. floreni. Sacristae pro vino, candelis et apparamentis, sacelliq(ue) nitore conseruando. 6. fl. 30. kr. Item pro maiori speciali candela 5. librarum ad quodlibet Anniuersarium nouiter procu
curanda, et dein tempore Sacrorum per annum peragendaerum, super cryptam semper accendenda 2. fl. 45. kr. Sacristano et Ministris per annum 1. fl. 30. kr. Pulsantibus in Anniuersarium. 45. kr. Pro
duplici Refectory V(enera)blis Conuentus Patribus destine 7. fl. ut potiti hocce exiguo, habeant tamen in piam suam pro Anima mea exorandi suspirium et dicendi illius: DEO GRATIAS! Reliquos quinq(ue) florenos, post ce
lebratum Anniuersarium distribui cupio pauperibus ostiatim per mediam eleemosyna, uel in nummo uel in pane, qui adducendi erunt ad orandas litanias de B. Virgine cum Collecta Bohemicas, et Oratione pro De
functis: DEUS Omnium Conditor & ad praenominatum sacellum S. Crucis, praeeunte Patre, qui Anniuersarium celebrauit, quemq(ue) in hoc amanter requisitum cupio, et facturum confido. Istud autem speci
aliter ad notam accipiendum cupio, ut si me contingat ante perfectam fabricam Templi et Sacelli S. Crucis mori, quatenus ad interim in honesto quopiam loco Conuentus, Capituli, vel Fabricae Templi deponar
donec commode aedificata Ecclesia cum consuetis exequijs sepeliri possim. Ad ultimum in hac mea pia intentione obtestor humiliter R(everendissi)mum D. Praelatum cum V(enera)bli Conuentu, eorumq(ue) Successores,
vt pro gloria DEI, et exaltatione S. Crucis, & rei sibi sumq(ue) perpetuam rei huius executionem, pro qua deuote et constanter hic in terris obseruata, olim a Deo in Coelis mercedem sperandam, pro o
missa autem Indignationem verendam habituri sint. Ego uicissim supra nominatus Praepositus Neoreischensis cum V(enera)bli Conuentu meo, et Successoribus nostris, hocce tam pium spontaneum, liberaliq(ue)
subsidium, supra memorati Adm: R(everen)di D(omi)ni Parochi gratanter suscipimus, omnes illas supra specificatas Conditiones a Nobis et Successoribus Nostris, plene et integre adimplendas Religiosa fide pro
mittentes, nec in alium vsum, quam in fabricam Mon(aster)ij, in Murarios et Lapicidas praelatam Summam 2000. fl. exponenturi. Promittimus etiam, quod ad dextrum latus in medio Nauis Templi Sa
cellum pro Altari S. Crucis cum crypta et titulis pro sepultura Adm: R(everen)di D(omi)ni Benefactoris aedificabimus, atq(ue) omni feria sexta, ad dies vita ipsius Missam Votivam de S. Cruce, post
obitum uero ipsius Requiem celebraturi, nec non pro mortuo solennes in Ordine nostro consuetas Exequias habituri. Vt uero haec singula inter Nos amicabiliter, deliberate et spontanee conuenta suum
uigorem plene et integre sortiantur, et opere compleantur, ac in optatum finem deducantur, rogauimus uterq(ue) R(everendissi)mum D(omi)num Godefridum Olenium, Mon(aster)ij Zabrdouicensis Abbatem, Patrem
Abbatem nostri Mon(aster)ij Neoreischensis, et Adm: R(everen)dum Praenobilem ac Doctissimum D(omi)num Nicolaum Vincentium Fux, Decanum tunc Telczensem, tanquam conscios et Testes huius nostri mutui
Contractus in duplici Exemplo (pro Partibus Contrahentibus) erecti, vt una Nobiscum sua sigilla apponerent, suisq(ue) manibus se subscriberent. Actum in Monasterio Neoreischensi, Anno Mille
simo, Sexcentesimo, Septuagesimo quinto Die vero 17 Septembris.
Fr. Matthaeus Praep(ositus) Neoreis(ensis) m(anu) p(ropria)
Martin(us) Ig: Hlaussek
Paroch(us) Gdaussouiens(is) m(anu) p(ropria)
Fr. Godefrid(us) Prior et Tot(us)
Venerabl(is) Conuent(us).
Fr. Godefridus Abbas Zabrdovicensis
Visitator Ordinis m(anu) p(ropria)
Nicolaus Vincenti(us) Fux
Decan(us) Telczen(sis) m(anu) p(ropria)